ضيفة جديدة وطلب في مساعدتي لترتيب صالتي بآرائكم

السلام عليكم ورحمة الله وبركاته..

بصراحة أشكر كل القائمين على هذا المنتدى الرائع الذي يوفر لنا الكثير من المساعده بدون أي حيره أو خوف.. أتمنى ان تقبلوني أخت معكم وأن تساعدوني..

انا وزوجي راح نسكن في شقة دور أرضي في بيت اهله السابق يعني شبه البيت ملك لنا ومطولين فيها إلى أن الله يرزقنا ويرزقكم ان شاء الله وبنروح لبيت عووووود المهم عندي صاله مفتوحه على قاعة الطعام والقاعة مفتوحه بكونتر كبييير تقريبا 3م وشوي على المطبخ بس طبعا الكونتر بدون مدخل ومفتوح بالجدار مع العلم ان فيه أشياء معينه اساسيه نبي نحطها انا وزوجي ايضا مساحة الصاله مع قاعة الطعام ككل تقريبا 4×10 او 9 مو متأكدة الصبغ راح يكون معتق من النوع التكشرد اللي بالمعجون ولونه بني غامق شووووي والاضائة راح تكون كللللللللللها لمبات سبووووت سواء في السقف أو من النوع اللي معلق بالجدار وزوجي يرغب في ان تكون الاضاءة والاثاث من الطراز الحديث والكلاسيكي <<<<شسوي يموت في الرومنسيه والهدوء واللي أبيه منكم تشوفون لي شلون ارتب الاثاث اللي بكتبه لكم في الغرفة واذا عندكم اضافات او تعليقات اتمنى ما تبخلون علي فيها...

الاشياء الرئيسيه اللي يبي يحطها زوجي وانا مقتنعه فيها بس موعارفه ارتبها::
1- كنب من النوع الضخم المريح مش الكلاسيكي وعددها 4 طويله اللي يجلسون فيها 3 واصغر منها 2 وثنتين ابو 1 ممكن ان احنا نستغني عن هذي الاعداد لان الصاله بتكون شيه خاصه بنا.
2- تلفزيون كبييير مادري كم بوصه بس كبييير مره ومو عارفه وين احطه هو وفي داخله طاولته ومعاه عمودين سماعه ومسجل بجانبه.
3- حوض سمك عرضه متر شارينه اول ما انخطبنا وملزم زوجي لازم ياخذه
4-طاولة طعام محتارين ابو 8 او 6
5- خزانة عرض في غرفة الطعام.

زوجي يتمنى انه يحط مدخنه بس انا اشوف انو المساحة ضيقه ولا ادري وين يبيها..

ياريت تكون مقترحاتكم بالصور ايضا..
اتمنى انكم تسعفوني بافكاركم ومقترحاتكم وتتحملوني لان زوجي فنان تشكيلي ومصور فتغرافي ويحب ان البيت يكون قطعه فنيه وهذا اللي تاعبني ومحيرني وهذا مخطط بسيط للصاله
وشاكره لكم تعاونكم وأتمنى انكم ماتخيبوني..