((ضعت في هذي الدنيا ))

مرحبا ... بنات شحالكم ان شاءالله اتكونون بخير .!!
حبيت هذا المنتدى وايد والصراحه اول مشاركه لي ....

يابنات بخبركم مشكلتي ..

انا بنت وحلمي شرات حلم اي بنت اكون اسره وايب عيال وتكون لي مسوليه وحياه خاصه ..
ففي مره من المرات تقدم لي شخص من قرايبنا واهلي كلهم وافقو علي ع طول .!! وانا وافقت لما شفتهم مستانسين ماريد اخرب وناستهم .. طبعا طافت الايام وياني خبر ومن كذا مصدر انه الريال (راعي سوابق ومن هذي سوالف ) فرفضته واهلي رفضوه لمجرد اني قتلهم مابيه بدون سبب..
تقدم لي شخص ثاني وصليت استخاره حسيت براحه فظيعه .!! طبعا بعدها جا الولد يشوفني شوفه شرعيه وشفته وارتحت كثير والريال قمه بالاخلاق والدين ... اليوم الثاني اشوف امي تقول انا رافضه راافضه قتلها يا امي ليش رافضه انا موافقه ومرتاحه حيل ليش تحرميني من فرحتي قالت لي انتي بعدج والزواج مشاكل ومسؤليه والوولد من منطقه بعيده واثرت على ابوي .!! وابوي رد عليه وقاله خلاص الله يرزقك بالبنت ونحن مب موافقين .!! بدون مايقولي حتى انه رفضوه ..ورجع مره ثانيه وخطبني ونفس الحال والله يابنات انه كل يوم مارقد الا وانا مغرقه مخدتي بالدموع ومالي احد بدنيا الكل لاهي بدنياه ومستانس وانا بين 4 جدران .ّّ.. بعد ماكانت انا شمعه البيت بعد ماكنت انا كل شي بالبيت ..
جسمي بدأ يذبل والكل عارف السبب ومهمليني بعد ماكنت دلوعتهم ...والله يابنات الي يشوفني وانا بهذي الحال راح ينكسر خاطره جسمي بدأ يضعف ويهي بدات علامات الشحوب وقتي كله بين الرقاد واذا قعدت لازم اصيح ع الحال ومحد يسأل عني شرات قبل ..
بالاخير ابي منكم دعوه صادقه والله ماريد شي غير الدعوه من قلبكم ان ربي يقذف ف قلبهم الرضى ويخليهم يوافقون الدعوه بظهر الغيب مستجابه ..