ضرووووري

سلام الله على قلوبكم الطاهره،،،،

إليكم قصتي فأرجو ان اجد الحل المناسب منكم ،،،،

لي خمس سنوات متزوجه زوجي طيب وحنون ومايرضى علي أبدآ لكن تغير من شهرين تمامآ صار يهتم بصديقتي ،،حتى انه

راح وخطبها ،،وهي رفضت،،مرت الايام وعرفت تضايقت لكن ماخرجت من البيت ،،قلت في نفسي عشان أخفف مصيبتي الرسول عليه افضل الصلوات تزوج على نسائه،،،

ومايحب يشوفني أضحك إلا ويجي ويقول أختك اللي أصغر منك حامل وأختك اللي توها تزوجت حامل ،،يجرحني بالرغم اني

سليمه والحمد لله لكن دائمآ يقولي أكره أخواتك لانهم حوامل ،،وانا أبكي وأقول له هذا نصيبهم ولاتحسد أحد الدنيا أرزاق مقدره،،ويقولي انتي عمرك ماتحسين باللي فيني أضطر أسكت عشان مااعور قلبي،،ولماأقوله خلينا نتعالج نسوي تلقيح اوأطفال أنابيب يقولي كفايه اللي خسرته بسببك يقصد المهر بنات 45 الف كثيره سألتكم بالله

وقبل أمس نمت الفجر ويشهد الله من التعب ماصحيت الا الساعه 1 الظهر ،،ولما صحيت شوي يدق أبوي على جوالي يقولي زوجك يشكي مااتعطينه الفراش الا بفلوس ،،والله العظيم يابنات اذكر اني قلتها قبل شهر ومزحه وعادي خليته،،

وكمان شكا على ابوي إني ماأسوي له فطور،،،وشكاوي قديمه أصلا مابيننا شيء،،زعلت ورحت عنده الغرفه الثانيه وتخاصمت معه ،،قام قال روحي عند أهلك بالرغم اني فمدينه تبعد عن اهلي 7 ساعات

وقال اعطيني جوالي يقصد الجوال اللي اشتراه لي ،،وفعلا مسحت كل شيء واعطيته ،،وامي وابوي قلقانين علي يدقون وجوالي معه،،،رفض يعطيني ،،جلست شوي قلت له صارحني ليه تسبب مشكله وتدخل أهلي مشاكلنا نحلها وفعلآ أبوي مايرضى علينا ،،دق على جواله بعد ماسامحته وسويت بيتزا وكروسان وشاي وقهوه قلنا بنطلع

لما كلمه أبوي قال له ليش جوال البنت مقفل وانا لابسه عبايتي وخلاص بنطلع قاله كسرت الجوال إنصدمت من كذبه

رحت الغرفه وماعاد طلعنا تخيلو قبل يومين شريت فستان لزواج قريبه ،،أخذ الفستان وراح رجعه يقولي بماأنك رايحه عند
اهلك ليش اخسر،،،،

وشوي يدق ابوي واكلمه يقولي تبغيني أجيلك قلت لا مره يومين وننزل،،وكلم ابوي وبالحرف قال لابوي انا بجي وبرمي بنتك عندك

والله يابنات نسيت كل كلامه خايفه أبوي يجرحه،،وهو مايستاهل دائمآ يردد هالكلمات الناس حاسدينك علي

الحريم كلهم يضحون ليش ماتضحين اقوله بأيش أضحي وراتبك فوق التسعه أشكر ربك يقولي انتي تأخذين ماتعطين

،،وانا صابره لكن اليوم طلبني طلب غريب قالي اعطيني ذهبك ساعتين وارجعه لك أقوله يفداك بس السبب مارضي يقول وانا ماأرتحت له أبدآ لانه كذاب ماعاد أثق فيه،،،

نفسيتي زفت مايعلمها غير الله ،،اهلك يقولون فيني كذا وكذا وكلااام موصحيح وانا مصدومه قلتله انت دائمآ تذمني وتقول كذا وفي الاخير يقول طز في عمك وفي ابوك وكلكم واجيب اللي أطلق منك دائمآ يهددني إنه بيتزوج ويقولي أنا ماغلطت
وطلاق أحلمي إنتي واهلك لااعلقك ساعات احس انه مريض او مسحور او في شيء في باله يبغاه يصير


تعبت بمعنى الكلمه قررت أنزل عند أهلي وماارجع له حاليآ ايش تنصحوني ؟؟؟؟