{ضريبة الامومه}

السلام عليكم 
شحالكن كروشات عساكن في خير وسهاله 
وياااارب يتمم حمل كل حامل وتقوم بالسلامه ويرزق كل محرومه ..... ( اللهم امين )


بنات موضوعي اليوم عن الولاده الطبيعيه والقيصريه : 
ع قولتهم : لا الاعزب مستانس ولاالمتزوج مستريح

هذا مثل عامي : ومقصودي فيه اني لاحظ كل لي تتكنئ تولد طبيعي اشوفها بعد فتره من الزمن عندها مشاكل فالرحم : وبالذات اذا عندها ولدين وفوق ربي يحفظ الجميع 

يعني إن تمنينا الولاده الطبيعيه .. اشوف لي حولي يشتكي عقب من المشاكل لي تستوي فيها 
هبوط رحم 
توسع
الخياطه غلط
الخياطه مرتخيه 
بالنهايه تسوي تجميليه 
وووووووووو الخ 

وإن قلنا قيصري مع ان هالشي مو بيدنا كلها من رب العباد 
وهو ادري بحكمته يكون فيها مشاكل بس اخف انا اشوفها في نظري : 
التصاقات 
تحديد الولادات 

فماعرفت بصراحه منو لي هي مرتاحه فينا 
كل وحده لها شكاويها وكل وحده عندها مشكله 
ووووووبصراااحه اشوف ان القيصري ارحم بوايد  ع الاقل حافظة ع مكان واحد خصوصا اذا البكر كان قيصري فليييش ارجع اربي طبيعي 

لان الطبيعي محدد لها اذا جابت من قبل قيصري 

لاني سمعت الدكتوره تقول اذا جبتي 5 بالكثيييير  بالولاده الطبيعيه لانها تاثر ع الجرح وحتي لو صارله فتررررره ملتأم في النهايه في شق في رحمج وراح ياثر عليج فالمستقبل 

باختصار : ارضوا بلي يكتبه رب العباد لا
سوا كانت طبيعي او قيصري لان كلهااا خير واجر ان شاءالله 
والخيره فيما اختاره  اللهﷻ ( خصوصا للي تبي طبيعي وهي والده قيصري ) 
لاني ما اشوف ان الطبيعي احسسسسسسن من القيصري 
كلهن مشاكل