مدام وائل :

س1..عرفينا عن نفسك وخاصه في الطبخ ؟ اسمى ايمان مهندسة ديكور ومعيدة فى الجامعة - بس حاليا فى البيت- عندى 29 سنة متزوجة من طبيب أطفال وعندى ولد واحد اسمة عبد الرحمن هو حاليا هدفى الوحيد اتمنى ان ربنا ينفع بيه الاسلام والمسليين ويكون عالم كبير بأذن الله نجى بقى للطبخ... سابقا كنت لا أ<يد سلق بيضة والله اما الان اشتهرت فى الوسط المحيط انى شيف هههههههههه مصدقة نفسى س2..وجبتك المفضله؟ الكوسة بالبشاميل- الفراخ البورستد س3..طبق تحبين تسوينه كثير؟ ممكن المكرونة بالكريمة والسبانخ سهله وسريعه واكيد البيتزا والمعجنات بحبها جدا كلها فن س4..متى تعلمتي الطبخ؟ بعد الزواج والقصة انى لما اتجوزت وانتهت ايام شهر العسل لقيت نفسى انا والمطبخ كدا وجها لوجه مين هيطبخلى ؟؟ خلاص لازم قرار والحمد لله تعلمت والفضل بعد الله سبحانة وتعالى يرجع لماما الغالية و دينا حبيبتى س5..موقف طريف صار معاك في المطبخ ؟ كثيرررررررررررررر متعدوش مرة عملت صينية كبيرة مكرونة بشاميل وفراخ مشوية وخضار ورز كل دة نسيت احط فيه ملللللللللللللللللللللللللللح هههههههههههههههههههههههه وانتهت الوليمة لعيش وجبنة س6..يعتمد عليك في الطبخ او لا؟ حاليا الحمد لله ايوة س7..سوي طبخه وصوريها لنا؟ بصوا معلهش الكاميرا حاليا عطلانة فاضيف طريقة العجينة اللى اخترعتها وانا ضيفها فى المنتدى من فترة بس وعد لما تتصلح ليكم عندى اكلة ههههههههههههههه س8..نصحيه توجهينها لطباخات عالم حواء ؟ اتعلمى واعوى تقولى انا مبعرفش دا قمة الفشل ... جربى وخليكى جريئة مرة حلوة ومره وحشة وأكيد فى الاخر النتيجة هتكون مشرفة بجد فعلا من يوم ما اتعلمت اطبخ بقيت اكره اكل المطاعم مع حبى السابق لها فاكيد صحتنا تستحق بعض المجهود لنتعلم والطبخ دا فن ممتع جدااا فى العزايم لازم يكون فية منيو مكتوب تحطية ادامك وتعملى برنامج تمشى علية هتنجح بأذن الله اكبر عزومة س 9..هل تستخدمي الميكرو يف؟ ايوة لا اتسغنى عنة.. بس للتسخين ومرة طبخت فية مكرونة وشوربة لسان عصفور س 10..ما هو رأي أهلك أو زوجك في طبخك ؟ عايزين الجد مش مصدقيين نفسهم هههههههههههههه اصلى كان مفقود فيا الامل خالص س 11..ماهي نوعية الاواني التي تفضلين ان تطبخي بها؟ انا افضل الطبخ فى التيفال غالبا والبايركس للصوانى الفرن ولا احب اطلاقا الاسنلس ستيل لان غسيلة صعب س12..ماهي الأكلة التي تحبها عائلتك وأنتي لا تحبيها ؟ البط ... مش بحبة خالص ولو غاب عنى 10 سنين مش هافتكرة اصلا بس جوزى بيحبة جداااااااااااااا س13.. اول طبخه طبختيها ؟؟ بجد مش فاكرة خالص س14..كم مره احترقت الطبخه معاك ؟؟ مش كثير بس قريب حطيت صينية كفتة بالبطاطس فى الفرن من تحت ورن التليفون ونسيتها او فى بالى ان لسة بدرى رحت ابص عليها لقيتها بس اتلسعت شوية من تحت لاء وباصتعبط على جوزى واقوله انا قاصدة انى احمرها من تحت هههههههههههههههههههههه س15.. اول كتاب طبخ اعتمدتي عليه ؟؟ اول كتاب كان أجندة طبخ عند ماما من 20 سنة فيها كل ما يخطر على بالك و كتاب جمعته من ملفات حبيبتى دون ورتبتة وعملته فعلا كتاب طبعته وغلفته وسميتة "كتاب اكلات مصرية" لان ملفها كان اسمه اكلات مصرية وطبعا موجود فى ملخص دينا ولحد دلوقتى مبستغناش عنه ومهما قرات بارجعله هو اجندة ماما س16..مين قدوتك بالمطبخ ؟؟ بأمانة ماما اولا كان نفسى ابقى ذيها العيلة كلها بتتهبل على اكلها ودينا طبعا بامانة والله فاكرة مرة انى قلت لها نفسى اعمل كل الاكلات اللى كتبيتها فى ملفاتك وهما يمكن اكثر من 800 وصفة والحمد لله جربتهم كلهم س17.. تحبي احد يساعدك بالطبخه ؟؟ ابدا ولا احب حتى حد يدخل وانا باطبخ س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟ لا تخرب ليها الف حل وحل ومعظم اكلات المطاعم الشيك طلعت نتيجة خطأ عند مثلا فطيرة التفاح تارت تاتان على ما اعتقد هى عكس كل فطاير التفاح اللى فى الدنيا العجينة فوق الحشو تحت وقصتها ان تاتان دى نست تحط العجينة تحت وحطتها فوق فبقت اغلى فطيرة تفاح فى امريكا عندنا فى مصر بنقول تعمل من الفسيخ شربات س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ فكرة هايلة جدا وان كنت عمرى ما توقعت نفسى من ضمن عضوات الشرف فى حواء س20 مـــيـــن ترشحى بعدك او ممكن تختاري اللي بعدك .. بأذن الله هاقول قريب جدااا س 21 من اي دوله انتي ؟؟ من أم الدنيــــــــــــــــــــــــــــــــــــــــــــــــــــــا س 22 وماهي الاطباق الشعبيه المشهوره في بلدك ؟؟؟ الكشرى والفول والطعمية س 23وماهو الطبق الشعبي الذي ما زلتي تطبخينه وتحبينه ؟؟؟ الثلاثة بموووووووت فيهم س 24 اكتبى لنا طبق مفضل من اختيارك ... او من مواضيعك فضلا ؟ يالا نجى للمقادير: مقادير1--- (بصلة مفرومة ناعم طماطم مفرومة أو كوب عصير طماطم 2م ك زيت نباتى) مقادير2--- (2 كوب أرز مصرى (حزمة بقدونس+حزمة كسبرة+حزمة شبت) مقطعين صغير مش فرم معلقة كبيرة صلصلة أو معجون طماطم بصلة كبيره مقطعه صغير 1فلفل اخضر رومى مقطع صغير 2 فص ثوم مفروم ناعم جدا عصير نصف ليمونة بهارات مشكلة مطحونة (كمون+فلفل+كسبرة ناشفة +شطة +بابريكا+م ص بهارات لحمة) 2 م ك زيت نباتى مـــلح) مقادير3---(بطاطس شرائح بصلة مقعة شرائح طاطم شرائح) مقادير4--- (كوب مرقة يفضل تكون بط لو مفيش يبقى لحم عادى او دجاج معلقة صلصة طماطم فص ثوم مفروم ملعقة صغيرة نعناع جاف) السر هنا بقى ---- (3 م ك سمن بلدى أو زبد) وطبعا اهم حاجة ورق العنب ههههههههههههههه امال احنا بنعمل اية اصلا!!!! معلهش المقادير شكلها كثير بس سهلة والله نبدأ بسم الله نضع الزيت على النار ونضيف البصلة المفرومة حتى تصفر ونضيف عليها الطماطم ونتركها تتسبك وطبعا لو عندنا تسبيكة أو كشنة جاهزة اكيد اسهل واسرع المهم نجيب طبق غويط ونضيف فية الارز المصرى بعد غسلة وتصفيتة ونضيف علية المقادير رقم 2 كلها ثم نضيف عليها الكشنة السابق بس تكون باردة ونخلط جيدا نحضر حلة ونرص فيها شرائح البصل والبطاطس والطماطم بحيث نغطى القعر تماما يكون طبعا ورق العنب جاهز سواء بوضعه فى الماء المغلى 3 دقائق أو يكون جاهز نبدأ نلف الورق ونحشية بالحشوة السابقة ونرصة فى الحلة بطريقة دائرية ولا نترك مسافات كبيرة بينه وبين بعضة لحد ما ننتهى منه كلة نغطى على وجهه بورقة او رقتين من ورق العنب لية؟؟؟؟؟؟؟؟؟؟؟؟؟؟؟؟ علشان المحشى ميسودش (يعنى يبقى لونة غامق) نضع الحلة على النار تدفى شوية ونضغط علية بحاجة ثقلية طبق استيل مثلا وفى حلة اخرى نجهز المرقة تكون بتغلى ونضيف عليها الصلصة والثوم والنعناع الجاف بحيث تغمر فوق المحشى ب2 سم تقريبا اولا ما تغلى المرقة مع المحشى نهدى النار عليها خالص كأنها شمعه ونتركها على النار من ساعه ونصف الى ساعتين اما امثالى المستعجلين دائما فممكن يترص بنفس الطريقة ويوضع فى حلة الضغط لمدة 25 دقيقة بالضبط والطريقة فى حلة الضغط بعد الصفارة نوطى الغاز لفوق هادى لمدة 25 دقيقة السر بقى بقى لما ينتهى وقت السوا نجيب طاسة ونضع فيها السمن البلدى او الزبد ونتركة حتى تطلع الريحة بالمصرى (نقدحه) ونشيل الورق اللى مغطيين بيه على المحشى ونصب على المحشى السمن المقدوح ونغطى علية تانى طبعا النار تكون مقفولة ونتركه بس 5 دقائق ويقلب فى طبق التقديم انا باكله سخن بس برضو بيبقى حلو وهو بارد بالهنا والشفا ودوقوا احلى ورق عنب س 25 متى كان دخولك لعالم حواء وكيف تعرفتي على المنتدى ؟ من اربع سنين.. اعتقد عن طريق السيرش وعجبنى المنتدى واستميريت فقية وبقى من اساسيات الحياة س 26 ماهو الجهاز اللي ماتقدري تستغنين عنه؟؟ هتضحكوا عليا بس كل جهاز بيوفر عليا وقت ومجهود غسالة الملابس طبعا غسالة الاطباق .. الميكروويف .. البويلر ...الفودبروسييسور ..حتى مفرمة البصل كل الاجهزة بصراحة س 27 ماهو الجهاز اللي تتمنين يكون عندك؟ نفسى فى انسان الى ينظف المطبخ ورايا بعد ما خلاص طبخ يا سلالالالالالالالالالام تبقى متعه س 28عضوه تعجبك طبخاتها او طريقه تقديمها؟؟؟ الحق يتقال دينا فى المقدمة وفية ناس تانية برضو كثير اكلهم كله حلو س 29 مانوع الكاميرا اللي تصورين بها طبخاتك؟؟ الموبايل و كاميرا ديجتيال احيانا وجزاكم الله عنى خيرا ربنا يبارك لك يا دينا يارب

س1..عرفينا عن نفسك وخاصه في الطبخ ؟ اسمى ايمان مهندسة ديكور ومعيدة فى الجامعة - بس حاليا...