ضغط مجتمع الحريم وتغيير مخططاتك

السلام عليكم


ياليت كلنا نكثر الصلاة على النبي لان اليوم الجمعه اللهم صلي وسلم عليه
انا تجيين مبالغ كل فترة وانا ازود عليها من عندي وتتراكم الين تصير مبلغ كثير محترم
بس عندي مشكلة اني اصرف مبالغ بدون اقتناع في سوالف انا ما ابيها ولا احتاجها
مثلا احيانا اكون جالسه بجمعه او عزومه ويبدون هالحريم يسولفون بقطعه معينه من المجوهرات او ساعه براند معين انا لا عاجبتني ولا احتاجها لكن الاقيني تغيرت افكاري واقوم وانا ناويه اخذ كل المبلغ واروح اشتري مجوهرات
او مثلا اكون قاعده مبسوطه ومرتاحه ولا لي نفس لا لسفر ولا لغيرة مو ناقصني شي يقعدون يسولفون بالسفر اقوم من القعده واعزم اني اسافر
وانا من جوه لا ابي اشتري اشياء مادية ولا ابي اسافر ولا ابي شي الحمدالله لي سنوات الاشياء تتكدس عندي واسوي اشياء مجارات للغير 😥
هل انتم مثلي هل انتي مخططاتك تتاثر بسوالف المحيطين فيك


او حتى تتاثرين للحد الي يخليك تشترين اشياء ماتحتاجيها او تسافري مكان مو مقتنعه فيه بس مجاراه للوضع العام او الحريم الي تخالطينهم


اذا فيك هالطبع وتخلصتي منه علميني كيف اتخلص منه بدون الشعور بالضغط