ضغط نفسي رهيب

السلام عليكم ورحمة الله وبركاته
يسعد لي ربي مساءكم حوائيات
أرجو من المشرفات عدم نقل موضوعي
يابنات انا مالي مكان ولامتنفس افضفض فيه الا هنا منتدانا الجميل وعضواته الأجمل
مشكلتي وبإختصار صار لي عشر سنوات متزوجة وربي ماكتب لي الحمل كل سلفاتي واللي اعرفهم تزوجوا بعدي عندهم ٣ و٤ الله يبارك لهم في مارزقهم ويرزقني من واسع فضله احس اني تعبت نفسياً ماعاد اتحمل نفسي احمل اشتقت للأمومه وزوجي كمان مو صغير بالعمر نفسي افرحه وافرح أهلي وأهله وكل اللي حواليني يتمنون اني احمل بس عمر ماأحد جرحني بكلمه بس احس أم زوجي مررره متشفقة انها تشوف عيال ولدها هي كبيرة بالسن ودايم اذا جينا نروح مكة تقول روحوا ادعوا في الملتزم وزوجي مرره متشفق بس مايتكلم ولايقول شي احس اني تعبت وتحت ضغط نفسي رهيييب مو عارفه وش أسوي اللهم ارحم ضعفي وقله حيلتي وارزقني من واسع فضلك لاتنسوني من دعواتكم أخواتي لعل فيكم وحده ربي يستجيب لها الله يجزاكم الجنه😭😭😭