أنصحك بالآتي:
إذا دخلتي و تروّشتي و خلّصتي
حاولي تقللي الموية الحارة و تزيدي البارد تدريجياً
و استمري إلى أن تفقد القدرة على تحمل الماء البارد
بعد كذا .. خذ يلك من الحنفية اللي عندك مقدار كاس أو كاس و نص ماء بارد بدون سخّانة و اشربيه
هالمرة ما يضر موب لازم تشربي من التحلية
الفائدة:
هي تقريب درجة حرارة جسمك من الدرجة الخارجية
و فائدة الماء اللي شربتيه هي أيضاً تقريب درجة حرارة جسمك و أجهزتك الداخلية من الدرجة الخارجية
لأن الفرق بيكون شاسع لو طلعتي و أنت دافئه من الماء
لكن بالطريقه هذي أنتي تأقلمي جسمك للجو الخارجي
عشان ما تطلعي و يصفقك هواء بارد و يدخلك برد
أو يجيك ( أبا الوجيه ) و البعض يسميه ( لوف ) و قد حصلت لأحد الشباب شفاه الله
و يسمى بالتهاب العصب السابع .. و سببه التعرض للفحة برد بعد دفا
و أبا الوجيه هذا يمكن يجيك لو إنك جالس في البيت قدّام الدفاية و فجأة طلعت برّا وهالأيام الجو بدأ يبرد.
ودمــــــــتـــــــــم بصحه وعافيه
حبيباتي