ديم الغيم :

اول شي السلام عليكم ورحمة الله وبركاته.. ثاني شي اشكر فنوووون نجد من كل قلبي على اختيارها لي .. واقدره لها .. واتمنى تنبسطون معي حبيباتي.. س1..عرفينا عن نفسك وخاصه في الطبخ ؟ انسانه بسيطه .. موظفه .. أم لبنتين.. احب الادب العربي بشكل عام والشعر بشكل خاص.. احب الطبخ وخصوصا اللي انا افنتكه من راسي بدون ما يكون له طريقته.. س2..وجبتك المفضله؟ المطبخ الصيني بشكل عام واكثر طبخاته السويت اند ساور فرايد شريمب الصيني اللي هو الربيان المقلي الحامض حلو.. احب اكله مع الرز الابيض.. س3..طبق تحبين تسوينه كثير؟ طبعا طبعا الكبسه السعوديه الحمرا س4..متى تعلمتي الطبخ؟ بعد ماتزوجت س5..موقف طريف صار معاك في المطبخ ؟ مره كنت اسوي غداي انا وزوجي في اول زواجي والخبره في المطبخ لكم عليها... وقعدت احوس واحوس واحوووووووووس بالمطبخ على بالي بسوي حركات مكرونه بالصلصه الحمرا والدجاج والخضار ولما خلصت منها وقبل ما يجي زوجي تقريبا بنص ساعه رحت من اللقافه وطلعت جبن الموزوريلا ورشيت وجه الطبخه وححححححححححححححححححححححدثت المفاجأه : !!الجبنــــــــــــــــة متعفنه!! لاني وبكل ذكــــــــــاء منقطع النظير حاطة الموزوريلا بالثلاجة وهي المفروض تنحط بالفريزير عشان ماتعفن... هذي والله النشبه وش بسوي الحين واقوم وادق على ابو الشباب واقوله جب معك غدا.. س6..يعتمد عليك في الطبخ او لا؟ ان شاء الله انه بعتمد علي حسب ما اعتقد س7..سوي طبخه وصوريها لنا؟ اللي سبق وسويته ان شاء الله ان فيه البركه.. س8..نصحيه توجهينها لطباخات عالم حواء ؟ بصراحه اوصيهم ونفسي وباقي خواتي عضوات حواء الحبيبات بعدم الاسراف والاقتصاد بكمية الاكل بحيث لاتزيد عن الحاجه فهناك منهم بأمس الحاجه من اخواننا المسلمين للفتات س 9..هل تستخدمي الميكرو يف؟ نادرا س 10..ما هو رأي أهلك أو زوجك في طبخك ؟ الحمدلله اعتقد انهم يحبونه.. س 11..ماهي نوعية الاواني التي تفضلين ان تطبخي بها؟ بصراحه مادري وش الاسم اللي يطلق عليها لكنها قدور طبخ عاديه س12..ماهي الأكلة التي تحبها عائلتك وأنتي لا تحبيها ؟ المكرونه بجميع انواعه سبحان الله ما افضلها الا في حالة الصيني والفوتيشيني فقط.. س13.. اول طبخه طبختيها ؟؟ مكرونه صينيه بالدجاج والخضار س14..كم مره احترقت الطبخه معاك ؟؟ بصراحه اكثر شي يحترق معي الشوربات وخصوصا برمضان لاني مع حوسة المطبخ انسى اوطي عنها النار س15.. اول كتاب طبخ اعتمدتي عليه ؟؟ كتاب قديم كنت ماخذته من بنت عمي وهو عباره عن طبخات مجمعينها المدرسات اللي معها وحاطينها بكتاب واحد صراحه كان حلو س16..مين قدوتك بالمطبخ ؟؟ الله لا يخليني منها ويحرم ايدينها عن النار ست الحبااااايب امي الحبيبه.. الى درجة ان طبخي صار يشبه طبخها... اذكر مره برمضان كنت عازمه ابوي يفطر عندي وكنت مسويه له لقيمات وشوربة كويكر وسمبوسه ومكرونه وقلت له يبه وش رايك بطبخي قال والله وانا ابوك كني جالس افطر في بيتي ما احس انه تغير علي شي بالظبط كنه طبخ امك قلت احلف يبه.. بصراحه مرررره انبسطت.. س17.. تحبي احد يساعدك بالطبخه ؟؟ بصراحه احب شغالتي تجهز لي وانا اطبخ س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟ على حسب اذا كانت ماتنفع ابد استخلف الله فيها س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ رررائعه تقارب بين العضوات اكثر واكثر س20 مـــيـــن ترشحى بعدك او ممكن تختاري اللي بعدك .. ارشح اختي الحبيبه غلا بنت خالد س 21 من اي دوله انتي ؟؟ من السعوديه س 22 وماهي الاطباق الشعبيه المشهوره في بلدك ؟؟؟ المرقوق والجريش والهريس تقريبا هذي اشهر ثلاثه اعرفها س 23وماهو الطبق الشعبي الذي ما زلتي تطبخينه وتحبينه ؟؟؟ بصراحه ما اطبخ الشعبي اكثر شي الاكلات الحديثه س 24 اكتبى لنا طبق مفضل من اختيارك ... او من مواضيعك فضلا ؟ اعتز كثير بصينية س 25 متى كان دخولك لعالم حواء وكيف تعرفتي على المنتدى ؟ كان دخولي العام بس من زماااااان اعرف عالم حواء واحبه واتابعه وتعرفت عليه بالصدفه وانا اتصفح س 26 ماهو الجهاز اللي ماتقدري تستغنين عنه في المطبخ... الخلاط الكهربائي وعلى المستوى الشخصي اللااااااااااااااب توب س 27 ماهو الجهاز اللي تتمنين يكون عندك؟ براون ملتي كويك س 28عضوه تعجبك طبخاتها او طريقه تقديمها؟؟؟ يعجبني طبخ كريكره وتقديم رشــــــ عطر ـــــة س 29 مانوع الكاميرا اللي تصورين بها طبخاتك؟؟ كاميرا جوالي نوكيا 78 ان

اول شي السلام عليكم ورحمة الله وبركاته.. ثاني شي اشكر فنوووون نجد من كل قلبي على...