ماشالله تبارك الله عليك حبيبتي شروح الحوار معك راائع مثل كل مواضيعك الرائعه

ماشاء الله ... تبارك الله
لقاااااء راااااااائع مثل روووعه شروووحه :27:
الله يسعدك ياقلبي ويوفقك
بصراحه جربت معظم وصفاتك وماشاء الله كلها تكون رااائعه
ومقاديرها صحيحه
الله يجزاك الجنه على الابداعاات اللي قدمتيها لبنات حواء
ولا يحرمك أجررررررر كل من استفادت منها
حابه اسألك بعد موضوعك عن الحلويات الهنديه
وعدتينا بملف للمطبخ الهندي :42:
وش أخبار الملف:rolleyes:
بعدين نعم الاختيار للحبيبه عجاااايب :26:

بسم الله الرحمن الرحيم



الحمد لله رب العالمين.. حمداً دائمًا طاهراً طيباً مباركاً على كل نعمة وأولها نعمة الإسلام

اشكر عزيزتي ام علاء على هالموضوع الحلو واللي يغير الجو في المنتدى وشكر خاص لعزيزتي شروح الكلام على اختياري

س1..عرفينا عن نفسك وخاصه في الطبخ ؟
متزوجة و ام لطفلة ولله الحمد بكالوريوس اقتصاد منزلي موظفة شئ يمشي الحال ( ادعوا لي اترسم ) خخخخ خرجت عن الموضوع )
بدأت الطبخ من رابع ابتدائي واحب اطبخ الحلويات اكثر من اي شي

س2..وجبتك المفضله؟
والله مافيه شي معين كل شي يؤكل نعمة بس مشكلتي ملولة بشكل خيالي يعني ممكن اليوم احب الرز وبكره اكرهه واحب شي ثاني .

س3..طبق تحبين تسوينه كثير؟
الحلويات واكثر شي الكنافة

س4..متى تعلمتي الطبخ؟
من رابع ابتدائي

س5..موقف طريف صار معاك في المطبخ ؟
اول ماتزوجت على بالي سنعه :44::44: بسوي حلى وانتم عارفين العروس ودها كل شي يصير زين ومن زود الحرص سويت بسبوسة ابغى اذا جاء زوجي يصير جاهز المهم وسويت الشيرة وقلت بروح شوي اولع البخور والسلام على الشيرة ولا دريت الا بالدخااااااااااااان في ارجاء البيت ولا ادري وش اسوي واجي للمطبخ وانكتم من الدخان وحالتي حاله الله لايعيدها من بسبوسة واشيل القدر ومن الذكاء اصب عليه موية وووواو واتركه شوي واشيله بطلعه في الحوش عشان مايشوفه زوجي واتفشل والحمد لله نجحت الخطة واسوي شيرة ثانية واحاول اعطر البيت بس وش اعطر وايش اخلي المهم ويجي زوجي ويجيب القدر معه ويقول غريبة هذا قدر مييييين :icon33::icon33::icon33::icon33: وانا خلاص ماعد تلقوني

س6..يعتمد عليك في الطبخ او لا؟
نعم و لله الحمد .

س7..سوي طبخه وصوريها لنا؟
توي مخلصة من موضوع اختي زوجي اغلى ناسي وحطيت لهم ثلاث طبخات ماتكفي خخخ وحدة عجازة

س8..نصحيه توجهينها لطباخات عالم حواء ؟
والله ماشاء الله مايحتاج اوصيهم بس اهم شي للطباخة انها تكون واااثقة من نفسها

س 9..هل تستخدمي الميكرو يف؟
للاسف نعم بس مو دايم اذا كنت مستعجلة

س 10..ما هو رأي أهلك أو زوجك في طبخك ؟
الحمد لله معجبهم وزيادة

س 11..ماهي نوعية الاواني التي تفضلين ان تطبخي بها؟
التيفال والستيل

س12..ماهي الأكلة التي تحبها عائلتك وأنتي لا تحبيها ؟
على قولت عزيزتي شروح الكلام زوجي يحب الضبان بس والله مايدخلها البيت ولا افكر اسويها خخخ

س13.. اول طبخه طبختيها ؟؟
حليب بالموز يافيه طعم يهبل

س14..كم مره احترقت الطبخه معاك ؟؟
والحمد لله موكثير عقب ذيك الشيرة الله لايعيد السناعة

س15.. اول كتاب طبخ اعتمدتي عليه ؟؟
كتاب رابحة رااائع ماشاء الله عليها

س16..مين قدوتك بالمطبخ ؟؟
امي الله يحفظها

س17.. تحبي احد يساعدك بالطبخه ؟؟
ابد ابد احس بيحوس علي بس ممكن الخادمة تقطع او تقلي وبس

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟
ابد ماارميها كانها كيك او حلى افرمه واحمسه على النار لين يحمر مررة واخلط معاه خلطات واعيد تصنيعه على قولت اخوي

س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟
رااائع واكثر من رائع الله يعطيكم الف عافية

س20 مـــيـــن ترشحى بعدك او ممكن تختاري اللي بعدك ..
والله كثير فيهم البركة واختار عزيزتي <(محد قدي)>

س 21 من اي دوله انتي ؟؟
من السعودية

س 22 وماهي الاطباق الشعبيه المشهوره في بلدك ؟؟؟
الجريش والرز والمرقوق والمراصيع

س 23وماهو الطبق الشعبي الذي ما زلتي تطبخينه وتحبينه ؟؟؟
الجريش

س 24 اكتبى لنا طبق مفضل من اختيارك ... او من مواضيعك فضلا ؟
ميني كنافة بالمارس




س 25 متى كان دخولك لعالم حواء وكيف تعرفتي على المنتدى ؟
كان عام 2004 وكنت اتصفح مواقع كثيرة بس سبحان الله الحب في القلب مابقيت الا مع عالم حواء مع احلى عضوات الله يجمعنا في جنات النعيم

والف شكر مرة ثانية على اللقاء الحلو واعذروني على طول الكلام (وحدة تحب السواليف )

ماشاء الله ... تبارك الله
لقاء رائع وممتع بصراحه:27:
بالذات سالفة الشيره:hahaha:
تدرين انا والشيرة مانتقابل ابد أريح حالي واشتريها من سعد الدين وخلاص
كم مره حاولت وللاسف :icon33:ماتضبط معي ابد
ماعندي اسئله بصراحه بس حاجه اسجل أعجابي وتقديري لك :26:

ايه عجااااايب نسي اسألك
وش كانت ردة فعلك لما زوجك دخل بالقدر المحروق :S_45:
(( يعني كيف كانت تعابير وجهك:rolleyes::unsure: ))