ضروري تشوفون لي حل

السلام عليكم



يابنات ابيكم تساعدوني وربي اني لجأت لكم بعد مافقدت الامل في اني الاقي حل
فقلت اكيد انكم ماراح تقصرون معاي وتساعدوني

الموضوع ومافيه اختي اللي اصغر مني علاقتي معاها في تدهور وبالاخير وصلت للقطعان بلا رجعه

امس قررت اني اشيلها من حياتي قلت لها خلاص اعتبريني مت وانا اعتبرك متي وربي اني اكتب لكم الموضوع ومااشوف الكيبورد من دموعي

وياليت الخلاف اللي بيني وبينها يستاهل جدا تافه

انا راح اقولكم فعايلها معاي وانتم احكموا وشوفوامين معاها الحق حتى لوانا شايفين الخطا مني قولو عادي ماراح ازعل

المهم انا وهي جينا ورى بعض مابيني وبينها الا سنه بس هي تزوجت قبلي وخلفت وانا بعدها بكم سنه تزوجت وخلفت
من يوم كنا صغار لحد ماكبرنا وتزوجت وانا وهي دائما في خلاف
حتى لما تزوجت حسيت ان هذاك اليوم عيد قلت اخيرا افتكينا منها مع العلم يوم زواجها جلست مره ابكي على فراقها كنت غبيه
وعندي كمان اختين غيرها اكبر مني بس والله احبهم مره دائما متفاهمين مع بعض مع انه حتى هم يكبرون عني بسنه وسنتين
المهم بعد ماتزوجت تحسنت علاقتنا احسن من اول لان ووين وين نشوف بعض مانشوفه الا في الاسبوع مره
وربي رزقها بمولوده وربي الى الان اعتبرها بنتي مره احبها كنت دائما اساعدها فيها واحيانا تخليها عندي لانها كانت بعدها تدرس وبعدها خلفت ماشاءالله غيرها الله يحفظهم
انا تزوجت وربي رزقني بطفلين المهم علاقتنا فجأه تغيرت صارت تزعل مني في كل شي حتى لو تصرف حصل مني بسيط
ماادري لان يمكن حياتي احلى من حياتها او يمكن لان زوجي يحبني والله مدري وش فيها

هذا اللي حكيته بالاول مجرد نبذه عني وعنها
الحين راح احكي فعايلها معاي

مثلا مره من المرات كنا متجمعين عند اهلي وهي موجوده هي بيتها جمب بيت اهلي صرت دائما اشوفها كل مااروح عند اهلي
مره ضربت ولدها عمره ست سنوات لانه قل ادبه معاي وضربني هي الحين بدال ماتقوم تخاصمه وتقول عيب هذي خالتك لا قامت تضربني وتدفني قدام ولدها وربي انا انصدمت قلت خلاص عيب نتضارب قدام عيالك هي عادي طنشت وجلست تضربي يابنات انا اكبر منها وولدها غلط علي الحين مين الغلطان انا وقتها مره زعلت وعصبت حتى امي وابوي كانوا نيام سمعوا اصواتنا واحنا نتخاصم وحكيت لأهلي تخيلوا ماوقفوا ولا مع وحده فينا بس قالوا احنا طفشنا منكم لمتى بتجلسون على هالحال قلت لهم طيب قولوا مين اللي اخطأ ولاحياة لمن تنادي

والموقف الثاني مره بناتها مسكوا بنتي وبنتي بعدها صغيره وجلست تصيح فانا قلت لبناتها خلاص سيبوها مسكينه طفشتوها العبوا معاها بس بشويش حتى امي كانت جالسه وقتها عصبت اكثر مني هي قامت زعلت ومسكت بناتها وقالت انا كم مره اقلكم لاتمسكوا عيالها خالتكم اصلا ماتحبكم تخيلوا دخلت في رووس عيالها اني مااحبهم وانا والله العظيم وربي يشهد على كلامي اني احبهم مثل عيالي حتى هما يعرفوا هالشي لاني دائما اذا جيتهم اجيب لهم معاي هدايا والعاب او بسكويتات واحيانا العب معاهم

والموقف الثالث اللي للاسف قررت اقطعها فيه هو جدا تافه
مره دقيت علي تلفون اهلي ردت هي علي كانت عندهم للعشا المهم انا بغيت امي تدق على جوالي بجوالها لان عيالي الله يهديهم ضيعوا جوالي بالبيت وزوجي كان برا البيت بس لما ردت هي قلتلها دقي على بجوالك وقتها امي سألتها قالت مين معاك قالت لها فلانه هي دائما تضيع جوالها موجديد عليها انا عصبت قلتلها لاترفعي صوتك مابي ابوي يسمعك ويقوم يخاصمني لان احيانا جوالي يضيع علي ويهاوشني وقتها كان زوجها وابوي جالسين معاهم فعشان كذا قلت لها لاترفعي صوتك هي الحين زعلت عشان بس قلتلها لاترفعي صوتك وانا والله ماادري انها زعلت بس لماجيت اقفل الخط من عندها قلت لهاخلاص لقيته هي قالت كلمه وسبتي انا رديت لها نفس السبه اخذت المووضع من باب المزحه
اليوم الثاني كلمتني اختي اللي اكبر مني وجات هي معانا على الخط الثاني وانا كنت عادي اكلمها بعدين قالت لي خلاص انا بقطعك قلت لها ليه قالت ليش ماتحترميني وترفعي صوتك علي قلت والله انا بس عصبت ماابي ابوي يسمعك ويهاوشك بعدين عادي انتي اختي ستري وغطاي لازم يعني اخذ بالي في كل كلمه اقولها لك يعني اعتبرك غريبه وقلتلها حتى انتي سبيتيني قبل مااسكر الخط معاك مازعلت كنت احسبك تمزحي
واختى الكبيره معانا تسمع بس كالعاده زي امي تقول احنا ملينا منكم ماندري الحق مع مين

وحصل مره موقف مره سوت صينية عشا وطلعتها من الفرن وانا جيت وطالعت بالصينيه ورحت هي جات بعدي وحسبتني لعبت بالصينيه بيدي وكانت الشغاله جالسه معاها بالمطبخ تخيلوا وش قالت
قالت بصوت عالي وين فلانه الكلبه تقصدني انا ليش تمسك الصينيه وان والله مامسكتها واذا مسكتها بتطير الدنيا
ومواقف كثيره بس طولت عليكم مره

امانه عليكم تشوفون لي حل او ترفعون موضوعي ولو بدعوه ورب هالشي مأثر على حياتي حتى مع زوجي واولادي