^^مشاعل السعوديه^^ :

بسم الله الرحمن الرحيم .. اشكر الاخت عروق نجد على اختيارها لي ويلا نبدأ س1..عرفينا عن نفسك وخاصه في الطبخ ؟ انا سعوديه..جامعيه..ربة بيت..زوجه..ولسه ماصرت أم الله يتمم لي على خير.. وهاويه للطبخ ..بس لما أكون مروقه لأني مزاجيه س2..وجبتك المفضله؟ بطاطس بجميع انواعه اي شي فيه بطاطس س3..طبق تحبين تسوينه كثير؟ البطاطس المشويه والسينابون س4..متى تعلمتي الطبخ؟ من زمااااااااان مااتذكر متى بالضبط لكن اتذكر من يوم كنت بالابتدائي وانا احوس بمطبخ اهلي ومطبخ مرت خالي الله يجزاها كل خير على صبرها على حواقنا وبربستنا انا وبنتها طول الليل س5..موقف طريف صار معاك في المطبخ ؟ اتذكر عيد الفطر الماضي كان علي نوع من الحلى وهو كيكة الاناناس ورحت لأهلي عشان اسويه وكنت ذيك الفتره اتوحم وتعبانه فتبرعت اختي وبنت اخوي انهم يسوونه بإشراف مني وانا جبت لهم المقادير من ضمن المقادير كيكة بيتي كروكر الجاهز علبه وحده لكل صينيه انا جبت لهم علبتين عشان نسوي صينيتين واصلا كانت العلبتين ملزقه ببعض كان عرض خاص وقلت لهم سووا الكيكه مثل ماهو مكتوب ودخلوها الفرن وبعدين نكمل سوا جيت لقيت الكيكه في الفرن طااااااااااااافحه مسكينه والله مثل البركان الفرن امتلى من خليط الكيك قلت لهم انتم وش سويتوا بالضبط واكتشفت انهم حاطين كل العلبتين بصينيه وحده ... يالهووووووي بس عدت على خير يوم طلعتها من الفرن جبت سكين وقعدت اقطع واواسي شكلها المسكينه قلت حسافه الكيك اللي راح و انا ناويه اسوي صينيتين ماطلعنا الا بصينيه لكن طلعت تهبل ومابقى منها قطعه مع انها كاااااانت مرتففففعه مررررره واخذوا لهم علقه المساعدات الفاشلات س6..يعتمد عليك في الطبخ او لا؟ ايه ولله الحمد س7..سوي طبخه وصوريها لنا؟ والله بجهازي صورة غدانا في احد الايام الا وهو المطازيز س8..نصحيه توجهينها لطباخات عالم حواء ؟ والله حابه اقول نصيحه للمبتدأت الوحده لاتتوقع انها بيوم وليله بتعرف تطبخ لا مع الوقت تبدأ تقدر المقادير بعينها وتعرف تحكم على الطعم والملح وخلافه فلا تيأسوا .. س 9..هل تستخدمي الميكرو يف؟ في التسخين في اضيق الحدود س 10..ما هو رأي أهلك أو زوجك في طبخك ؟ الحمدلله يعجبهم س 11..ماهي نوعية الاواني التي تفضلين ان تطبخي بها؟ البايركس والستيل واكررررره التيفال .. س12..ماهي الأكلة التي تحبها عائلتك وأنتي لا تحبيها ؟ زوجي يحب الكسكسي المغربي واسويه واضبطه لكن مااحب اكله الا مضطره س13.. اول طبخه طبختيها ؟؟ والله مااتذكر لكن اغلبها كان حلى وكيك وكذا يعني .. س14..كم مره احترقت الطبخه معاك ؟؟ والله يعني اغلب شي يحترق اللي بالفرن خصوصا اذا حطيته بالفرن الكهربائي انا عندي فرن غاز وفرن كهرباء الكهربائي اريح لكن يبيله متابعه ولاتروح الطبخه وطييييي اغلب شي احرقه الكيك والكوكيز اذا غفلت عنه لثواني مو حرق حرق يعني يتحمر زياده شوي << قولي محروق وخلاص س15.. اول كتاب طبخ اعتمدتي عليه ؟؟ كتاب رابحه حافظ والى الان مازال عندي من اجمل الكتب واروعها س16..مين قدوتك بالمطبخ ؟؟ امي الله يحفظها س17.. تحبي احد يساعدك بالطبخه ؟؟ لا واكره احد يدخل المطبخ وانا اطبخ الا اذا تقطيع بصل وثوم س18.. اذا خربتعليك الطبخه ايش تسوين ؟؟ ترميها ولا تضطري تاكليها؟؟ والله على حسب الخراب اذا كان يترقع ارقعه مع اني مااذكر اني قد رميت طبخه الحمدلله انا اغلب خراب اكلي انه يحترق فأحك الجزء المحروق واسوي له عملية ترميم وياكلونه غصب عنهم س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ والله فكره حلوه لكن للأسف اني توني ادري عنها ماادري ويني عن الموضوع وتفاجأت يوم ارسلت لي الاخت عروق نجد س20 مـــيـــن ترشحى بعدك او ممكن تختاري اللي بعدك؟ والله ماشاء الله اغلب اللي كنت ابختارهم القاهم سبق ان تم اختيارهم بس ارشح الأخت لي لي س 21 من اي دوله انتي ؟؟ سيريلانكا ..لا طبعا واضح من اسمي اني سعوديه ومن نجد س 22وماهي الاطباق الشعبيه المشهوره في بلدك ؟؟؟ المراصيع.. المطازيز..المصابيب..المرقوق..الهريس..الجريش..القرصان س 23وماهو الطبق الشعبي الذي ما زلتي تطبخينه وتحبينه ؟؟ ؟المصابيب والمطازيز واحب الهريس بس مااسويه س 24 اكتبى لنا طبق مفضل من اختيارك ... او من مواضيعك فضلا ؟ والله هذا حلى الكاسات اللي كتبته في المنتدى لكن سويته بأواني الفخار عشان يطلع شكله زي النبته معليش دوروا بملفي الشخصي و تلقون طريقته >>> عجااااااازه عذرا ترا التصوير بجوالي س 25 متى كان دخولك لعالم حواء وكيف تعرفتي على المنتدى؟ والله تعرفت عليه من تقريبا عام 2002 من قريبتي لكن كنت اكتفي بالمتابعه وسجلت عام 2004 عشان اشارك بالطبخ س 26 ماهو الجهاز اللي ماتقدري تستغنين عنه؟ عجانة كينوود س 27 ماهو الجهاز اللي تتمنين يكون عندك؟ ودي بغسالة مواعين س 28عضوه تعجبك طبخاتها او طريقه تقديمها؟؟؟ الصبار وبسر برحي س 29مانوع الكاميرا اللي تصورين بها طبخاتك؟؟ كاميرا كانون وشكرررررا لصبركم وحسن استماعكم ..

بسم الله الرحمن الرحيم .. اشكر الاخت عروق نجد على اختيارها لي ويلا...

زهرة النوير :

يا حيا الله الغاليه مشاعل السعوديه ... هذي الساعه المباركه اللي تعرفنا فيها على أخت عزيزه من القدامى الصامدين في عالم حواء! ولو انك تأخرتي علينا بس مسموحه عرفنا عذرج انه محد قال لج انه الدور عليج .. اعتقد الاخت عروق نجد مو متواجده هالايام والا راح نحاسبها !! أول سؤال دايما يجي على بالي كلما أتذكرك لأن وصفاتج اللذيذه كاتبتها في دفتر الطبخ مع اسمج هو : ما سب ابتعادج عن الطبخ ..ووين طبخاتج ؟؟ ما أنسى أحلى بسبوسه تمر أكلتها بطريقتج اللي كانت مرت خالج على ما اعتقد تسويها لج على طول وبعدين علمتج الطريقه علشان تسوينها بروحج ! كان رووعه وكلما أحد أكلها على طول يبي الطريقه ..جزاج الله كل خير يالغاليه نبيج تردين مثل قبل وأكثر ..أنا شخصيا حبيت وصفاتج اللي كتبتيها من زمان لما كان مزاجج رايق ! موقفك مع أختج وبنت أخوج رووووعه ما راح ينسونه طول عمرهم .. ذكرتيني بصديقه لنا كان عندنا طريقه حلو بالبسكوت من مقاديره ( 30 أو 20 حبه بسكوت ) مطحون الحبيبه جات ثاني يوم تقول لنا ان البسكوت طلع وايد ما عرفت تكمل الطريقه حتى انها ما كفى ماعون الخلط استخدمت طشت الغسيل :hahaha: بدلا من 30 حبه حطت .3 باكيت !!

يا حيا الله الغاليه مشاعل السعوديه ... هذي الساعه المباركه اللي تعرفنا فيها على أخت عزيزه من...