السلام عليكم ورحمة الله
اشحالكم جميعا
اليوم عندي موضوع وابا مشورتكم
الله يسلمكم اختي متزوجه حالياً من 19سنه تقريبا ونتج من الزواج بنت وثلاث اولاد
اكبرهم البنت حاليا صف حادي عشر
اختي زوجها يشرب
وامه خشت علينا الموضوع حتى ابوه الله يرحمه ما كان يعرف الا بعد ما تزوج اختي
زوج اختي عنده علاقات محرمه قبل الزواج بس بعد الزواج ما اعرف اذا مستمر او لا
دايما كان يضرب اختي ويسبها من يوم كانت حامل ببنتها
وكم مره يت البيت عند ابوي ويتعهد ويقول خلاص ما راح اكرر ضربها ويرجع ع نفس حالته حتى زوج اختى تدخل وما فاد
ووصل يضربها جدام عيالها ويسبها ويهينها
كنا نقول لها تطلقي منه وتعالي عيشي حياتج بس دايم تقول عيالي وعيالي لانه اهله ما يرضون يمسكون عيالها
ومن تخليهم عندهم من تطلع لين ترجع وهم يدعون عليها ويسبونها بتقولون كيف عرفتي
اخت ريلها قالت لها نحن ندعي عليج ونسبج واذا ما تبين الكلام عليج لا تخلين عيالج عدنا
هي دايم تشد على عيالها عشان المذاكره بس هو قالها انتي ما تعرفين تربين العيال والسبب ان عندها الولدين الاخيرين نموهم فيه خلل
واحد صف سادس الحين وتصرفاته تصرفات ياهل وتحسونه كانه مختل عقليا وكانت تسمعه قرآن وقالت له نص ساعه وبرجع اسمعك هو ما عجبه وقالها روحي بيت اهلج وعيالي ما يبونج
والولد الاخير عمر خمس سنوات بس عقله عقل واحد عمره سنه
قالت لها اخصائيه في مركز تاهيل المعاقين ولدج الحاله اللي فيه بسبب المشاكل اللي عايشينها ولازم تكونين مطلقه دامه يضربج جدام عياله ويسبج
مشكله هالفتره فترة امتحانات وتحاتي عيالها
وبنتها وتخاف ع بنتها يخلونها تخدم اخونها وتهمل دراستها
تقول تعبت وياها لين ارتفع مستواها والحين اخاف يرجع ينزل
وانا اخاف ترجع له وتعيش حالة العذاب
الحين هي ف بيت ابوي وابا نصايحكم شو اقولها عشان ما نخليها ترجع له العصر بروح عندها
تحملت اهانات امه ووضعه المادي الزفت وسرق ذهبها كله وباعه وشربه والخرابه اللي سكنها فيها وصارت شغاله له ولاهله قامت فيهم وما يذكرون معروفها
تراه اختي متزوجه عمرها 17سنه والحين عمرها 36 سنه
وبعد شكاك لابعد الحدود
ام زويد @am_zoyd_1
عضوة نشيطة
يلزم عليك تسجيل الدخول أولًا لكتابة تعليق.
Nadine Abdulaziz
•
الله يكتب إلها الخير
fofo113
•
اختي انصحوها ان ضرب كذا بااستمرار يسبب لها حاله نفسيه ويأثر على اولادها ومايصير يتربون في جو كله مشاكل وعنف اسري وزوج يشرب يمكن بعدين لاسمح الله يقتلها لانه مو في عقله وعندهم المحكمه تتطلب وتطلب حضانه لعياله وبيتها غصب عنه لانه هو يشرب ولا يقدر يرببي اولاد ويهتم فيهم .المحكمه تعطي حقها ع طول دام هو يشرب محد يعتمد عليه .اختي اي بلد انتي ؟
fofo113
•
fofo113 :
اختي انصحوها ان ضرب كذا بااستمرار يسبب لها حاله نفسيه ويأثر على اولادها ومايصير يتربون في جو كله مشاكل وعنف اسري وزوج يشرب يمكن بعدين لاسمح الله يقتلها لانه مو في عقله وعندهم المحكمه تتطلب وتطلب حضانه لعياله وبيتها غصب عنه لانه هو يشرب ولا يقدر يرببي اولاد ويهتم فيهم .المحكمه تعطي حقها ع طول دام هو يشرب محد يعتمد عليه .اختي اي بلد انتي ؟اختي انصحوها ان ضرب كذا بااستمرار يسبب لها حاله نفسيه ويأثر على اولادها ومايصير يتربون في جو كله...
وشكاك محد يتحمل العيش معه ماله الا طلاق والشرع مايرضى حتى في هالشي تتطلق وتطلب حضانه احسن لها وتريح راسها
ام زويد
•
fofo113 :
اختي انصحوها ان ضرب كذا بااستمرار يسبب لها حاله نفسيه ويأثر على اولادها ومايصير يتربون في جو كله مشاكل وعنف اسري وزوج يشرب يمكن بعدين لاسمح الله يقتلها لانه مو في عقله وعندهم المحكمه تتطلب وتطلب حضانه لعياله وبيتها غصب عنه لانه هو يشرب ولا يقدر يرببي اولاد ويهتم فيهم .المحكمه تعطي حقها ع طول دام هو يشرب محد يعتمد عليه .اختي اي بلد انتي ؟اختي انصحوها ان ضرب كذا بااستمرار يسبب لها حاله نفسيه ويأثر على اولادها ومايصير يتربون في جو كله...
حبيبتي الحاله النفسيه صايره
والامراض صايره حتى السمع ما تسمع زين
ان شاء الله اقدر اقنعها
حبيبتي انا من عمان
والامراض صايره حتى السمع ما تسمع زين
ان شاء الله اقدر اقنعها
حبيبتي انا من عمان
الصفحة الأخيرة