ضميرى يؤنبنى ماذا افعل انجدونى

اسمحلوى لانى راح اغثكم معى بمشاكلى بس مالى احد غيركم اشكى لة
انتو تعرفون شلون صلة الرحم مهمة ولها اجر بس يا اخواتى انا عندى مشكلة مع عمتى اخت ابوى (اللة يرحمة) هالانسانة لو اذبحها ما يكفى ابرد حرتى ماتتصورون شلون هالعمة كرهت يدتى (ام ابوى ) فى ولدها تصدقون انها واللة العظيم اقولكم وربى شاهد علي لما ابوى يروح يزور امة امة تقولة انا مو امك وما ودى اشوفك ابوى يرجع البيت ودمعتة على خدة تدرون شنو ذنب ابوى ابوى تزوج امى (بحرينية ) وابوى من جنسية ثانية وامة ما كانت تحب امى وتسميها الاجنبية حتى احنا ما كانت تحبنا وكانت دايما تصير مشاكل بين ابوى وامة كان دوم يشتكى حق امى ويبكى مثل الياهل لان مهما كان هذى امة اللى دوم تسمعة حجى يقطع القلب واللة قبل لايموت كان رايح يشوف امة وكانو قافلين الباب مع انهم يدرون ان ابوى كل يوم الصبح يروح يشوفها بس لانهم ما يكلمونة ولما مات ابوى اللى كان بخاطرة يشوف امة عمتى صارت الام الحنونة بس مو عشانا عشان الورث وما عدت 10 ايام الا امة توفت بسرطان فى الدم وكانت قبل لاتموت تصيح على ولدها اللى مات (ابوى)
وتقول ماتبى من ورثة ولا شى واحنا كلنا كنا قاعدين لكن عمتى فى ايام الوفاة راحت المحكمة تطالب بحق امة وشهدت زور وكذبت وقالت ان امها ما تنازلت عن حقها
ولا انسى هالايام كان اخوى الكبير توجيهى وكانت فترة اختبارات واللة يابنات انة يخلص من امتحان على طول يروح المحكمة ومع ها الظروف اخوى وايد قلت نسبتة لانة كان من المتفوفقين
لوكنتو فى مكانى شراح تسون راح تردون تكلمونها بعد كل هذا انا خايفة من ان اللة يحاسبنى على قطع صلة الرحم بس مو بيدى كل ما اتذكر اكرهها زود
سامحونى على الاطالة