كوبونات الراقية تسجيل الدخول

شمعه من ثلج
شمعه من ثلج •
أم سومه أم سومه :
هلا بك حبيبتي شمعه الله يسعدك يالغاليه اتشرفت بالتعرف عليك الله يخلي لك عيالك وكل من تحبين
هلا بك حبيبتي شمعه الله يسعدك يالغاليه اتشرفت بالتعرف عليك الله يخلي لك عيالك وكل من...
يااااامرررررررررررراحب وهلا والله


ياعساني مانحرم من هالوجيه الطيبه والكلام الاطيب

واسعدني جداااااااااااااااااااااااا وجودك حبيبتي

ومشكورات الدعوات

والله يحفظك يالغاااليه ولايورريك مكرررروه
ويمتعك بالصحه والعاااااافيه

وهذا صحنك يالغلا واختاري اللي تبين





عــ حزينة ــيون
عــ حزينة ــيون •
شمعه من ثلج شمعه من ثلج :
يااااامرررررررررررراحب وهلا والله ياعساني مانحرم من هالوجيه الطيبه والكلام الاطيب واسعدني جداااااااااااااااااااااااا وجودك حبيبتي ومشكورات الدعوات والله يحفظك يالغاااليه ولايورريك مكرررروه ويمتعك بالصحه والعاااااافيه وهذا صحنك يالغلا واختاري اللي تبين
يااااامرررررررررررراحب وهلا والله ياعساني مانحرم من هالوجيه الطيبه والكلام الاطيب واسعدني...
السلام عليكم ورحمة الله وبركاته



يسرني أن أكون معكم في هذا الحوار ( التحقيق ) الحوائي وإن شاء الله أكون عند حسن الظن
وأشكر ام علاء على الموضوع وصاحبة الفكرة تفاحة البنفسج لأنه موضوع يشبع فضولنا لمعرفة شخصيات بنات حواء اكثر وأكثر وأشكر العزيزة ( شمعة من ثلج ) لاختيارها لي ضيفة في الموضوع

ولو إني مقصرة معاكم لأني ما أشتركت في هالموضوع أبداً مع الضيفات السابقات اللي كلهن خير وبركة لكن ضيق وقتي ما يسمح لي أتابع أغلب المواضيع بالمنتدى زي قبل - وإلى الآن ما تصفحت الموضوع كااامل

س1..عرفينا عن نفسك وخاصه في الطبخ ؟

إنسانة بسيطة ومتواضعة – زوجة وأم لبنات وبنين – أنعم علي ربي بهواية حب الطبخ علشان كذا ( مسنترة ) في عالم حواء

س2..وجبتك المفضله؟

المرق بالخضار واللحم أو الدجاج

س3..طبق تحبين تسوينه كثير؟

البرياني

س4..متى تعلمتي الطبخ؟

اتعلمت الطبخ بعد الزواج على ايدين ام زوجي الله يحفظها – وحاولت أعلم نفسي ( يعني عصامية ) – اتوفت الوالدة وأنا صغيرة – وزوجة أبوي الله يطول في عمرها كانت يدوب هي تتعلم الطبخ على ايدين الوالد الله يرحمه – يعني ما عندها وقت تعلمني – بس علمت نفسها من الكتب والسؤال والتطبيق إلى أن صارت فنانة ما شاء الله عليها – وأنا سويت زيها

س5..موقف طريف صار معاك في المطبخ


مواقف كثيييييييييييييييرة وذلك بسبب إني ما أعرف أطبخ في أول زواجي حتى الرز الأبيض !! بس ذاكرتي ضعييييييفة ومو قادرة أتذكر موقف محدد

س6..يعتمد عليك في الطبخ او لا؟

نعم بس مو مفاطيح وذبايح لاااااا

س7..سوي طبخه وصوريها لنا؟

هذي أكله مغربية ( الدجاج المحمر) دجاج وبصل وزيتون وليمون مخللل لذيذة بس الشكل اتبهدل لأني خليت الدجاج يطبخ ساعة حسب الوصفة والمفروض أقل من كذا




س8..نصحيه توجهينها لطباخات عالم حواء ؟

الاعتماد على الله في كل شيء طبعاً – المحاولة حتى بعد الفشل – علشان يسهل عملك في المطبخ من غداء أو عشاء حاولي تخططي من قبل بيوم ( يعني وانت ع الفراش بتنامي فكري ايش غداك بكرة ) أحسه يعطي نشاط وقوة وسرعة في تجهيز الغداء

س 9..هل تستخدمي الميكرو يف؟

نعم – ولو إنه حالياً ما عندي ( خرب عندي جهازين ) بس أمشي حالي – وزوجي مبسوط لأنه ما يحب المايكرويف

س 10..ما هو رأي أهلك أو زوجك في طبخك ؟

أهلي يعجبهم طبخي ويمدحوه – زوجي ( ما يعلق!!! )

س 11..ماهي نوعية الاواني التي تفضلين ان تطبخي بها؟

الألمونيوم – والتيفال للأكلات اللي تحتاج حمس ونقنقة

س12..ماهي الأكلة التي تحبها عائلتك وأنتي لا تحبيها ؟

مشخول وبرياني الربيان ( بس أنا ما آكل ربيااان )

س13.. اول طبخه طبختيها ؟؟

أعتقد ( مهلبية رز ) بالمدرسة المتوسطة

س14..كم مره احترقت الطبخه معاك ؟؟

كثير ( لما كنت عليمية )

س15.. اول كتاب طبخ اعتمدتي عليه ؟؟

ألف باء الطبخ – بس أغلب أكلاته ما تناسبنا بس اتعلمت منه أساسيات الطبخ والحلويات

س16..مين قدوتك بالمطبخ ؟؟

ما أحد محدد لأن حريم العيلة أغلبهم طباخات وكنت وما زلت أسألهم عن الطبخ

س17.. تحبي احد يساعدك بالطبخه ؟؟

لاااااااااااا – إلا في العزايم اكيد أحتاج من يساعدني

س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟

إذا تمشي الحال أضطر آكلها بس إذا ما تنفع أكيد بتنكب

س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟

فكرة حلوووووة تشبع فضولنا في معرفة شخصيات عضوات عالم حواء أكثر

س20 مـــيـــن ترشحى بعدك او ممكن تختاري اللي بعدك ..

العزيزة مشاعر90

س 21 من اي دوله انتي ؟؟

من المملكة العربية السعودية وبكل فخر – من الشرقية

س 22 وماهي الاطباق الشعبيه المشهوره في بلدك ؟؟؟

المنطقة الشرقية تتشابه مع بقية دول الخليج بالأطباق الشعبية مع اختلاف اسم الطبق منها
الهريس – الجريش – المرقوق – العصيد – المضروبة بأنواعها وأشهرها مضروبة السلق بالربيان مع مرق الربيان – اللقيمات – السمبوسة – المبصل وهو عجين مع بصل نئ وبهارات يتحمر في زيت بسيط ويزين بدبس التمر وغيرها

س 23وماهو الطبق الشعبي الذي ما زلتي تطبخينه وتحبينه ؟؟؟

المرقوق

س 24 اكتبى لنا طبق مفضل من اختيارك ... او من مواضيعك فضلا ؟

دجاج تكاماسالا- لـ ( ريفه) الله يجزاها خييير

س 25 متى كان دخولك لعالم حواء وكيف تعرفتي على المنتدى ؟

تعرفت على المنتدى من ( أخوي ) لما دخلت النت نصحني بالمنتديات النسائية ورشح لي عالم حواء وهذا كان من 7 سنوات _ مع أحداث 11 سبتمبر _ بس ما أشتركت فيه إلا في 2003

س 26 ماهو الجهاز اللي ماتقدري تستغنين عنه؟

خلاط الكيك

س 27 ماهو الجهاز اللي تتمنين يكون عندك؟

الفرن الكهربائي

س 28عضوه تعجبك طبخاتها او طريقه تقديمها؟؟؟

أغلب البنات طبخاتهم تعتمد بس يعجبني اسلوب شمعة من ثلج في التقديم ( الله يديم عليها الصحة والعافييية )

س 29 مانوع الكاميرا اللي تصورين بها طبخاتك؟؟

كانت كاميرتي الأولى ( orint ) اشتريتها مخصوص لتصوير الطبخات لمنتدى حواء
واستبدلتها بـ ( olympus )
ام علاء
ام علاء •
هلالالالالالالالالا بالغاليه عيون حزينه
الله يسعدك ويوفقك
حوارك رووووووووووووووووعه مثلك واستمتعنا به جدا

ووضعت لك شعار الضيفه ياقمررررررررررر
أم البكيراويين
أم البكيراويين •
ياهلا وغلا بعيون حزينه
عسى الحزن مايعرف طريقك
الله لايحرمنا من سنترتك بعالم حواء
حوارك رااااائع بروعتك ماشاء الله عليك
حابه اسألك عن سبب التسميه
دمتي لغاليك والله يحفظ لك الشباب والصبايا ويقر عينك بصلاحهم
مشاعر90
مشاعر90 •


هلاااااوغلااااا..بعيون حزينه .

ماشاءالله مبدعة عالم حووواء هناااااعيني عليك بارده ...وأنا شخصيا أستفدت منكي ومن طبخاتك انتي واميرة الشوووق..

تصدقين كان عندي احساس انك راح تختارين.. :35: والله

حبيت اسجل اعجابي بك ماشاء الله عليك ..

والله يحفظك ويخلي لك كل غالي يارب..