السلام عليكم ورحمة الله
خواتي في الله قريت موضوع اخت لنا الي صارت تخاف من بنتها وهذا رابط الموضوع
http://forum.hawaaworld.com/showthread.php?t=3055357
انا بكلامي الي بقوله ما ابغا اخوفها او اخوفكم لا والله بس ابغاكم تكونون حريصين اكثر على اطفالكم , في اشياء ممكن ما تخطر على بالكم ممكن تصير لهم وبقولكم الي صار مع بنت سلفتي عشان تفهمون قصدي ,
احنا مغتربين بامريكا وسلفتي عندها بزوره ربي يخليهم لبعض وهي موظفه وزوجها و اطفالها يروحون المدرسه الا اخر العنقود وهي بعمر بنت الاخت صاحبة الموضوع في الرابط الموجود فوق ,
فيه ضروف حصلتلي اضطريت اجلس عندهم فتره وانا غير موظفه عاطله اكل ومرعى وقلة صنعى المهم وهي كانت دايمتشتكي من وضع طفلتها لان المربيه الي تجيبها وهي جارتهم اصلا وقت متروح العمل لاحظت اشياء غريبه على البنت تتكلم وتتتخاصم وهي لوحدها بالغرفه ولمن تجيها المربيه تسالها تكشر بوجهها وتطردها من الغرفه وطبعا المربيه تحسب انها تحلم وتتاثر بالي تشوفه وهي صاحيه فقلتلها دامني بجي اجلس عندكم مافي داعي هالمربيه تجي وانا بنتبه لبنتك ذي الفتره (آآآآآآه ما صدقت الاقي طفله اصحيها واروشها والبسها واكلها يآآآآآآآآآآآآآآآآه يارب لا تحرمني ولا مسلمه من الأمومه :44:
وفعلا اول يوم ما لاحظت شي ولمن صحيت لقيت المحروسه سلفتي مصكره الباب على بنتها بالله كيف بسمعها ونبهتها انها متقفل الباب ثاني يوم , وفعلا يوم صحيت وماره من جنب الغرفه الا والبنت الصغيره تتكلم وتتخاصم مع احدوتقول روحي ابغا انام لسا ماشبعت نوم حسبتها تكلمني واطل براسي الاوالبنت متلحفه بالكامل حتى وجهها مغطيته يعني ماشافتني اصلا ساعتها وصرت كدا :o وادخل عندها واحاول اسحب اللحاف وهي تصرخ وتقول روحي روحي قلتلها بسم الله عليكي لا تخافين انا عمه يابنات كشفت البطانيه وفعلا كانت معصبه وقالت اطلعي برا روحي ابغى انام وتغطت مره ثانيه :angry2:
قررت ثاني يوم انام معاها بس بدون متحس اول ما البيت فضي تسحبت لغرفتها ونمت جنبها على السرير والله نومه تعذبت فيها هي كوابيس هو قلق مو فاهمه اش الي كان يصير لي حسيت اني متضايقه من النوم هنا او احد متضايق من وجودي صحيت مفزوعه قريت الي اعرفها من الايات والاذكار الخاصه بالجن ونمت والحمدلله ماصار شي ويوم صحيت وهي كانت معطيتني ظهره مسكينه كانت خايفه تلتفت وراها وفجاه بدت تصيح وسميت عليها قولتلها انا عمه حبيبي لا تخافين التفت و حطت راسها بحضني بكل قوتها ضميتها وقريت عليها وهدت واليوم الثاني والثالث الى الرابع كنت مررررره نعسانه جيت من غرفتي وعلى طول ارتميت على سريرها ونمت بدون اي قرايه والغرفه كانت مظلمه يا دوب نور خفيف من خلال الستاير لان النهار طلع والباب مقفل وشوي حسيت بنور دخل الغرفه من جهة الباب يعني احد فتح الباب طليت بعيني على الساعه الي قبال والاقيها الساعه 09:55 يعني ماحد رجع من الشغل او المدرسه ساعتها دمي نشف وقلبي صار يدق بقوه وخايفه اني اطل وراي لاني معطيه الباب ظهري لكن تشجعت ولفيت راسي واشوف ذيك البنت الصغيره بعمر بنت سلفتي تطل في بنت سلفتي ومعاها كوره بيدها وكنها منتظره بنت سلفتي تصحى عشان تلعب معاها وانا اطل فيها ومو مصدقه انا بحلم ولا بعلم يماااااااااااااااااا تذكرت حالتي يومتها وشوي تلتفت البنت لي وجهها مبتسم كدا :07:وتقولي متى بتصحى ابغاها تلعب معايا واختكم :eek:واقولها بصوت يالله يطلع من حلقي انت من ؟؟؟ تقولي انا واهلي ساكنين تحت في البيسمنت ( غرفه صغيره وحمام في البدروم) هااااااااا ماشاء الله يعني الدعوه فيها عائله كامله ساكنه معانا مو بس وحده وساعتها ما ادري اش الي صار نمت او اغمى علي مو فاكره غير اني صحيت على رنت التلفون بعدها بساعه وربع تقريبا وكنت اقول يارب الي صار حقيقه او حلم ويوم جات سلفتي على طول جلست احكيلها الحكايه وشوي تجي بنتها وتقول شفتي صحباتي يا عمه ساعتها انا وامها صرنا :o امها سحبتها وقالت لها من صحباتك قالت لها كل يوم تصحيني عشان العب معاها ,
تخيلوا يابنات من يومتها امها متخليها الا بالاذكار تخليها تردد وراها وتنفث في يدها وتمسح جسمها بالكامل وتستودعها الله والحمدلله ما يتكرر هالشي الا لمن تنسى او تتكاسل عن الاذكار وعلى فكره هم مسلمين زينا لكن برضوا الاذكار والتحصين مهم عشان الاطفال ممكن يشوفون اشياء احنا منشوفها لكن لو تمادوا او اهمالناهم ممكن المساله تتطور او يلبسونهم لا سمح الله واكيد سمعتوا كثير عن جن يحبون ويعشقون الانس بطرق مختلفه فنصيحه لكل ام تنتبه لعياله ولا تنسى الاذكار والنفث والمسح على كامل جسمهم لا تتكاسلون وتندمون باقي عمركم وربي يحفظنا جميعا ويشفي كل مريض ومسحور ومعيون وملبوس اللهم اكفنا ااعين الانس وانفس الجن بما شئت ..
استودعكم الله من لا تضيع ودائعه
!!zozo!! @zozo_4
محررة ماسية
هذا الموضوع مغلق.
وطني أجمل
•
الله يحفظنا بــــــــــــحفظه ,,, ويحفظ هالأطفال يارب من كل شر ,,,,
أثيروثير
•
سبحاااان الله،،، يعني شفتي البنت؟
من جد ضروري ماننسا الاذكار ونعود اطفالنا عليها
جزاك الله خير حبيبتي وضروري سلفتك تفتح القران بالبيت
من جد ضروري ماننسا الاذكار ونعود اطفالنا عليها
جزاك الله خير حبيبتي وضروري سلفتك تفتح القران بالبيت
الصفحة الأخيرة