ضعي فكرة نكسب فيها اجر وانتي بعد تاخذين اجر

ماادري ماعندي افكار بس عجبتني فكرة وحدة من البنات مااتذكرها اني احط حصالة في البيت وكل يوم احط فيها فلوس موشرط كم حتى لو ريال واحد احط قد مااقدر ونهاية الشهر اخذها واتصدق فيها هالفكرة عجبتني وان شاء الله اطبقا لما ارجع لبيتي انا الحين عند اهلي عشان اولد دعواتك لي ياحلوة

بالنسبه لي
اذا جيت اسوي الاكل وقطعت الدجاج انا اشيل الجزء الاخير من الجناح اجمعه في كيس والجلد اذا شلته واي شيء من الدجاج او اللحم مثلا الشحم الزايد وبعد ماناكل اجمع العظام والباقي من الاكل واحطه في كيس وانزله واحطه جمب الزباله الله يكرمكم وتعالي شوفي البسس والحمام
لدرجه والله يشهد على كلامي احيانا اكون طالعه ومعي كيس فيه اغراض البسس على طول يجون يحسبونه اكل
واعتبرها صدقه لان في كل كبد رطبه اجر
حتى الجيران صاروا يسون كذا

اي شيء اجمعه حتى لو حبة رز او عظام او جلد الدجاج او الشحم


واحنا نطلع لاستراحه احنا وخالاتي ومخلين كل شهر كل وحده تدفع 50 او اكثر ونجمعها وتكون مبلغ حلو نعطيه اي احد محتاج
اضن 50 مو ضاره بس اذا اجتمعت تكون مبلغ زين