ضميري يأنبني

السلام عليكم ورحمة الله وبركاته شخباركن بنات حواء؟؟؟؟ بدخل فالموضوع((يمكن بعضكم يشوفوها تافهه لكن البعض الأخر بيشوفها عظيييييمه)) روى ابن أبي خيثمة { أن النبي صلى الله عليه وسلم أوصى بالهر , وقال : إن امرأة عذبت في هرة ربطتها } وفي الصحيحين { دخلت امرأة النار في هرة حبستها فلم تطعمها ولم تدعها تأكل من خشاش الأرض }:44: انا حصلي تقريبا نفس قصة هذي المرأه.:35:.... انا احب واعشق الحيوانات :32:امووووووت عليها وكل انواعها حتى الحشرات الرقيقه مثل الفراشات الا طبعا ""الصراصير واشباهها""يعع المووووهيييم>>>>هذي كلمتكم خخخخ....مره اخوي عثر على طير لطيف وهادي وخجوووول ونادر ما نذكره ولو سألتكم ما اظن تحزروا عنه او يجي على بالكم:booo:... تعرفون من هو الطير؟؟؟؟؟؟؟!! انا بقولكم..هو طير((البومه)) هو من النوع الصغير رمادي اللون ناعم الملمس""يعني حجمه تقريبا بحجم ""كفج"":icon35: خلاص تخيلتوه؟ كان يوعااان وتعبان شوي وانا من شفته فرحت وااايد:33: تراه اخوي يوم يلقى طير او حيوان مريض وتعبان فووورا يجيبه لي وانا اتكفل بعلاجه هههه لانه امنيتي من كنت صغيره اني اكون((بيطريه)) لكن يا وظيفه ما تمت اهئ اهئ..وبعضها يتعافى وبعضها يموت ولكن والمشكله فالبومه انه اكلها مش زي طيور الزينه او الدجاج!!! يعني أكلها من اللحوميات مثل(بو عريفان او الزواحف الصغيره و......يعع)وطبعا حن البنات الرقيقات نتقزز من هذي الامور واخوي تكفل بأكلها وهي اصلا له بس انا حبيت اساعده واشاركه فيها وجابلها اول يوم الاكل(....الفلاني.. ابو ....)..الموووهييم...وثاني يوم ما يابلها اكل وخلاها يوعانه ...ياحرام ...وانا متحمله فيها واخاف تموت من الجوع واقوله واذكره لكن ما يهتم يعني يأكلها مره وحده فاليوم عقب ما ألح عليه وثالث يوم نفس الحاله ولاحظت عليها التعب والجوع واحاول اشربها وأكلها من اكلنا الطبيعي مثل الفواكه و و و ..أول مره كلت شوي من الفواكه وما كررتها مره ثانيه" وما استغرب لانه مش اكلها الطبيعي" واستمر اخوي على هذي الحاله يوم يأكله ويوم لا :06:وأنا الاحظ حالتها اتسوء يوم عن يوم بدل ما تتحسن وكلمت اخوي ونبهته وحذرته يا يأكلها كلي يوم وثلاث مرات ع الاقل في اليوم او يسرحها وربك يرزق من يشاء بغير حساب...لكن بدون فايده ومثل مايقولوا (لا حياة لمن تنادي) :09:ووصلت معي لدرجه اني ادور زواحف او بوعريفان" تراه بيتنا فالطابق التحتي يصلحوه ويدشوا بعض جدرانه يعني استوا شبه خرابه ولازم بلقي شي من الهوامش""مثل الزواحف""وشليتها معي عشان ادور معي عن أكلها وسبحان الله شفت واحد عقب تعب جلست اكثر من 5ساعات وانا ادور ولقيته وقتلته اخ اخ ماتصورت غيوم من الايام بتجرأ اني اقتل هذي الأشياء المقززه(ولضرورة احكام) والغريب قبل عن أدورلها عن زواحف قعدت تصفرلي وتنظرلي بنظره حزينه كأنها تقولي انها"يوعانه وهذا الي شجعني وخلاني اتجرء اني ابحث بنفسي عن الزواحف والحمدلله كلت البومه وشبعت وارتاحت وانا ارتحت معها--وحاولت مع اخوي مره ثانيه انه يطلق صراحها :024:ولا بتموت وذنبك برقبتك..أو على جنبك خخخ...واتفقت مع امي انه ثاني يوم تاخذها وتسرحها وامي عاد ما صدقت تباها من الله لانها تتقزز من اكلها هههه:hahaha:...وقمت ثاني يوم لكن شفتهاموجوده بالقفص !! وسألت امي ليش ما طيرتها ؟ وقالت انه اخوي قالها انه بيعطيها لربيعه وامي المسكينه صدقته وانا عرفت انه اخوي يكذب عليها بعد يومين وبعد ما صليت الفجر مشيت اطمنت عليها لكن شفتها خلاص منتهيه يعني تعبااانه من الجوع مع انه موجود الاكل الي تاكله(من بعد ما تعبت ومرضت من الجوع؟؟؟؟!! ....وروحت اكمل رقادي ولما قمت انصدمت يوم شفت القفص فاضي وعرفت من امي انها ماتت .........السؤال ما زال محيرني وضميري يأنبني ....هل انا مشاركه بالأثم؟؟؟؟؟؟؟؟؟؟؟ جاوبوني