فنون نجد :

بصراااحه استمتعنا بلقاء الأخت دينا والأخت مدام وائل واحب اقول لكم انتم راائعات بجد وانتم مكسب للمنتدى وربنا يحفظكم

بصراااحه استمتعنا بلقاء الأخت دينا والأخت مدام وائل واحب اقول لكم انتم راائعات بجد وانتم مكسب...

don :

س1..عرفينا عن نفسك وخاصه في الطبخ ؟ اسمى دينا انسانه اجتماعيه خدومه جداومحبه لمساعدة الاخرين لأقصى درجة وبحب كل الناس ابلغ من العمر 15 سنة( اعملوا نفسكم مش واخدين بالكم ) وعندى من الابناء ولدين وبنت ربنا يحفظهم وزوجى طبيب اطفال بالنسبه للمطبخ والطبخ مهما ان قلت مش حعرف اوصلكم انا قد ايه بحبه س2..وجبتك المفضله؟ الحمام المحشى و الحلويااااات س3..طبق تحبين تسوينه كثير؟ صينية البطاطس بالفراخ والفراخ بالكارى والجمبرى بالكارى لانهم دايما يطلبوه س4..متى تعلمتي الطبخ؟ اتعلمت من وانا صغيره جدا لان المفروض عندنا فى مصر ان البنت تدخل المطبخ من وهى صغيرة علشان لما تتجوز تكون ممتازة فى الطبخ علشان تشرفهم قدام جوزها وعلشان تعمر بيتها وحماتها ماتضحكش عليها س5..موقف طريف صار معاك في المطبخ ؟ مره خالى وزوجته كانوا راجعين من السفر وعزمته على الغذاء وما شاءالله عملتله كذا صنف وبعد ما جلسوا على السفره لقيته عمال كل شوية يبص لزوجته وزوجته تبصله واستمر الحال على كدة من غير ما ياكلوا غير سلطه فقط ولما سألتهم عن السبب ؟؟؟ ضحكوا وقالوا سبحان الله اصلك يا دينا زى ما تكونى عامله كل الاصناف اللى احنا مبنحبهاش :hahaha: س6..يعتمد عليك في الطبخ او لا؟ دايما والحمد لله س7..سوي طبخه وصوريها لنا؟ حاضر من عنيا س8..نصحيه توجهينها لطباخات عالم حواء ؟ انصحك انك تحاولى تتعلمى الطبخ وتنفذيه واحدة واحدة علشان انتى اساس بيتك فى المحافظة على صحة اولادك واسرتك ولازم يكون عندك ثقه فى نفسك انك مش اقل من اللى طبخوا ولاهما احسن منك فى حاجه ويكون عندك الجراءة فى التجربه حتى لو فشلتى مرة واتنين مش مهم لان الفشل اول طريق النجاح وفيه نصيحه متحاوليش تجربى اكله جديدة اول مرة تعمليها فى عزومة دايما تعملى فى العزايم اولا اللى انتى بتتقنيه وخلى محاولاتك فى الايام العاديه لحد ماتنجح معاكى وبعدين نفذيها فى العزايم س 9..هل تستخدمي الميكرو يف؟ لا س 10..ما هو رأي أهلك أو زوجك في طبخك ؟ الحمدلله مبسوطين س 11..ماهي نوعية الاواني التي تفضلين ان تطبخي بها؟ تقريبا عندى كل الانواع لان فيه اكلات مثلا زى اكلات الفرن بتحتاج تتعمل فى الطواجن وفيه حاجات فى البايركس والتحمير فى التيفال وهكذا س12..ماهي الأكلة التي تحبها عائلتك وأنتي لا تحبيها ؟ انا لا احبها ؟؟طب ازاى ؟؟؟ ده كلام برضه ؟؟ معلش نعكس السؤال الاكله اللى عائلتى مبتحبهاش وانا بحبها الفسيخ :hahaha: س13.. اول طبخه طبختيها ؟؟ اول حاجة كانت الارز الابيض بالطريقه العادية س14..كم مره احترقت الطبخه معاك ؟؟ مره واحدة ولسة من قريب يادوب كنت انتهيت من التزامات البيت الساعه 2 صباحا فجتلى فكره انى بدل ما انام اعمل محشى بذنجان وفلفل وارسله لاخواتى فى الصباح مفاجأة فى المصيف وفعلا قمت بتقوير على ما اتزكر 6 كيلو او اكثر لوحدى وربنا قدرنى وحشيته وحطيته على النار فى كذا حله والفجر بيدن رحت داخله مصليه ونمت على السجاده :(من التعب ولم ادرى بأى شىء الا بعدها بساعه وعينكم متشوف الا النور البذنجان الابيض بقى كله اسود لأ واسود بضمير ولكوا ان تتخيلوا :icon33: س15.. اول كتاب طبخ اعتمدتي عليه ؟؟ الحمد لله على امى س16..مين قدوتك بالمطبخ ؟؟ ولدتى ربنا يحفظها لكن احنا عندنا فى العائلة تخصصات يعنى كل بيت عندنا متخصص فى حاجه معينه وعنده اسرارها س17.. تحبي احد يساعدك بالطبخه ؟؟ لا... ولا حد يجروء يدخل المطبخ وانا جوه س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟ مهما الطبخه باظت فليها الف حل لاصلاحها دون الحاجة ابدا لانك ترميها (لكن فقط الاكل المحروق لا يوجد له حل ) س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ فكرة جميله جدا والله لان اكيد اى واحده فينا لفتت نظرها اى عضوة واتعلقت بيها فى حاجة وكان نفسها تقرب منها وتتعرف عليها ودى الفرصه اللى حققتلها رغبتها س20 مـــيـــن ترشحى بعدك او ممكن تختاري اللي بعدك .. فيه اتنين فى بالى حسألهم واقلكم مين س 21 من اي دوله انتي ؟؟ انا مصريه من مصر ام الدنيا س 22 وماهي الاطباق الشعبيه المشهوره في بلدك ؟؟؟ الكشرى والفول والطعمية والبصارة والفشة والممبار ولحمه الراس والعكاوى س 23وماهو الطبق الشعبي الذي ما زلتي تطبخينه وتحبينه ؟؟؟ الكشرى س 24 اكتبى لنا طبق مفضل من اختيارك ... او من مواضيعك فضلا ؟ حاضر حكتبه لكم المشاركه الجايه س 25 متى كان دخولك لعالم حواء وكيف تعرفتي على المنتدى ؟ دخلت من 3 سنوات بس كنت متبعاه قبلها بعام تعرفت عليه بالصدفه وكنت حتجنن علشان ادخل واشارك فيه بس مكنتش عارفه الطريقه ازاى ؟؟؟ وبعد طول عناء وبعد ما دخلت وشاركت اول مشاركه وشوفتها قدامى على الشاشه اتخضيت ومكنتش عايزة اقفلها تانى س 26 ماهو الجهاز اللي ماتقدري تستغنين عنه طبعا واكيد وبلا منازع غساله الملابس الفول اتوماتيك ده اعظم اختراع فى نظرى س 27 ماهو الجهاز اللي تتمنين يكون عندك؟ اةةةةةةةةة نفسى من زمان فى جهاز اكتبله الاكلات اللى حعملها يطلعهالى جاهزة ومغروفه على السفرة بصراحه هو مش جهاز انا نفسى يكون عندى فرن بلدى من اللى بيكون فى الارياف من الطوب علشان اسوى فيه احلى عيش واحلى فطير مشلتت واحلى المخبوزات س 28عضوه تعجبك طبخاتها او طريقه تقديمها؟؟؟ عضوه واحدة بس ؟؟؟؟ ده ما شاءالله المنتدى مليان بكنز من العضوات الماهرات س 29 مانوع الكاميرا اللي تصورين بها طبخاتك؟؟ بلا فخر بصور بالموبايل

س1..عرفينا عن نفسك وخاصه في الطبخ ؟ اسمى دينا انسانه اجتماعيه خدومه جداومحبه لمساعدة...