مشكورة اختي

لااله الاالله
يعطيك العاافيه على الموضوع يالغلا

السلام عليكم ..
نورتوني يا غاليات


.
.




التغيير هو امر نفسي اكثر من انه نظام غذائي و رياضه !


فانتي ممكن تصادفك مشكلة الشعور بالحرمان !
مشكلة ضبط النفس !
مشكلة عدم وجود الحافز او ضعفه !
مشكلة عدم وجود القدوة او الشخصيه المؤثره والملهمه !
مشاكل نفسيه اخرى كانت سبب تحتاج لتصحيح زي ( الاكتئاب الاحباط , الفراغ , تقلبات المزاج ..الخ ) كلها اسباب تخليك تاكلين اكثر او تنشغلين بالاكل


هذي كلها امور نفسيه , ماصححتيها ما انتبهتي لها , خليك ماشيه برجيمات التسمين حقتك !
التنحيف خطوه جباره لكن مو سهله وتستحق العناء والجهد والوقت اللي نعطيه لنا وبكرى بنشكر انفسنا لاوقفنا عند المرايه وشرينا لبس جديد
بكرى عافيتنا بتشكرنا على هالفضل الكبير اللي سويناه لها


هذي نقطه مهمه ( النفس ) في اي تغيير نبيه بحياتنا كان تنحيف او غيره
الجهاد المثابره ضبط النفس الاهداف خطواتها الحلم بتحقيق الهدف مع السعي له
الصبر التحمل
كلها خطوات بنمر فيها وبتصير من ذكرياتنا الجميله فيما بعد




عيشوا حياتكم استمتعوا بتحقيق طموحاتكم


فمان الله

اعملوا يا بنات كثير من الاشياء المفيده , اسوء مدمر لكم سدحة وتفرج انستا تي في يوتيوب دمار دمار للوزن هالاسلوب
اعملوا اشياء تشبع شعوركم بالانجاز والرضى هالشي كفيل يصرفكم عن الاكل ..والسعاده اللي بتجيكم من هالاشياء بتخليكم ترجعون تعملونها عشان تلاقون سعاده بالتالي تنشغلون فيها بدل الاكل


الاكل فيه متعه طبيعي , فالبعض عندما يشعر باحباط او عدم رضى او توتر يلجا للاكل
اما ليشوش الكيمياء في جسده مؤقتا بدل من ان يحل مشاكله فيخفف توتره
اما ليفرغ مشاعره السيئه في الاكل وكلاهم امور سيئه وتحتاج تدريب , نتعلم كيف نعالج مشاكلنا
نتعلم كيف نطلع من الاحباط ونفكر بما يزعجنا بدل الهروب
ليش الاكل !؟ لان فيه متعه
وع الاغلب ( متوفر ) جاهز وسريع
فالمتزوجات لو حولوا بيتهم لاكل طبيعي 100% بتساعد نفسها كثير لتخفيف من حجم المشكله
لان التنفيس بالاكل يحتاج شغل وكرف وهي خلقه بالمشاعر السلبيه تكون طاقتها منخفضه ومالها خلق
فتتوجه لشي اخر تخفف من التوتر
على سبيل المثاال ( الرجال يهربون من مشاكلهم في النغماس المفرط بمشاهدة الاخبار والكره ) هالشي يساعدهم بالتخفيف من التركيز على مشكلتهم ويخليهم اقدر على الرجوع لمشكلتهم بنفسيه اهدا ويحلونها
* مقتبس من كتاب الرجال من المريخ والنساء من الفزهره






فمان الله , دمتم بنعمه وصحه

الحماس جيد لكن لحد يغتر بنفسه , ابدؤا بدايه صحيحه
وقليل دائم خير من كثير منقطع
رياضه تحرقين فيها 1000 كالوري بيوم واحد ماراح تنحفك


مشي نص ساعه لمدة سنه ممكن ينحفك خمسه كيلو , كيف لو زدتي ؟!
كيف لو صار كارديو ؟!
كيف لو حولتي اكلك لطبيعي ؟!
كيف لو ضبطتي السعرات على احتياجك بالتمام !؟




لاحظت في اغلب ماقرات من ردود هنا للنسا , هموم ضعيفه نفوس محطمه
ويعانون الامرين , مرارة السمنه & شقاء ضبط النفس !


والبعض ينتظر ان تتنزل عليه قدرة خارقه فيركض 10 ساعات ( لن تفعلي , ارتاحي )
ابدئي بماهو ميسر


على لابك !؟
وش المشكله انزلي انتي وياه للارض وسوي حركة المقص , ساعات تقطعينها ع اللاب جالسه ماحسيتي بالوقت 10 دقايق ماتضر
والاهم احرصي كل اسبوع على الاقل بترقية مستوى نشاطك البدني ولا ماتستفيدين شي