دوحة القران :

ماكو اسامي :

غاليتي ام عزوز لا مو حلو كيك وكب كيك حلو بس نوعين لاني ما ثبت المنيو وان شاء الله بسوي كتالوج للحلويات اللي ابيعها وبس شهر بالكثير ببعث لك التلفون لان السواق اللي متعاقده معاه يوصل الطلبات مسافر عطلته وبيرد بعد شهر ولو لك طلب خاص علميني عالخاص وتامرين يالطيبه والشكر لج على ترشيحك وتكريمي بهالموضوع فدود67 الله يذكرك بالشهاده زين لقيت احد يعرفها عندي لها شريطين فيديو ووصفاتها كانت سباقه الله يمسيها بالخير وين ما تكون اصيله يا فدوده A>K>R انا اللي تشرفت بمعرفتج وتحمسك لمواضيعي من طيبك يا اختي الله يسعدك وين تكونين وما تروحين أم البكيراويين يحييج ويغليج دايما جابره بخاطري الله يوفقك وما شاء الله عليك ما عليك قصور يالطيبه وانتي براحتك يا غاليه *المسافرة* الشرف لي يا اختي والاحلى طلتك العطره والله يقويج ويعطيج الصحه والعافيه على جهودك الطيبه وسامحيني على اللقافه بالموضوع ما صدقت اختي ام عزوز راسلتني والشعار لطشته وحده مو مصدقه عمرها ههههههههههههههههههههههه سلمت لنا ولكل احبابك زهرة النوير الله يبارك لج في عافيتج ودنيتج يارب دايما مخجلتني بذوقك واخلاقك العاليه الله يسعدج وما يسد بوجهك باب - الاطباق اللي تسوينها ما شاء الله دايما متجدده ..هل هي من اختراعك ..؟ الحمدالله كلها من راسي او فكره شفتها ولعبت فيها وانا متابعه جيده لمواقع الحلويات الاجنبيه وعندهم افكار تسطل واجرب وايد شغلات الى ان اعتمد طريقه 2- ليش ما فكرتي تسوين كتاب طبخ ..انا بصراحه ما اشوفك اقل من عبير الراشد مثلا .. صج اطباقها مبتكره تبارك الرحمن ..لكن انت والله كل اطباقك رووعه ..يا ليت تفكرين بالموضوع .. حتى لو ما تحطين اسمك الصريح .. تبين الصج كنت فكرت قبل بهالفكره بس بصراحه قولي عني ساذجه الدعوه الطيبه عندي افضل مليون مره من اجر كتاب وبما اني اخطط مشروع كافيه فيه شغلات احتفظ فيها لنفسي وخصوصا لو تكون صعبه شوي وصرت اميز بين الطبق اللي انزله للمنتدى والطبق اللي يبقى ومنو فينا ما يترجى دعوه طيبه من الغير بالعكس احسه باب من ابواب تالرزق والاجر لو نفعت غيري 3- شنو هوايتك غير الطبخ ؟؟ يعني بما انك ما تشتغلين ..اشلون تقضين يومك ؟؟ سؤال اختياري لك حريه الرد او الحذف !! انا ارسم واشتغل كوروشيه واسوي شغل ديكور بالبيت و اي شي يبدي يقشر اروح اصبغه هههههههه الحين ما عندي شغل بسبب ما عندي سايق بس غالبا يكون عندي طلبات كيك وعندي هوايه عجيبه ابحث عن ادعيه دينيه من النت دعاء كرب دعاء رزق وساعات ادعيه الرقيه اللي تستجد واطبعها واغلفها واوزعها على الجيران من تحت الباب هههههه وما يدرون انها مني وممكن القى احد واعطيه بدون ما اعرفهم 4- نفس السؤال سألته لام عزيزان ... شنو محل الحلويات المفضل اللي تحبين تتعاملين معاه ؟؟ صج سؤال سخيف اكيد ما اعتقد انك تشترين حلو من بره ..بس اي محل يعجبك شغله اكثر شيء ... بالعكس سؤالك مو سخيف احنا بالبيت اسوي كل الحلويات بس مو دايما اكون بمزاج اسوي كم صنف لو فيه مناسبه او ضيوف شوفي حلو عندك اوبرا اللي بالصالحيه وكاكاو عنده حلو بعد وايضا كاكاو جنيفا بجمعية النزهه معجنات وساندويتشات وساعات حلو تقديم المخبز الدانماركي باليرموك ايضا امبريس بحولي زوين لو ابي شي قريب الخباز عنده حلو مانجه بارد ممتاز وكيكة كاكاو قمه روعه ولو تبين كيك راقي بعد لورينزو فيه بالشاميه بالمول بس انه غالي بس عنده تشيز كيك توت قمه وتشيز كيك كاكاو رائع وتشيز كيك اوريو بالسنكرز ولو معجنات شاميه فيه مخبز الجولان في حولي عنده الذ صفيحه لحم نوع بدبس الرمان ونوع بالطماطم بس ما يوصل الا ب 7 دنانير وفوق هذا اللي في بالي الحين 5-اشرايج بدورات الاخت منال العالم ..استفدتي منها ؟؟ ماشاء الله عليها مبدعه ولا انكر فضلها تعلمت منها كثير اشياء واساسيات حتى لو ما ضبطت الوصفه الفكره بروحها تكفيني واحسها مثلي تحب تجدد بالوصفات وتجرب وكثير اخذت منها افكار واشتغلت عليها ونفعتني الله يحميها ويوفقها من لا يشكر الناس لا يشكر الله حتى انتو يا مبدعات الطبخ استفدت منكم في اسامي كثير اتابعها لو ما شاركت بالموضوع بس والله الطريقه تنحفظ وتدخل التجربه الله يوفقكم ومشكوره لاختيارك الغاليه ام البكيراويين ..والله احبها هالانسانه الخلوقه ..الله يحفظها ..وهذي الساعه المباركه اللي تشرفنا بمعرفتج صدقتي يا غاليه خلوقه جدا الله يوفقها وساعه ابرك لما شرفتيني باسالتك ووقتك بارك الله فيج :eh_s(8): جزاكم الله كل خير يا غاليات وشرفتوني بتواصلكم وطيبكم والله يشافي لكم كل مرضاكم وعساكم ما تشوفون الهم والفرح ما يفارق قلوبكم ويعطيكم من اوسع ابوابه ويرحمكم برحمته

غاليتي ام عزوز لا مو حلو كيك وكب كيك حلو بس نوعين لاني ما ثبت المنيو وان شاء الله بسوي...