ضروري يا اخواتي تردون علي الله يجزاكم خير

السلام عليكم ورحمته الله وبركاته ...

بنات انا ابغى وحده فاهمه في امور الدين وتعطيني رايها بكل صراحه ......
مشكلتي هي :انا طيبتي مالها حدود لدرجة الغباء لدرجة ان الاسبوع اللي طاف اختي اللي من امي وابوي كلمتها وقلت لها بجيك تعرفين شنو ردت علي قالت لي عزي نفسج ببيتج انا ما ابغاك تجيني لا انتي ولا بنتك قلت عسى المانع خير ردت وقالت ما جاني منك كفايه واعيالي ما ابغاهم يتكيسلون بدراستهم عشانك انتي وبنتك وانا ولا كلمه تكلمت معاها عادي لانها اختي الكبيره مع العلم انها من قبل تقولي لا تجين بس انا ما ابغى هالقطيعه ....

السالفه اللي عشانها قالت لي هالكلام انها ولدت وطبيعي تنام بالمستشفى يومين وزوجها عنده دوام بالليل ويرجع الصبح عاد انا قلت ان حرام بناتها الاربع يقعدون بالبيت لحالهم راح اقعد معاهم واعاونهم على دراستهم وبالفعل قمت اسبح هذي وادرس هذي والبس واسوي شعورهم وكل هذا على حساب بيتي وزوجي لدرجة تهاوشت مع زوجي وعاندته ورحت لعيال اختي وانا عندي بنتي عمرها 5 سنوات وشي طبيعي راح تتخانق مع بنت اختي اللي بنفس سنها يعني شيطانة اليهال اللي احنا متعلمين عليها هذي خذت لعبتي وهذي ما تكلمني وصراخ وبنتي مع بنت اختي غافلونا وشمخو سيارة زوج اختي طيب هذولي اطفال ما عليهم لوم ومن هالكلام وانا خليت بنت اختي الكبيره بثالث ثانوي تقفل عليها الباب وتدرس وانا اخذت البنات ال3 ونزلت معاهم العبهم <<<<<<< بالاخير يوم طلعت اختي من المستشفى قامت تحاسب بنتها الكبيره ليش مادرستي وليش ما تابعتي ادوية اختك اللي معاها الربو ومن هالكلام تفاجأت ببنات اختي يتهموني اني انا سببت لهم فوضى وخليت بنتي تعفس عليهم وما تخليهم يذاكرون ((( مع العلم اني درستهم كلهم وما خليتهم يحتاجون شي )))شفتو هذا اختي من امي وابوي تقولي انا بناتي موعبيدلك ولبنتك وبيتي يتعذرلك ومن هالكلام اللي يسم البدن عاد انا قلت ان اللي علي سويته وضغطت على نفسي عشانها بس اختي ما تبغاني وانا ما حاولت اني ادخل معاها بالهواش قلت بكتفي بالاتصالات معاها بس بيتها ما راح ادخله لانها اكثر من مره قالت بيتي يتعذرك والواحد مهمن كان عنده كرامه حتى مع اقرب الناس له .....

وما اخفيك اني يومها بكيت من كل قلبي وتاثرت نفسيتي حيييييييييييل .....


للي ابغيه منكم الحين تفهموني هل انا على حق او لا او علي اثم بهالامر انا من بعد هالمشكله صرت بس اتصالات بالتلفون معاها يعني اسال عنها واخذ اخبارها واعاملها معامله طيبه ويعلم الله اني ما حسستها اني زعلانه او ان قلبي شايل عليها اكلمها وانا ابين لها ان قلبي صافي من ناحيتها ...

السؤال : هل الاتصال بالهاتف من غير الزياره لبيتها يكون هذا من باب قطع الرحم يعني هل انا علي اثم اني ما ازورها بس اكلمها بالتلفون ؟؟؟؟؟

تكفون يا يا بنات جاوبوني الله يرضى عليكم .....