مساء الخيرات
انا زوجي هبل بي بتصرفاته من بداء رمضان وهو يفطر ويطلع وكل يوم عذر مره بروح لاهلي ومره لاخوياي ومره بغسل السياره بالمغسله كل يوم عذر ولما اقول له اجلس معنا نتابع شي بالتلفزيون يقول يعني انا ماودي والله ودي اجلس معكم بس الناس ماريحوني وهو طبعا يخلي جواله مفتوح ويدقون زملائه ويروح لهم يعني هو يتمنى الطلعه الاسبوع اللي راح طلع الساعه 3 العصر وقال بروح اعطي واحد اوراق وبجيب طلبات اللي انا طلبته نواقص للبيت والساعه 5 ارسل مسج يقول خوييي عزمني على الفطور بفطر واجيكم طوالي وبعد الفطور ارسل مسج قال بجي 9 ونص والساعه 11 دق على وقال والله الرجال طلق على السحور وتوه ذبح ذبيحه انا صار ضغطي مليون وتكلمت عليه وغلطت عليه وقلت له امن طلبات بيتك اول بعدين روح اعزم نفسك عند الناس دبرت نفسي بالفطور والحين كيف ادبر السحور قال انا بجيب معي على الساعه 2 والساعه 2 دقيت عليه قال انا باقي ماتسحرت والله يابنات انه مادخل البيت الا الساعه 6 الصبح شايل سيارته بسطحه لانها تعطلت عليه قلت هذي من دعائئ ومن ذاك اليوم وانا اكلمه من طرف خشمي نفسي مو راضيه عليه وامس بعد صلاة الجمعه واحد من زملائه بالمكتب يرسل له مسج يقول اذا يمديك اليوم مر علي وجيب معك فطور لان عيالي عند اهلهم انا بقفل جوالي وبنام قال زوجي احسبي حسابه بالفطور وحطيه بحوافظ قلت ابشر وقلت لزوجي وش رايك اليوم لاترتبط مع احد بعد المغرب وزعل وطلع وراح جاب فطور من برا ودخل ولا حتى سلم ودخل المطبخ وصلح نوعين عصير حطها في جكات وقال بروح افطر معه وطلع انا ارسلت له مسج وقلت الله لايوفقني ان عاد طلبتك مره ثانيه تجلس معنا روح كل يوم في مكان والله ماعاد اسال عنك واليوم عزمونا اهله وقلت بصلح حلا ولما قربت اخلص قلت له تعال ساعدني رصه بالصحن بروح البس العيال قال والله مافيني حيل وقفلت علي المطبخ وجلست ابكي ليش مايبغى يساعدني بس جالس يناظر ويلعب بجواله الين خلصت ورحنا لاهله والله ماقدرت اكل بس تمره وفنجان قهوه مدري وش اسوي له افكر انه اذا طلبني شي لانه بيجي بعد شوي ويطلب احضر له عشاء بقول والله مافيني حيل روح سو لنفسك وماراح اعديها على خير مسوي نفسه زعلان مدري بصير اعامله بثقل ولا عاد اعطيه وجهه واذا قال انا بطلع او معزوم بقول بفرح مع السلامه اللي عندها حل تفيدني فيه ابيه يعتذر على اللي سواه وانه من اول رمضان مهملنا على الاخر فاتح جواله وينتظر اي احد يدق ويطلع له يخدم الناس وماعاد فيه احد يستاهل والله لو اني انا عند اهلي وهو جلس يدقدق على زملاه احد يجيب له فطور والله ان يصرفونه احد بيخلي زوجته علشان زميل فاضي جالس ببيته
ريومه الحلوهـ @ryomh_alhloh_1
عضوة نشيطة
يلزم عليك تسجيل الدخول أولًا لكتابة تعليق.
**كرزة**
•
الله يعينك
والله عندي وعندك خير
ياشين قل الاهتمام
لو اقولك انا جدعني ببيت اهلي من شهر 8 حتى الرمضان جا ماودني لبيتي
هو عند اهله وانا عند اهلي
لامصروف ولا شي
يوم اقول ابي مصروف العيد يقوالي خوذي من اهلك واعطيك لاطلع الراتب
قهررررررررررررلا اهتمام ولامبلاة ماقوال الا حسبي الله ونعم الوكيل
ياشين قل الاهتمام
لو اقولك انا جدعني ببيت اهلي من شهر 8 حتى الرمضان جا ماودني لبيتي
هو عند اهله وانا عند اهلي
لامصروف ولا شي
يوم اقول ابي مصروف العيد يقوالي خوذي من اهلك واعطيك لاطلع الراتب
قهررررررررررررلا اهتمام ولامبلاة ماقوال الا حسبي الله ونعم الوكيل
الصفحة الأخيرة