تـــــــــشرفنآآآ ياحبيبتي (( أمـ عبدالمنعم))
يسلمووووووو
والاطباااق هذا من ذوقج وعليج بالعاااااااافيه
امييييييين واياك

:26:

السلام عليكم ورحمة الله وبركاته

اشكرك يا اختي ام انس 11 على اختيارك لي في هذا الموضوع وبارك الله فيك والله يخلي لك انس وخوانه

ومشكورين يامشرفات على طولة بالكم وصبركم على هالمهمه ( الاشراف ) الله يوفق الجميع امين يارب

بسم الله



س1..عرفينا عن نفسك وخاصه في الطبخ ؟




زوجه وام لأربعة ابناء بنت و3 اولاد اجتماعيه ..الطبخ هوايتي اكيد ... لكن ما صقلتها الا متأخر

يعني بعد الزواج





س2..وجبتك المفضله؟







البيتزا اذا صارت دائره كبيره ... ومكرونه بالبشامل

وهذا صورة البيتزا






س3..طبق تحبين تسوينه كثير؟







مندي الدجاج يعني لانه ما يبغى له شغل ولا فيه مواعين كثيره تحطينه في الفرن وتنسينه

ويا سلطه مطحونه ... خصوصا ان عائلتي ما تقضل اي شي مع هذا الطبق







س4..متى تعلمتي الطبخ؟







بعد ما تزوجت بس كانت فيه بعض المحاولات ولكن قليله ما زالت عالقه في الذاكره اتذكر مره كنت يمكن في اولى متوسط

وصلحت انا واختي اللي اصغر مني كيك برتقال .. من كتاب اختي اللي اكبر مني ولما خلطنا الخليط اثاري الفرن من جوا ما يشتغل

كان جديد ولا عرفنا له ... فحطينا الصينيه على النار وقصرنا عليها اللي استوا اكلنا... والي ما استوا خليناه







س5..موقف طريف صار معاك في المطبخ ؟










5 هذا الموقف الى الان ما انساه

كنت توني متزوجه وجيت اسوي جريش .. وما بعد ما حطيت الجريش واللبن وحطيت( مسحوق اخضر ) اللي كنت اظن انه كمون ....قصرت عليه

ولكن ما شميت ريحة الجريش المعتاده بعد فوح اللبن ... محدثتكم السنعه قالت اكيد يبغى له زيادة كمون... وازيد من هالبودره الخضراء

ما شميت الريحه ... قلت في نفسي اكيد نوع الجريش موذاك الزود ....اختي تصير سلفتي في نفس الوقت والكبيره فيه ( ام طلال ) الله يخليها

فلما تغدينا هذا اليوم جتني اختي وقالت فيه طعم وريحه في الجريش موطبيعيه

قالت وش سويتي فيه ورتبت لها الخطوات ولما فتحت علبه الكمون اثاريها يانسون ... الشغاله من خبالتها كان في نفس العلبه كمون فلما خلص طحنت مكانه يانسون

(ما ادري وش قال اهل زوجي عن اخر صيحه في عالم الطبخ ( جريش باليانسون

لما جت قهوة عقب العشاء ... راحت اختي تتفقد ردة الفعل ...سألت ابو زوجي وش اخبار جريش اليوم ... والله جريش اليوم فن

اختي بس سمعت كلمة فن ارتاحت وجت جبرتي باللي قاله ابوزوجي

وانا اللي من بكره اكتب على كل علبه وش فيها واخبر الشغاله ما تطحن شي الا لما اشوفه







س6..يعتمد عليك في الطبخ او لا؟










نعم والحمدلله وحريصه جدا ولا انوم الا وكلو تمام واحضر ورقه واكتب واسجل كل شي ابسويه واللي اخلص منه اشطبه







س7..سوي طبخه وصوريها لنا؟









س8..نصحيه توجهينها لطباخات عالم حواء ؟








تجديد النفس في الطبيخ هو اللي يزيد الخبره اللي اقصد لا تظنين جريشك احلى جريش او كبستك ا حلى كبسه لا ... .. جربي كبسة هذي وجريش هذي ولقيمات هذي بتعرفين ان ابيخهم طريقتك

وعدم رمي دفاتر المطبخ بعد التجديد ... خليها واذا تصفحتيها بعدين بتعرفين اشكثر كنتي غلطانه في بعض الاكلات ... هذا اللي يأكد زيادة الخبره





س 9..هل تستخدمي الميكرو يف؟







بكل اسف ولكن على نطاق ضيق







س 10..ما هو رأي أهلك أو زوجك في طبخك ؟






نعم يعجبهم يستانسون اذا دخلت المطبخ ويحطون في بطونهم بطيخه صيفي





س 11..ماهي نوعية الاواني التي تفضلين ان تطبخي بها؟







11تيفال وبايركس



س12..ماهي الأكلة التي تحبها عائلتك وأنتي لا تحبيها ؟

مندي الدجاج بس اذا مندي تيس اكل اللحم بس حتى الرز ما اكله



وهذي السلطه



س13.. اول طبخه طبختيها ؟؟






13 بلح الشام

كنت في سادس







س14..كم مره احترقت الطبخه معاك ؟؟








مره وحده ولكن عن كل المرات.... في العيد مع الاسف ... موقف قوي

حصل هذا الموقف من تقريبا 15 سنه ... اول مره اطبخ مفطح العيد الصبح عيدنا مو الظهر ... ولازم يطلع في مكان مخصص في الحي كل عائله تطلع اللي مسويته للعيد

( كان زمان )

فلما استوا المفطح وحطيت الرز قصرت عليه ورحت البس والبس بنتي ... ما دريت الا والشغاله تطق الباب وتقول ( رز محروق يا مدام )ا

واطمر احط الدرجه بخمس درجات واسودت الدنيا في وجهي واغرف الرز في قدور ثانيه واحطه على الفرن واحط فيه بطاطس وبصل وكل المنكهات

المهم عدى على خير ... لكن ما انسى هذا اليوم







س15.. اول كتاب طبخ اعتمدتي عليه ؟؟

كتاب اصول الطبخ السعودي حق رابحه حافظ







س16..مين قدوتك بالمطبخ ؟




ما فيه احد من عائلتي مثلي . يعني ما اقتديت بأحد انا الاولى



س17.. تحبي احد يساعدك بالطبخه ؟




اذا عندي عزيمه او جمعه حريم بنتي تتولا البيت والمطبخ علي





س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟








الحلويات اقدر عليها بس اي شي ثاني ما اعتقد ... ولا قد احترق معي شي الا مره بسبوسه شغلت اللي فوق عشان يتحمر الوجه

فلما طلعتها من الفرن ........ وااااااااااااااو اللللللللللله تهبل ... من السواد .... دهنتها بنوتيلا .. ولا بان فيها طعم حرق







س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟






فكره حلوه مره لاننا كأننا عيله وحده ولا نعرف اشياء عن بعضنا فهالفكره قربتنا من بعض كثير

وغيرت اللي كنت حاطته في بالي .... مثلا كل وحده اتخيلها بعمر 25 ما ادري ليه فلما قريت ان ام الذرابه جده تفاجأت





س20 مـــيـــن ترشحى بعدك او ممكن تختاري اللي بعدك ..
لولاتو2002





س 21 من اي دوله انتي ؟؟





السعوديه الرياض





س 22 وماهي الاطباق الشعبيه المشهوره في بلدك ؟؟؟






كثيره المرقوق الجريش القرصان المصابيب

المحلى الحنيني .. قرص عمر ... الخ



س 23وماهو الطبق الشعبي الذي ما زلتي تطبخينه وتحبينه ؟؟؟








المثلوثه اللي هي جريش بعدين فوقه قرصان ويعدين رز وبعدين وفقهم كلهم الللحم





س 24 اكتبى لنا طبق مفضل من اختيارك ... او من مواضيعك فضلا






مكرونه بالبشامل



اول شي الباشمل

احط اصبع زبده على النار بعدين اضيف الدقيق بالتدريج واحرك واضيف الحليب تقريبا اربعه اكواب دافيه تكون

بالتدريج عشان ما يكتل واذا صار قوامها غليظ ........ ابعده من النار واضيف ملح وجبنه بالرميسان او كيري بس بالكيري احلى

ورشة فلفل اسود

احمس بصل ويا ثوم والتوابل .( صلصه فلفل اسود كركم اويغانو كزبره ناشه وكاري شوي ). وابعده عن النار

احمس المفروم بشوي زيت ويا التوابل وابعده عن النار ... وبعدين اخلط القدرين ... عشان ما يضيع طعم اليصل والثوم واضيف كزبره طازه

المكرونه مسلوقه ومخلوط معها مغرفة بشامل وجبنه بارميسان ووكير ي او سايل

التطبيق

في قاع الصينيه احط شوي بشامل واضع المكرونه بعدين شوي موزريلا وبعدين المفروم وبعدين البشامل وادخلها الفرن واذا نضجت اطلعها وامسك اصبع الزبده وامرره على سطح البشامل

وادخلها الفرن واشغل اللي فوق .. تعطي طعم وتحمير حلو احسن من البيض

https://d2s63a22uzwg40.cloudfront.net/PE/2009/02/08/05/21234024277-1.jpg

https://d2s63a22uzwg40.cloudfront.net/PE/2009/02/08/05/31234024277-1.jpg


س 25 متى كان دخولك لعالم حواء وكيف تعرفتي على المنتدى ؟







اتصفح عالم حواء من عام 2001

ولكن سجلت 2007 شوفو الفرق

تعرفت عليه عن طريق النت ادور اكلات وطلع لي واتذكر اني صورت بعض الاكلات ودبستها ولكن ما ادري وين راحت كان عام 2001

ياليتها عندي كان اعرف من العضوات اللي كان هذيك الايام



س 26 ماهو الجهاز اللي ماتقدري تستغنين عنه






جهاز ست البيت مولينكس والعجان







س 27 ماهو الجهاز اللي تتمنين يكون عندك؟






غساله الصحون





س 28عضوه تعجبك طبخاتها او طريقه تقديمها؟؟؟






كثير عضوات بس افضل لولاتو2002

تصور كل مراحل العمل احب هذي الحركه

وطريقة شغلها مرتبه





س 29 مانوع الكاميرا اللي تصورين بها طبخاتك؟؟








سوني ديجتل طبعا Cyber.shot





الختام

في الاخير ارجو ان حواري خفيف عليكم وممتع

واشكر كل وحده في عالم حواء مشرفه اوعضوه



اسأل الله العلي القدير ان يجمعنا على الطاعه وعلى المحبه انه ولي ذلك والقادر على كل شئ

والى اللقاء مع الضيفه القادمه

يا هلا وغلا الغاليه أم أنس

وأبركها من ساعه التعرف عليج ..

ياهلا وغلا الغاليه كوكب 11

وهذي الساعه المباركه اللي تعرفنا عليج ..وسعيده بالتعرف على طباخه مميزه مثلج ..

وعلى فكره انا من مؤيدي عدم رمي دفاتر الطبخ القديمه بعد تجديدها ..أحس كل طبخه في مكانها الأصلي غير اتذكر متى سويتها
وبصراحه دفاتري لها معزه خاصه في قلبي ..اول دفتر لي بعد التجديد أخذته أختي ولكن دفتري الثاني الى الآن محتفظه فيه رغم انه مهتري وخلاص ما استخدمه علشان ما ينهري أكثر !! بس غير غلافه لانه تشقق ما عاد فيه غلاف !وصار له الحين 17 سنه