بسم الله الرحمن الرحيم





السلام عليكم اخواتي الحوائيات
صرحة بيكونلي الشرف انها الاخت رتاج اختارتني لاكون ضيفة الشرف وانا بشكرك كثير على ذوقك وعلى اختيارك لي
وان شاءالله اكون خفيفة على البكم

س1..عرفينا عن نفسك وخاصه في الطبخ ؟
انا ام لطفلين الله يحفظهم ويهديهم
صراحة وانا بنت ما كنت بحب الطبخ بالمرة كنت بس بحب آكل مع اني انا الكبيرة باخواني بس ما كنت بحب اطبخ
ولما اتزوجت على طول سافرت وطبعا تعلمت على زوجي الله يعينو
بس الحمد لله كنت امشية حالي وكنت اكتر شي بزبطو المحاشي واول مرة عزمت ناس بيقربو لزوجي كتير انبسطو من الاكل الحمد لله بيظت وجهي قدامهم

س2..وجبتك المفضله؟
انا بحب الاكل اجمالا (ما تفكرو كثير انا مش تخينة ههههههههه)بس بفضل المعجنات


س3..طبق تحبين تسوينه كثير؟
اي طبق في رز عشان اولادي


س4..متى تعلمتي الطبخ؟
في بيت زوجي

س5..موقف طريف صار معاك في المطبخ ؟
قبل اكم شهر كنت عمالي بعمل كشري فكنت بقلب بالثوم بطنجرة بايركس ولما حطيت البندورة على طول انفجرت الطنجرة واتكسرت
وانا من الخوف اتسمرت مكاني واطلعت على اولادي الحمد لله كانو بعاد لانو القزاز طار في كل المطبخ بس الحمدلله مع اني كنت قريبة بس ما اتاذيت


س6..يعتمد عليك في الطبخ او لا؟
الحمد لله بأدي الغرض هههههههههه

س7..سوي طبخه وصوريها لنا؟
هاي الطبخة اللي حاليا متوفرة (المعكرونة بالبشاميل)

المقادير لصينية
معكرونة
لحمة مفرومة
بصلة كبيرة
3 حبات بندورة كبار حمر
ملعقة صغيرة بهارات مشكلة
ثلث ملعقةصغيرة فلفل اسود
وملعقة كبيرة ونص زعتر ناشف مفروك بالايد
خلطة الباشميل من كنور
وجبنة موتزريلا
واكيد ملح وزيت

الطريقة
بنقطع البصلة وبنقلبها بالزيت حتى تتذبل

ثم نضع اللحمة وبنقلبها وبخليها شوي على النار حتى تبدا تنشف المي عنها

بنقشر البندورة وبنقطعها مثل ما بتقطيها للسلطة بس اكبر شوي وبنحطها مع اللحمة وبنقلبها

ثم نضع البهارات المشكلة والفلفل الاسود والزعتر الناشف وما تحطي ملح عشان ما تذوب البندورة كثير وخليها على النار حتى تنشف ميتها منيح مع التقليب كل شوي لما تطفي النار عليها حطي الملح على الخلطة

هلا بنعمل البشاميل طبعا انا كسلانة كنت بالاول بعمل البشاميل بالبيت بس صرت اجيبو جاهز على شان السرعة وكمان بيعجبني طعم خلطة البشاميل كنور
طبعا بعملها مثل الارشادات بس بقلل من الحيب شوي لاني بحبها ثقيلة بس تبدأ تشتد الخلطة بشيلها عن النار وبحط عليها جبنة موتريلا وبرجعها على النار وبقلبها حتى تذوب الجبنة ويشتد البشاميل



بحط اول طبقة من المعكرونة وبحط شوي من الباشميل وبخلطهم مع بعض
ثم نضع خلطة اللحمة وابنفردها منيح


ثم نضع طبقة اخرى من المعكرونة وبنغطيها بالبشاميل وبنحطها بالفرن من تحت حتى تتحمر




بخليها لتبرد شوي وهيك لما قطعتها



ان شاءالله تكون عجبتكم


س8..نصحيه توجهينها لطباخات عالم حواء ؟
ماشاءالله هم اللي بيعطوني نصائح ماشاءالله كلهم متميزات
بس نصيحتي اول ما تبدي تطبخي احكي بسم الله عشان يكون فيها خير وتحل البركة باذن الله

س 9..هل تستخدمي الميكرو يف؟
طبعا بستخدمو بسخن في الخبز والاكل ما بستغني عنو

س 10..ما هو رأي أهلك أو زوجك في طبخك ؟
بالنسبة لاهلي امي كانت فاقدة الامل مني وعمرها ما اتوقعت اني اصير ست بيت لاني كنت ما بحب اطبخ ولا حتى اتعلم منها وكانت كتير حزنانة على زوجي بس لما اكلت من تحت ايدي اطمنت وحبت اكلي الحمد لله
بالنسبة لاهل زوجي صراحة انا عايشة في بلد وهم في بلد بشوفهم كل سنة شهر هم الطبختين اللي طبختهم المعكرونة والكبسة لانهم ما كانو بيعرفوها
وحبوها كثير الحمد لله وعلمتها لاخت زوجي

س 11..ماهي نوعية الاواني التي تفضلين ان تطبخي بها؟
التيفال

س12..ماهي الأكلة التي تحبها عائلتك وأنتي لا تحبيها ؟
زوجي بحب الفول الاخضر بس انا ما بحبو

س13.. اول طبخه طبختيها ؟؟
بامية مع رز

س14..كم مره احترقت الطبخه معاك ؟؟
متعدووووووووووووووش وخصوصا اول زواجي انا مشكلتي اني بنسى

س15.. اول كتاب طبخ اعتمدتي عليه ؟؟
صراحة انا ما جبت كتب للطبخ بس امي اشترتلي كتاب لعمل الكيك اول ما اتزوجت

س16..مين قدوتك بالمطبخ ؟؟
امي وحماتي

س17.. تحبي احد يساعدك بالطبخه ؟؟
ما بحب بحب اطبخ لحالي وما حدا يزعجني عشان اكون مركزة

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟
اذا حترقت وما بتتاكل بكبها اما اذا ماشي الحال اكيد بناكلها

س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟
صراحة فكرة رائعة وحلوة كثير وبترجعك لذكريات حلوة مرت من عمرك

س20 مـــيـــن ترشحى بعدك او ممكن تختاري اللي بعدك ..؟
برشح اختي وصديقتي (الشيف نانا)

س 21 من اي دوله انتي ؟؟
من بلد الكرم والجود والاصالة من الاردن

س 22 وماهي الاطباق الشعبيه المشهوره في بلدك ؟؟؟
المنسف المقلوبة الملوخية
الرشوف هاي اكلة بتجنن بس للاسف ما بعرف اعملها هي اكلة بيعملوها النساء الكبار بالعيلة بس ان شاءالله حابة اتعلمها وانزلها باذن الله
الكنافة اكيد

س 23وماهو الطبق الشعبي الذي ما زلتي تطبخينه وتحبينه ؟؟؟
المنسف والمقلوبة والملوخية

س 24 اكتبى لنا طبق مفضل من اختيارك ... او من مواضيعك فضلا ؟
من مواضيعي فتة الدجاج
http://forum.hawaaworld.com/showthread.php?t=1183044

س 25 متى كان دخولك لعالم حواء وكيف تعرفتي على المنتدى ؟
حوالي اقل من سنة وسبحان الله كانت صدفة بس من اجمل الصدف في حياتي لاني اتعرفت على صديقات من مختلف الجنسيات عبر هذا المنتدى وبتمنى اني اشوفهم ان شاءالله

س 26 ماهو الجهاز اللي ماتقدري تستغنين عنه
الخلاط اكيد وابريق تسخين الماء

س 27 ماهو الجهاز اللي تتمنين يكون عندك؟
من فضل الله علي كل اللي بيلزمني متوفر الحمد لله(قنوعة الاخت)

س 28عضوه تعجبك طبخاتها او طريقه تقديمها؟؟؟
صراحة كثير ماشاءالله المنتدى مليان بالمتميزات
اللي جاي على بالي طبعا واكيد ام ناصر 64 الاخت دوحة القرآن والأخت نزف المحاني والاخت عجايب والاخت زيتونة 500
صراحة هم كتار بس هدول اللي في بالي

س 29 مانوع الكاميرا اللي تصورين بها طبخاتك؟؟
من موبايلي n72

انا جدا سعيدة في هاي المشاركة وبشكر مرة ثاني حبيبتي رتاج على اختيارها لي
وان شاءالله ما اكون ثقلت عليكم وبنتظر اسئلت البنات
اختكم ام محمد

ما شاء الله عليكي يا ام محمد

حلووووووووو الحوار معك والله و الموضوع منور فيكي يا قمر

بس بتعرفي متت ضحك على موقف البايركس يحرئ حريشك ههههههههههههههههههه

الله ستر وقتها والله عنجد لئنو كتييييير خطير

عندي سؤال

شو الطبق اللي بتعتمديه بالعزايم دايماً؟؟

و لما تكوني تعبانة و ما الك خلئ تطبخي شو الطبخة اللي بتيجي على بالك تعمليها؟؟

تسلمي يا رتوجة كلك زوق حبيبتي :26:
فعلا الله ستر صدقيني صوتها مثل القنبلة انا ما حزنت على الطنجرة بس هكلت هم التنضيف لانو نزل على الغاز وانحرئ الله لا يورجيها حدا :icon33:

وقت العزايم بحب اعمل الرز بالخضار او المندي مع طبق جاني او مع المحاشي

لما اكون تعبانة ومو جاي على بالي اطبخ بعمل معكرونة او مقالي

وتسلمي يا عسولة على الاهتمام كلك زوق يا البي:26:

ما شاء الله شكلو محاشيكي بشهوا

لما تعمليهم تزكرينا بصحن :32:

انا بمووت بالمحاشي خاصة محشي الياقطين

يسلموووووو اختي ومشكورة على المعلومات:39: