حفيدة حصه :

tawasul هههههههههه ياحليلك انتي وسؤالك جدتي الله يحفظها طباخه وماقلناشي .. لكن وينها وين الملازم ... اصلا هي ماتعرف تكتب اسمها ... هالمره بتنزل ملزمه ... ع العموم فكره مهب شينه ... وسأقوم بتقديم الاقتراح الى جدتي حصه الموقره ... للنظر في الموضوع ... وليعم فن الطبخ القصيمي ارجاء البلاد .. وبالنسبه لحصه اللي تدورين عليها ... (حظ اوفر .. حاول مرة اخرى )

tawasul هههههههههه ياحليلك انتي وسؤالك جدتي الله يحفظها طباخه وماقلناشي .. لكن وينها وين...

حفيدة حصه :

بسم الله الرحمن الرحيم احم احم >>> فيس بيموووووت من الحيااا في البدايه اشكركم على الموضوع اللي توني اكتشفه >> صباح الخير :hahaha: واشكر اختي اسيرة القلوب اللي ورطتني هالتوريطه المعتبره >>>نردها لك بالافراح س1..عرفينا عن نفسك وخاصه في الطبخ ؟ انسانه اقل من عاديه ... مشكلتها الوحيده حياااويه واللي يستر لا اجيب العيد ... بنوووووته في اول خطواتي لعالم العشرينات << يحليلي سعنطوطه :04: بالنسبه للطبخ الناس وللأسف مصدقين اني طباخه ... انا مجرد هاويه واحب اجرب وابتكر الجديد ... لكن الطبخات الصعبه واللي يبيلها وقت تراني من جنبها << الله يستر لا يسحبون الشعار :D س2..وجبتك المفضله؟ الباستا بجميع اشكالها والتشيز كيك س3..طبق تحبين تسوينه كثير؟ اقدر اقول الباستا ... س4..متى تعلمتي الطبخ؟ بالضبط مادري ,,,, لكن من يومي صغيره وانا احب امطرس بالمطبخ .... يمكن صرت اطبخ صدق من سن الـ 15 س5..موقف طريف صار معاك في المطبخ ؟ قليل جدا ... ولا يحضرني منها شيء س6..يعتمد عليك في الطبخ او لا؟ الطبخ الغربي ممكن ... لكن الشرقي مستحييل ... واولها اكلاتنا الشعبيه ... حتى المصابيب ما تضبط معي .. س7..سوي طبخه وصوريها لنا؟ ملزمين يعني ؟؟ والله اني متعيجزه ...:D تفضلوا .. [/url][/IMG] هذا تشيز كيك بالتفاح وصوص التوفي ... بصراحه كان اول تجربه لي وماطلع مثل اللي تمنيته الصوره تراها مجرد دعايه ... واللي تبيها تراني بنزلها بالحلويات >>> ياشين العجز س8..نصحيه توجهينها لطباخات عالم حواء ؟ الطباخات هم اللي ينصحوني مو انا ... بس ممكن تكون توجيهاتي للمبتدئات ... اول شي التوكل على الله في جميع الامور ... وترا الطبخ مو اختراع ذره ولا صناعة قنبله ولا مسألة رياضيات عويصه ... كل السالفه شي بالاخير ينوكل ... والاهم الاهم الثقه بالنفس ... لأنها بتكون بداية الابداع والفن ... س 9..هل تستخدمي الميكرو يف؟ جبتوها ع الجرح >>> بتصيح :06: ميكرويفنا خربان من سنه ... ونحن بانتظار مكرمه ملكيه من الوالد يصلحه والا يجيب جديد >>> ادعولنا يصلحه قبل رمضان وحنا ما نستخدمه الا للتسخين فقط ... س 10..ما هو رأي أهلك أو زوجك في طبخك ؟ الحمدلله ... راضين تمام الرضا .. س 11..ماهي نوعية الاواني التي تفضلين ان تطبخي بها؟ ولله الحمد ... ماعندنا الا قدور معدن من قبل لا تجيبني امي ... وانا في طور اقناع الوالده تتخلص من التراث ونشتري طقم ستيل يحبه قلبك ... والله يسهل س12..ماهي الأكلة التي تحبها عائلتك وأنتي لا تحبيها ؟ الفقع >>> حتى ريحته ما اشتهيها :09: س13.. اول طبخه طبختيها ؟؟ يووووه ... عساي اذكر عشاي امس .... بصراحه مدري س14..كم مره احترقت الطبخه معاك ؟؟ عدي واغلطي .... واخرها امس ... يقالي مسويه حلى صار فحمه ... وربي ستر ما تفحمنا معه س15.. اول كتاب طبخ اعتمدتي عليه ؟؟ نخبة الاطباق ... وحلو جدا للمبتدئات ... بس من يوم عرفت عالم حواء وانا هاجرته س16..مين قدوتك بالمطبخ ؟؟ الوالده طبعا ... بس هذا بالاساسيات بعدين بديت لحالي ... اجمع من اي احد ممكن يفيدني .. س17.. تحبي احد يساعدك بالطبخه ؟؟ طبعا احب ... لكن مشكلتي اتحمس بزياده واسوي فيها ابلا ... واي خطأ ولو بسيط ممكن اعصب ... لكن بالاغلب اكتفي بالخدامه تغسل المواعين وتنتبه للفرن ... س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟ من هالناحيه انا دقيقه ... واي خطأ يحسسني ان الطبخه فاشله ... وبصراحه ما اشتهيها ... احيانا الاهل ياكلونها او الوالده بخبرتها تشوف لها تصريفه ... او نحطها مع الحاويات الخاصه ببقايا الطعام ... لكن رمي بالزباله مستحيل .. س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ حلوه ... وفرصه كبيره لتبادل الخبرات ... والتعارف مابين اخواتنا في المنتدى س20 مـــيـــن ترشحى بعدك او ممكن تختاري اللي بعدك .. الاخت العزيزه طواري س 21 من اي دوله انتي ؟؟ المملكه العربيه السعوديه (القصيم ) س 22 وماهي الاطباق الشعبيه المشهوره في بلدك ؟؟؟ شعار القصيم المتعارف عليه ... كليجا وكراث ... لكني ولله الحمد ماحب ولا وحده منهن ... واطباقنا كثيره ... وعلى سبيل المثال لا الحصر .. جريش - قرصان - مرقوق- مصابيب - حنيني ... الخ س 23وماهو الطبق الشعبي الذي ما زلتي تطبخينه وتحبينه ؟؟؟ لقيمات >> تكلفتي لا وازيدكم من الشعر بيت ... الخدامه هي اللي تلقمها وتقليها ... يعني انا بس اعجن ..:D س 24 اكتبى لنا طبق مفضل من اختيارك ... او من مواضيعك فضلا ؟ عجينة البف السريعه ... انا اموت بالبف بس استصعب اسويه بسبب عجينته الصعبه واللي غالبا ما تضبط .. بس من يوم عرفت هالعجينه وهو صار عندي شي عادي وبسيط وسريع ... وانصح الكل بتجربتها واستخدامها للتفريز خصوصا ان رمضان ع الابواب وهذا رابطها س 25 متى كان دخولك لعالم حواء وكيف تعرفتي على المنتدى ؟ 08-01-2008 وطريقة التعرف ابد ... كنت افرفر بالمنتديات ولقيته .. يارب ما اكون غثيتكم بقرقي ... واكون ضيفه خفيفه عليكم ..

بسم الله الرحمن الرحيم احم احم >>> فيس بيموووووت من الحيااا في البدايه اشكركم...

اسيرة القلوب2 :

السلام عليكم ورحمة الله وبركاته كيفكم يا مشرفات وعضوات بسم الله ابداء بالإجابة على الأسئلة س1..عرفينا عن نفسك وخاصه في الطبخ ؟ أنا اسيرة القلوب2 اعشق الطبخ من صغري والوالده الله يطول بعمرها طباخه درجه أولى وتعلمت الطبخ منها وانا ألأن معلمة اقتصاد منزلي يعني امارس الطبخ في وظيفتي وبيتي ام لطفله عمرها 11سنه وادعوا الله يرزقني بالذريه الصالحه س2..وجبتك المفضله؟ احب اطباق كثيره بس المميز منها البيتزا يمممممممممم س3..طبق تحبين تسوينه كثير؟ المسقعه لأن زوجي يحبها كثير س4..متى تعلمتي الطبخ؟ من كان عمري 12سنه تقريباً كنت اشوف الوالده واسوي زيها س5..موقف طريف صار معاك في المطبخ ؟ يوم كنت في الكليه كان عندنا امتحان اطعمه وكنت في المطبخ اصلح طبخه وأنا واقفه عند الفرن البالطو اللي كنت لابسته علقت فيه النار وانا منهمكه ( من زود السنع ماشاءالله هههههه) ما دريت إلا على صياح البنات النار النار والحمدلله قدر ولطف وقدرنا نطفي النار دون حصول اضرار ولله الحمد س6..يعتمد عليك في الطبخ او لا؟ بدون غرور الحمدلله يعتمد على س7..سوي طبخه وصوريها لنا؟ هذي بيتزاء س8..نصحيه توجهينها لطباخات عالم حواء ؟ طباخات عالم حواء ماشاء الله عليهم ما يحتاجون نصيحة أحب أقولهم سيروا على ما انتم عليه الله يوفقكم إلى كل ما يحبه ويرضاه ونتمنى نشوف أفكاركم الجديدة س 9..هل تستخدمي الميكرو يف؟ نادراً احياناً للتسخين س 10..ما هو رأي أهلك أو زوجك في طبخك ؟ والله دائماً يثنون عليه والله اعلم س 11..ماهي نوعية الاواني التي تفضلين ان تطبخي بها؟ التيفال والبايركس والسلستيل س12..ماهي الأكلة التي تحبها عائلتك وأنتي لا تحبيها ؟ الرز بالربيان المجفف وأي أكله يدخل فيها الربيان المجفف س13.. اول طبخه طبختيها ؟؟ الشكشوكه وبعدين الكبسة س14..كم مره احترقت الطبخه معاك ؟؟ والله ما أتذكر بالضبط س15.. أول كتاب طبخ اعتمدتي عليه ؟؟ كتاب الطبخ السعودي والشرقي للأخت رابحه س16..مين قدوتك بالمطبخ ؟؟ امي الله يحفظها ويطول بعمرها س17.. تحبي احد يساعدك بالطبخه ؟؟ لا أحب أسوي كل شي بنفسي إلا إذا كنت مزنوقه مره س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟ لا حرام ما ارميها اضطر أكلها والشكوى لله س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ بصراحه فكره رائعه واشكر كل القائمين عليها س20 مـــيـــن ترشحى بعدك او ممكن تختاري اللي بعدك والله ارشح الأخت حفيدة حصه س 21 من اي دوله انتي ؟؟ المملكه العربيه السعوديه س22وماهي الاطباق الشعبيه المشهوره في بلدك ؟؟؟ المرقوق الجريش القرصان المطازيز والحنيني والعصيده والهريس والقشد والعريكه والمصابيب وفيه اطباق كثيره ما اتذكرها س 23وماهو الطبق الشعبي الذي ما زلتي تطبخينه وتحبينه ؟؟؟ المرقوق بس للأسف زوجي ما يحبه س 24 اكتبى لنا طبق مفضل من اختيارك ... او من مواضيعك فضلا ؟ هذا رابط طبق نزلته من فتره س 25 متى كان دخولك لعالم حواء وكيف تعرفتي على المنتدى ؟ انا كنت من المتابعات لعالم حواء وتم التسجيل في هذا المنتدى العام الماضي يعني لي سنه في هذا المنتدى الراااااااائع تعرفت على المنتدى عن طريق البحث في قوقل

السلام عليكم ورحمة الله وبركاته كيفكم يا مشرفات وعضوات بسم الله ابداء بالإجابة على...