اعرف وحده كانت زيك بس تزوجت وعقلت ، لكن بعد ايش؟ وقسم بايات الله والله على ما اقوله شهيد ان الله ابتلاها بزوج يحشش ومايعطي المرأه اي اهتمام ولا يتقبلها جنسياً مع العلم انهم عندهم بنت يعني ماهو شاذ لكن مايتقبلها ويمارس العاده السريه مع بنات بالنت ويدفع لهم والراتب يخلص على خرابيطه مابين حشيش وبنات .. والحين البنت بحاله مايعلم فيها غير الله واذا فكرت فيها تقول انا استاهل وغلطانه بس وش يفيد الحين الاعتراف 😔 .. وانا اشك انك انتي البنت اللي اعرفها لان نفس الاحداث وحتى نفس سنة التخرج وكل واحد بمدينه نفس الاحداث

بتدور الدنيا ويجيك نفس التصرف .. وتذكري من ترك شيئا لله عوضه الله خيرا منه

الله يهديك لازم توبه نصوحه يعني تكونين عازمه وجازمه غيري كل حسابتك وايميلك ورقمك اي شي ممكن يخليه يوصل لك وتقربي من الله وادعيه يفرج همك وينور دربك تذكري العقاب في الدنيا والآخره صومي وصلي النوافل صدقيني الطاعات تتغلب على هوى النفس وربي بيعينك إن شاءالله الله يهديك لما يحب ويرضى ويصرف هذا الإنسان عن قلبك

عندي قناعة ان ما فيه انسان يسوي شي غصب عنه
لا تقولين ما اقدر او غصب عني
انت انسانة عاقلة صح او لا ؟ يعني فيه شخص يقدر يغصبك ترمين نفسك في النار او تسلكين طريق ما تبغينه ! اكيد لا
عندك ارادة حرة وتقدرين لو فعلا تبغين في داخلك انك تتركينه بتتركينه
لكن انت تبغين الضعف هذا ومستسلمة له !
الانسان ربي اعطاه الجنة والنار
وابليس يوسس لنا دائما نترك الصلاة ويثقلها بقلوبنا ونكره الناس ونشكك فيهم ونغتاب ونكذب
بس هل نقدر نترك هذي الاشياء بالارادة والدعاء
اكيد
وهذا من عظم خلق الله للانسان
اتركي الذنب لله مو عشانك او عشانه او عشان زوجته
احظريه من الايميل ولا عاد تفتحين أي ايميل غريب غير رسمي
ومع الايام بيسهل عليك الامر وتشوفين نفسك قوية وتقدرين تعيشين حياتك صح
هذا شي غلط
ضد تربيتك وضد ثقة اهلك فيك وضد قيم الانسان السوية الاخلاقية
هل انت تحبين نفسك وانت في علاقة من هذا النوع ! انسانة تسلايه لشخص متزوج !
كذا شايفة نفسك ومستقبلك ودراستك وتربية اهلك ونظرة الناس لك !
اكبري بعين نفسك وكبريها بعين غيرك
وابعدي عن الطريق الغلط لانك انت بس اللي بتلاقين الملامة
هو متزوج واعتذار وترضية وزعل اسابيع بيرجع زوجته بس انت راحت سمعتك وسمعة تربية اهلك وصرتي بالنسبة له وفي عقله الباطن وبنظر زوجته انسانة غلط
لا ترضين لنفسك المهانة حتى لو رضاها لك
وانت الان متوفر لك شي مو متوفر لغيرك
حياة جامعية ومستقبل واكيد علاقات اجتماعية

هداك الله. اذا تريدين قطع تواصله معك على الايميل اعملي لايميله بلوك. لا تفتحي للشيطان ابواب.