tawasul :

عدت لك يازهرة النوير أن شاء الله تكوني لسى موجودة وأول أسألتي لكِ ياغلا :) أسمك حلو وايد وش سبب التسمية .... وهو فية زهرة اسمها كدة طيب ممكن صورتها ؟:) هل شاركتي بمسابقة عالم حواء للطبخ وهل فزتي وش مركزك >>>أدري لقافة بس اتحمليني ؟:22: وش أكتر شيء يضايقك :09: في عالم حواء بصراحة وش أكتر شي يسرك ؟ وهل انت مشاركة في منتدى اخر غير حوااااااء ؟ لو صاار لك هذا الموقف كنتِ تعملي الغداء وخلص عليك الغاااز والطبخة في الفرن وش شعورك >>> اليوم صارة معي :09:كدا وعصبني أممممممممممممممممممم بس مابالي شي الان >>>> أصلا خليتي شئ :22: دمتي بحفظ الرحمن ورعاايتة :26:

عدت لك يازهرة النوير أن شاء الله تكوني لسى موجودة وأول أسألتي لكِ ياغلا :) أسمك حلو وايد وش سبب...

زهرة النوير :

اختي توسل ..شاكره لك اهتمامك وتواصلك يالغاليه و تسمح لي ام عزيزان اجاوب لان من اليوم المفروض دورها .. 1- زهره النوير من الازهار الربيعيه تطلع بالكويت بالربيع .. تفضلي صوره لها وهذا رابط لموضوع حطيته عنها http://forum.hawaaworld.com/showthread.php?t=1171966 2- شاركت بالمسابقه والحمد لله كنت من الفائزات باحد المراكز العشرين الاولى ..ولله الفضل والمنه . هالله هالله لا تنسين تشترين الكتاب !! 3- اللي يضايقني في منتدى عالم حواء ..اشياء صغيره ومرات وايد اقول اني خلاص ما راح اكمل بالمنتدى ..بس بصراحه ما اقدر اخلي عالم حواء ..المشكله عندي ولاء له .اول منتدى شاركت فيه وعزيز علي اني افارقه .. اللي يسعدني بالمنتدى عضواته الحبيبات مثلك وشرواك ...ومشرفاته الغاليات ..فديتهم .. 4- سجلت في كم منتدى بس ما واصلت معاهم لسببين : الاول :ما عندي وقت ..واذا كان عندي وقت فاضي اخليه لعالم حواء لاني مقصره مع اخواتي أدري ..ما اقدر ارد على مواضيعي ومواضيع البنات على طول ..بسبب ظروفي .. الثاني : اذا حبيت احط اي طريقه وصفه افضل احطها لكم هنا عن اي منتدى ثاني .. وللاسف اكتشفت انه فيه بعض منتديات فيه مشتركات باسم زهرة النوير ...ترى مو انا ...اللي شاركت فيهم منتديات من الكويت وحده باسمي ووحده باسم النوير .. ومالي مشاركات وايده .. 5- اذا خلص الغاز والله مشكله بس ..انا ما صارت معاي ..لان عندي احتياط على طول . كلما يخلص واحد على طول نبدله ونجيب غاز جديد .. انصحك تسوين مثلي ..حرام تخرب الطبخه علشان الغاز .. تدرين صج عندي غاز اضافي ..بس اذا كنت حاطه كيكه بالفرن وخلص الغاز ..للاسف تخترب على ما نحط غاز ثاني يكون الفرن برد وما تنتفخ الكيكه خصوصا اذا كنت توك حاطتها .. والف الف شكر لك على اسئلتك الحلوه ..

اختي توسل ..شاكره لك اهتمامك وتواصلك يالغاليه و تسمح لي ام عزيزان اجاوب لان من اليوم المفروض...