يوة يالسرقات ....
مرة اخوي جانا بالاجازة ومعه شغالتهم ..وطلعت تعرف شغالتنا
وبعدها فقدة نظارتي اللي احبها لها خمس سنين عندي
وشوية اكسسورات .. وفلوس
بس الله لايوفقها

ياكثر السرقات اللي صارت معي

مره كنت بالمستشفى عشان ولدي عنده موعد ولاننا طولنا بالانتظار كنت ماخذه معي علبة زبادي عشان ااكله
وبعد ماخلص قمت عشان اغسله في نفس دورة المياه اللي بنفس غرفة الانتظار
وماكان فيه احد غيري
وحاطه جوالي على الطاوله لان زوجي يدق كل شوي يتطمن جا دورنا والا بعد

وبعد ماغسلت ولدي ورجعت مالقيت جوالي
وجلست اسال برا عمال النظافه بس كلهم يقولون ماشفنا شي

وتوهقت شلون ادق على زوجي
وبالاخير جت وحده وطلبت منها جوالها وانا بقمة القهر والاحراج

والى يومك ماشفته :(


ومره اذكر كنت توني عروس بعيد الاضحى ورحت عند اهل زوجي اساعدهم واعيد عليهم وانا كاااااااشخه بخواتمي الالماس
<< تهيء تهيء

ولما دخلت المطبخ مع اخوات زوجي وشغالتهم
فصخت خواتمي وحطيتهم على الطاوله عشان ماتتوسخ من اللحم
وبعد ماخلصنا صرت ادور عليهم ولكن ........... للاسف بح
دورنا بكل مكان حتى يوم جو الشغالات يسافرون وصيت خالتي الله يرحمها تدور بس مالقت معهم شي

حسبي الله ونعم الوكيل


واذا جا في بالي موقف ثاني بطمر هنا واكتبه



:



:

ضاعت علي شنطه بالمطار كلها مكياج غاااالي وانا مجمعته من افضل شي انقهرت مررره
ومره ضاعت ذاكرة الكاميرا حقتي ولقيتها بس الصور محذوووفه

مرة انا اتسلفت من اخت زوجي سلسال كان عريض وسعرة غالي كنت معزومة عند اهل زوجت حماي المهم هي شافتة علي قالت حلو سلسالك طبعا انا استحيت اقول لها قدام الناس انة مو لي رجعت البيت وحطيت السلسال في غرفتي وقلت اذا جاء بكرة ارجعة لخت زوجي الحاصل اني قعدة ادورعلية مالقيتة وحست الغرفة فوق تحت ولا حصلتة بعد مدة عرفت انة زوجت حماي هي الي سرقتة وكانت بعد سارقة خواتمي وتعليقات لي وانا مدري كنت معتبرتها مثل اختي وادخلها في بيتي لان شقتها جنبي على طول بعدين صار خلافات مع حماي وطلقها وفتكينا من سرقاتها ماخلت احد الى وسرقت منة وانا طبعا دفعت لخت زوجي قيمة السلسال والله قهر مو صح

طيب اذكر موقف مايطرى على البال واحد من اهلنا شايل عفشه بينقل لبيت ثاني وجاب دينه من الشارع يشتغلون حطوا العفش وسرقو الخفايف مثل الفيديو والرسيفر واللي ينشال طبعا الاهل مافقدو المسرقات الابعد مابدو يرتبون البيت:angry2: