ضروري كلنا نطلب السماح منها ؟؟((تحذير تشتغل انشوده مباشره مع الموضوع))

WIDTH=0 HEIGHT=0












إنَّ البرَّ سببٌ لتفريج الكربات ، وسبب لإجابة الدّعاء ،

و لطمأنينة النّفس ، و انشراح الصّدر ،

فهو سبب لكلِّ خيرٍ ونعمة من الله ...



اذا كنا ندور على السعاده ،،

بنلقاها بسهوله عند امهاتنا ،،

دعواتهم ورضاهم هي سر السعاده الداخليه ،،




والام كل ماكبرت بتكون حساسه اكثر ..

يعني لازم نراعيهم اكثر ..




خلاص سنين من عمرهم راحت وهم يراعونا ويهتمون بأدق

امورنا ؛؛؛ دلعونا وقدمونا على انفسهم بكل شي ..

الان جاء دورنا نعوضهم ..





لو يعاملونا ازواجنا بعطف وحنان واحساس الام ،،

كان قطعنا انفسنا لرضاهم ،، وعطيناهم ضعف مااعطونا ..







ترى الام مو محتاجه فلوس وتوفير طلباتها وبس ..

لا محتاجه الحنان والعطف والدقه بالتعامل والاحساس فيها ؛؛





اذا اشتكت لازم اتصال وسؤال ونحسسهم بخوفنا عليهم،،

تحتاج من بنتها تشاورها كثير .. وتآخذ رأيها ..

لازم نشعرهم ان لهم دور فعال .. واننا نستفيد من خبرتهم بالحياة

مو خلاص عشانا تزوجنا نلها بحياتنا ..




محتاجين نتفاعل معهم بقصصهم القديمه ؟؟

يعني تجي الام متحمسه وتقول قصه بالنسبه لها قصه رائعه

كلها حكم ووو ،، وتتفاجأ ببرود تفاعل اللي حولينها ؟؟

لازم نسمع لهم بأصغاء ..









انا اتكلم عن الام الكبيره بالسن فحجاتها ومتطلباتها النفسيه

والمعنويه غير عن الام الصغيره ...



اختي الكبيره رضعتني مع ولدها .. يعني تصير امي

اشوف التعامل معاها وبرها اسهل من امي ،،

فما تكون حساسه واصلا مشغوله في بيتها وبرى بيتها وبيعيالها

ومازلت قويه لم تكبر فنفسيتها تكون مستقره ..




اما اذا كبرت الام تحس ان دورها في الحياة انتهى بمجرد زوجة

ابناءها .. ومع الفراغ والتفكير ،، تصير حساسه ,,



هنا يجي دورنا نحسسهم انهم باقين مهمين ونصير نشاورهم ووو

بأختصار الكبير لازم نراعى نفسيته اكثر ..

ونكون دقيقين بالتعامل معه ..







ترى اذا ماتعاملنا معهم بعطف واحساس وشاركناهم

بنعرضهم للأكتئاب او أي مرض نفسي ثاني ..





ونحن مطالبين بالبر سواء الام كبيره او صغيره ،،

ولكن عند كبر سنهم يصبح الامر صعب ..

وممكن تصدر من الابناء تصرفات تجرحهم

ممكن يرفعون الصوت ويتذمرون ..










نصيحه اختي الحبيبه اذا تضايقتي

من تصرفات امك .. اذا هممت ان ترفعي صوتك



تأملي فيها واطيلي النظر..

هل تنظرين الى هذة التجاعيد التي ملئت وجهها الصافي



كم بكت عيناها عند اصابتك بمكروه ..

كم شالت بيديها واعتنت بك وفعلت مالم يستطع

ولا يطيق الاب فعله ..



هذه الام هي التي قال فيها الرسول امك ثم امك ثم امك ثم ابيك ..

كم سهرت وتعبت لاجلك ..

هل نسينا افعالهم ام تناسينا وتجاهلنا ..











اذ والدتك بجانبك قبلي يديها ورجليها .. واطلبي منها السماح

بيني حاجتك لدعواتها وذكريها انك بدونها جسد بلا روح ..

شاوريها ،، تعلمي من ماضيها ،، اطلبي منها ان تعطيك من دررها

وحكمها ،، واجعلي من نصائحها دروس لحاضرك ومستقبلك ..




نصيحه ابدئي يومك بقبله على جبين والدتك الحنون ..

مهما كانت الام قاسيه في تعاملها الا انها تحمل قلب حنون

عطوف على ابناءها ؛؛

فمجرد ان تتقرب الابنه وتتودد وتظهر حبها وخوفها واعجابها بأمها ؛؛

تأكدي انها ستترجم مابداخلها من حب وحنان بالتصرفات ..

وستنعمين برضى الله ورضاها ..















اذ والدتك بعيده عنك هاتفيها .. وبيني لها شوقك وحنينك لها ..

لا تنهي المكالمه الا على دعواتها الصادقه ..



واستمري دائما وبشكل يومي على اتصال ...

لا تقطعي بها ايام ،، فمكالمتك دقائق يوميا ،، لها تأثير ايجابي

على نفسيتها ..



في الاجازه وعند زيارتك لها ،،

لاتقضي الايام سهر مع الاخوات والقرينات ،،

وتتركي امك التي لاتعرف للسهر طريق ،،

وازني بين الامور يالحبيبه ،،












جربي حبيبتي ،، وستلاحظين راحتك النفسيه وانشراح صدرك ..

رضاهم من رضا الله ،، فلا تتعبي نفسك بالنوافل والتقرب الى الله

وانت بعيده عنها ليس جسديا ،،

بل بعيده بمشاعرك واحاسيسك ... ببرك وعطفك










عجبي لمن ارادت من امها ان تتحملها وتفهم مقاصدها،،

تراعيها ولا تجرحها ... ولا تضايق ابناءها ولا توجههم ..












ولكل حبيبه فقدت امها اقول لك ..

اكثري دعاء لها فهذا اعظم ماتقدمين لها ..

استغفري وتصدقي عنها .. ولقاكم جنات عدن باذن الله ..














دعوه للجميع .. علينا ان نقبل ايديهم ونطلبهم السماح ..

اللي امها بعيده تكلمها وتقول ماابي من الدنيا الا رضاك ..

ترى رضاهم من رضا الله ،،، والجنه تحت اقدامهم .












سامحيني يالغاليه ،،