نجمة الرفاع :

السلام عليكم ورحمة الله وبركاته وصباح الخير للجميع صار لي فترة مادخلت هالموضوع وطافتني كم مقابلة يعني راح وقت الأسئلة =============== المهم فنون نجد الحوار معاكِ بسيط وممتع فرحت كثير بالتعرف عليكِ عن قرب وماشاءالله تبارك الرحمن أطباقك حلوة والمقلوبة بحوارك تهبل أما سالفة التكسير سالفة ههههههه بس الحمدلله أن العزومة عدت على خير على فكرة أمس جربت كيكة الجبن وطلعت جداً متماكسة وطرية حشيتها كريمة وصوص كاكاو وللأسف نسيت أصورها لأني كنت مستعجلة باخذها معاي لزيارة وجربت بعد المعكرونة المحشية كلمة روعه قليلة في حقها عجبتني وعجبت زوجي ودعيت لك من كل قلبي وإن شاءالله بنزل الصورة ديم الغيم الله يعيطكِ العافية على هذا الحوار الحلو والله يخلي لك زوجك وبناتك طلعتي مثلي تحبين الأكل الصيني ، لو يعطوني اياه ثلاث وجبات باليوم ماقول لاا :o وبصراحة ماعرفك معرفة شخصية بس حبيتك من تواجدك بالمنتدى وأطباقك المتنوعة ماشاءالله عليكِ وتفاجأت كثير بموضوعك أنك راح تتوقفين عن المشاركة ويشهد الله دخلت كم مرة أقرأ كلامك بس أعجز عن الرد وأطلع أتمنى تكون فترة من الوقت وتعدي تحياتي لك غلا بنت خالد تصدقين أنا من أقرأ مواضيعك وأشوف طريقة أسلوبك بالكلام أقول هاذي وحدة صغيرونه وحبوبه الصراحة تعطين جو حلو لمواضيعك ولازم ترسمين البسمة على وجه قارىء مواضيعك الله يسعدك يارب ويرزقك بالزوج الصالح ضحكت كثير على الحلى إذا اخترب تحاولي تصلحينه بس ماتاكلينه تعطينه البزران الله يقطع سوالفك :biggrin2: سعدت بالتعرف عليكِ الحوار معاكِ ممتع المفروض مايخلص

السلام عليكم ورحمة الله وبركاته وصباح الخير للجميع صار لي فترة مادخلت هالموضوع وطافتني كم...

عروق نجد :

السلام عليكم اخواتي اشكر حبيبتي ام سومه على اختيارها لي الحمدلله اللذي بنعمته تتم الصالحات بسم الله نبدأ س1..عرفينا عن نفسك وخاصه في الطبخ ؟ انا ام لبنتين الله يصلحهم ويخليهم لي وادعوا الله يرزقني باخوا لهم ان شاء الله احب الطبخ كثيييير والحمدلله س2..وجبتك المفضله؟ والله على حسب بس غالبا فوتو شيني اموووت فيه س3..طبق تحبين تسوينه كثير؟ ورق العنب وكل اهلي يحبونه س4..متى تعلمتي الطبخ؟ ههههههه من وانا صغيره عمري خمس سنوات وانا اراقب امي وهي تطبخ واقول في نفسي الى كبرت بسوي مثل امي وخاصه اللقيمات كنت اتمنى اسويها اول طبخه طبختها امي تقول مكرونه سويتها وانا في ثاني ابتدائي بس ما اذكرها امي تذكرها س5..موقف طريف صار معاك في المطبخ ؟ اذكر مره سويت كفته وانا برابع يعني عمري تقريبا تسع او عشر سويتها وامي ماتدري خخخخخخ اسويها وانا خايفه ارررررجف اخاف امي تدخل المطبخ وتهاوشني تقول اطلعي يوم خلصت صفيتها بالصينيه وزينها ووديتها لاخواني وامي ياكلونها وقامت امي تمدحني انا وطبختي واستانسسست وعقبها خلاص صار عادي ادخل المطبخ س6..يعتمد عليك في الطبخ او لا؟ الحمدلله اي س7..سوي طبخه وصوريها لنا؟ ياكثر الطبخات اللي بجوالي هذي وحده ستيك بكريما الفطر س8..نصحيه توجهينها لطباخات عالم حواء ؟ اممممم نصيحه لو ماضبطت معك طبخه لا تحطمين روحك وخلي عندك اصرار انها تضبط وسويها مره واثنين وثلاث الين تضبط معك س 9..هل تستخدمي الميكرو يف؟ اي بتسخين الخبز الرز للعشاء شوربه بس مستحيل اسخن فيه زبده لاني اذكر اول ماشرينا المكرويف عند اهلي قبل اتزوج حطيت زبده وتفقعت في ارجاء المكرويييف واعدمت الدنيا س 10..ما هو رأي أهلك أو زوجك في طبخك ؟ الحمدلله حلو س 11..ماهي نوعية الاواني التي تفضلين ان تطبخي بها؟ والله عادي ما عندي مشكله بالاواني اللي عندي استخدمه القدور عندي معدن والصياني والمقالي تيفال وروعه س12..ماهي الأكلة التي تحبها عائلتك وأنتي لا تحبيها ؟ الكبسه :06: س13.. اول طبخه طبختيها ؟؟ مكرونه وكفته لحم بالبقدونس س14..كم مره احترقت الطبخه معاك ؟؟ قبل لا اتزوج دايم تحترق الفطاير لاني اعتمد على اخواتي ولا يشوفونها س15.. اول كتاب طبخ اعتمدتي عليه ؟؟ كتاب رابحه س16..مين قدوتك بالمطبخ ؟؟ امي الله يحفظها ويطول بعمرها س17.. تحبي احد يساعدك بالطبخه ؟؟ والله عصب مو بيدي الحين بنتي دايم لالاصقه في الى بغيت اطبخ <<<<على امها :o س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟ الى صارت تمشي الحال كلتها انا وبناتي اما اذا صارت ماتوكل احطها للدجاج س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ صراحه فكره رووووووووووعه ماشاء الله س20 مـــيـــن ترشحى بعدك او ممكن تختاري اللي بعدك .. ^^مشاعل السعوديه^^ س 21 من اي دوله انتي ؟؟ من السعوديه,,,,,الرياض,,,,بس الاصل من قريه تبعد عن الرياض ساعه كامله,,,,يعني بنجد :32: س 22 وماهي الاطباق الشعبيه المشهوره في بلدك ؟؟؟ الجريش...المرقوق...المطازيز.....مراصيع... س 23وماهو الطبق الشعبي الذي ما زلتي تطبخينه وتحبينه ؟؟؟ مرقوق...جريش..بس زوجي مايحبها س 24 اكتبى لنا طبق مفضل من اختيارك ... او من مواضيعك فضلا ؟ والله من زمان ما نزلت اطباق ساخنه وكل اللي حطيتهن قبل راحت الصور بس هالموضوع اخر موضع حطيته http://forum.hawaaworld.com/showthread.php?t=1451297 مكدوس الباذنجان س 25 متى كان دخولك لعالم حواء وكيف تعرفتي على المنتدى ؟ عام 2002 وكنت اعرفه قبل عام 1999 بس ماكان عندي نت متوفر دايم وسجلت قبل كذا بس راح اسمي س 26 ماهو الجهاز اللي ماتقدري تستغنين عنه غلايه الماء الكهربائيه س 27 ماهو الجهاز اللي تتمنين يكون عندك؟ عندي تقريبا اغلب الاجهزه الا العجانه مدري احسها غاليه ومو مستعمتها دايم واللي اتمناه مالتي كوين 6 في 1 س 28عضوه تعجبك طبخاتها او طريقه تقديمها؟؟؟ والله كثييير عزيزه زيتونه نزف المحاني مليكه القلم وقبل كم سنه ام تامر بس ما عاد اشوفها س 29 مانوع الكاميرا اللي تصورين بها طبخاتك؟؟ كميره جوالي :hahaha: الحمدلله خلصت الاسئله اللي عنده اساله اتفضلوا حياكم

السلام عليكم اخواتي اشكر حبيبتي ام سومه على اختيارها لي الحمدلله اللذي بنعمته تتم...