ضوري الله يخليكم

السلام عليكم ورحمة الله وبركاته: يأهل الخير والخبرة أبغى منكم رد عاجل وشافي بأذن الله
مشكلتي لها عشرين سنة ويمكن أكثر ... من يوم ما تزوجت بزوجي أبو أولادي ، كنت يتيمة ورغم انه عندي أخوان محد فكر يسأل عنه وعن التزامه ، وانا أعترف قدام الكل وربنا شاهد أني عرفت عنه وعن ممارسته الجنسية سواء كانت مع بنات أو أولاد وعندما وجهته حلف يمين أنه بس يخرج مع بنات للتسلية فقط ، أما اللواط فكان هو يمارس فعل الرجل والآخرين هم ؟؟؟ ، وإيضا حلف أيمان مغلظة بأن هذا الشئ كان وهو جدا صغير لايعقل شيء ، ومشيه مع البنات سوف يتوب وماعاد يمشي مع إي وحدة بعد الزواج مادام عنده زوجة جميلة ومتعلمة و محافظة ... تم الزواج ثم بعد سسنة فقط اتعرف على وحدة وعشقها وكان بينهم اتصالات ... وعرفت عن طريق أخته وطبعا صارت مشاكل وخلفت بنتي ورحت بيت أهلي ونتيجة لذلك خلفت بنتي في الشهر السابع وجاء بعد الولادة يوعدني بأنه ترك علاقة معاها وتاب وتابت إلى الله وسف يخاف الله في هذين البنتين .. وظلت العلاقة متوترة وطبعا الي انكسر عمره مايرجع زي ماكان . وطول حياتي أنا حاسه أنه فيه شيء مخبيه عني مرت سنين وهو بعيد لا يتكلم لا يخرج لا يمزح ... أهله فوق الكل كلام الناس عنده أحسن وأصدق من كلامي .. المهم في يوم كنا خارجين إبى شبكة بنت أخوه اكتشفت أنه يحشش لأنه دخل الحمام ونسي اللفة فوق المغسلة طبعا يومتها كان نكد للسماء ، علشان اطلعها وبرضه وكذب وقال انه حقت صاحبه ... وتمر الأيام وأعرف بالصدفة أنه محشش له سنين من قبل ما ياخذني ولما واجهته قال انا بطلت وبسببك ومشاكلك رجعت ليه .... (الله يارب ) المهم اصبحت العلاقة ما بينا كانها حرب إذا فتحت فمي بأي راي طبعا انا غلطانة ومخطئة ومتكبرة ويبغى يكسر خشمي ... انا كملت دراستي اخذت البكالوريوس ثم الماجستير . وانا بأقدم للدكتوراة لاحظت عليه بعض الحركات الغريبة فتشت في جواله وجدت عند رسايل مرسلة لوحدة مرة يواعدها ومرة كلها أنما في البيت . برضه ما قدرت واجهته .. طبعا انت عارفين الباقي المهم قال انا أخاف الله وخلاص هذا الشئ كان من زمان ، والرسايل هذه لواحد مسوي نفسه بنت وابغى اكتشف من هو .. وبعد كم يوم جاء قالي انه طلع ولد أخوه حتى اتصلي عليه واسأئليه ...وطبعا سوى مشاكل وزعل ليش افتش في الجوال ومو من حقك تشفتيي وتراقبني . انت كمان ترحي الجامعة وما أعرف انت ايش بتسوي وقلب الدفة عليا ... وميشت الحياة إلى أمس بالصدفة أو بالقصد وضعت جهاز تسجيل في غرفة المكتب وسمعته وهو بيكلمها ومن الكلام واضح انها متزوجة وعندها بنت وكمان ماشية في طريق المخدرات ... صدمت لكن الصدمة هذه المرة أخف لأن طول الوقت وأنا شاكة فيه فمتوقعة شيئ زي كذا يحصل .. ماني عارفه ايش اسوي ... أنا عارفة راح توقوا ليش مارحت بيت أهلك وانا ارد عليكم واقولكم انه إمي جالسة عندي . وكمان أخوي جايبه سواق عندي . واختي انا ساكنة معاها في البيت ( طبعا شقة لوحدي) وزوجها كبير في السن ... ما عندي لا أعمام ولا أقارب .. فين اروح وماني عارفة كيف اتخلص منها على فكرة انا دحين في السنة الأخيرة منهجية دكتوراة .. مالقيت وظيفة علشان استر بها نفسي وامي وأولادي ... هو شاغلني بالدراسة لكن مايبغاني اتوظف علشان لاأطلب الطلاق وطبعا راح ينفظح وكمان قاعدلي بالمرصاد لأنه ممكن يخرجني من الدراسة يشيل الشغالة ياخذ أولادي ... وانا قاعدة بين هم الدراسة وهم البنات وتزوجهم وبين هم هذا الرجال
الله يستر عليكم الي عندها حل تقول عليه وابغى حل منطقي وواقعي موخيالي لإني تعبت راح بيا العمر وماعاد فيني خلاص يارب فرجها من عندك ياأرحم الراحمين.............