ام رزان21 :

س1..عرفينا عن نفسك وخاصه في الطبخ ؟ ام ميشو عندي ولد واحد لاعندي بنوته ولاشي نك بس سجلت فتره كنت اتمنى بنوته ادرس بالكليه وعن نفسي الحمدالله اتمنى الخير للكل مااحب لاحسد ولاغيره ولاحقد والي يحب يستفز والا يرمي الكلام الحمدالله شخصيتي خلال السنوات الي راحت كل مالها تتغير تزيد قوتي في صدمات الناس وكلامهم ....بجد اشكرهم من كل قلبي غيروا شخصيتي اكره الغرور والاستهزاء والتشمت بالغير الوحده اذا سخونه قالوا ذنبها والنيه السيئه وش قصدها يحطوون عليك كلام وحركات وانتي نيتك سليمه الله يشفيهم ولايبلانا فيما بلاهم فيه و وفي ناس يحطون انفسهم شعب الله المختار يعني اكــــــــــره العنصريه با انواعها ومن كل الاطراف واشكالها والله ولا المشكله كلمها تكبر العنصريه بجد حتى صديقاااتي الغاليات يحاااولون يفرقون بينا علشان كيذا وفي الطبخ احب الطبخ وانا صغيره بس كنت احب الحلا كثير والله ومطنشه الاكلات الدسمه حتى امي تخانقني تقوول تعلمي بكره بتغدين وتعشين زوجك حلا ههههه والحمدالله تعلمت الاكلات الدسمه خلال الاربع سنوات من زواجي .... الله يعين زوجي على التجارب س2..وجبتك المفضله؟ السنتدوتشات وانواع الكبسات احب التنويع س3..طبق تحبين تسوينه كثير؟ السنتدوتشات وبرمجني زوجي على الكبسات بااانواعها س4..متى تعلمتي الطبخ؟ بعد ماتزوجت اختي وانا في سادس ابتدائي وزوجه خالي اختها كانت مالفه كتاب طبخ وجابت هديه لاامي كتاب والله يجزاها خير من بعده حبينا الطبخ اكثر واكثر س5..موقف طريف صار معاك في المطبخ ؟ قصدكم مواقف ,,,,, بس لاتعلقوني علي فيها اتذكر زمان وانا في ثاني متوسط قالي اخوي سوي قهوه وكانت امي مو موجوده ومالقيت قهوه مطحونه واروح واسوي سنعه قلت بااطحن القهوه وليت انطقيت وقلت مافي قهوه النتيجه خربت طاحونه القهوه ولا طحنت قهوه حب مو محموسه خضراء نيه ولا تجيني اختي الملقوفه تقوول عادي حطي كثير وتطلع زينه ودخل اخوي وانا وخشتي اعلمه بالسالفه يناظر القهوه والمويه خضراء ههههه ولا طلعت امي حامسه قهوه وطاحنتها وحاطتها في علبه نيدو اتذكر تحمست مايجيني الحماس الا اذا راحت امي السوق وقلت بسوي تبوله ومافيه الاشويه بقدونس واحط حزمه نعناع خخخخ س6..يعتمد عليك في الطبخ او لا؟ الحمدالله يعتمد علي س7..سوي طبخه وصوريها لنا؟ من عيوني بس بعد الاختبارات هههههه ان شاء الله س8..نصحيه توجهينها لطباخات عالم حواء ؟ ذكر الله في المطبخ وماتتحطمون من الفشل في الطبخه وتكرار الطبخه والتكرار يعلم الشطار....على قووله دكتورتنا المصريه ياحبيلها س 9..هل تستخدمي الميكرو يف؟ في تسخين السنتدوتشات والرز احيانا س 10..ما هو رأي أهلك أو زوجك في طبخك ؟ الحمدالله الكل يمدح في طبخي س 11..ماهي نوعية الاواني التي تفضلين ان تطبخي بها؟ التيفال واتمنى اجرب الفخار س12..ماهي الأكلة التي تحبها عائلتك وأنتي لا تحبيها ؟ يحبون اللحوم متوحشين ههههه وانا نباتيه احب السلطات كثير ويحب القرص والحنيني وانا مااحبها وانا احب المرقوق والجريش ومايحبونها عكس بعض دائم س13.. اول طبخه طبختيها ؟؟ اتذكر كفته س14..كم مره احترقت الطبخه معاك ؟؟ ليش الاحراج ......... كثير ماانتبه الا الريحه طالعه س15.. اول كتاب طبخ اعتمدتي عليه ؟؟ كتاب ام فهد السليمي الله يجزاها خير وهاذي صوره قديم قبل 13 سنه مافيه ا حد مااستعاره منا جيرانا وقرايبنا واحب اسال واجرب اخذ واعطي والحين حبيب الملاين عالم حواء اعتمدت عليه س16..مين قدوتك بالمطبخ ؟؟ امي واختي س17.. تحبي احد يساعدك بالطبخه ؟؟ ايه بالتجهيز بس وتسبيع المواعين هههههه س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟ احاااول اعدل واذا مانفع التعديل الله يخليلنا .....غنيمات الجيران اجمع الاكل بالفريز الزائد وبعد كم يوم يروح زوجي بالسياره ويحطه لهم والا الشغاله اذا مو فاضي س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ حلوووه قربتنا من بعض وعرفتنا على بعض اكثر واكثر س20 مـــيـــن ترشحى بعدك او ممكن تختاري اللي بعدك .. قريبتي الغاليه حنين الفهد...اسالها واردك لكم اذا ظروفها تسمح تشاركنا ومن زمان ودي تشارك رشحتها قبل كيذا س 21 من اي دوله انتي ؟؟ السعوديه القصيم س 22 وماهي الاطباق الشعبيه المشهوره في بلدك ؟؟؟ الرقم على عمري المرقوق والجريش القرصالمفروك س 23وماهو الطبق الشعبي الذي ما زلتي تطبخينه وتحبينه ؟؟؟ خبز الصاج س 24 اكتبى لنا طبق مفضل من اختيارك ... او من مواضيعك فضلا ؟ سندوتشات لوزين والسنتدوتشات المكسكيه .....حياكم على ملفي الشخصي فيه طبخاتي س 25 متى كان دخولك لعالم حواء وكيف تعرفتي على المنتدى ؟ كنت ادخل فيه تصفح وسمعت المدح فيه وسجلت س 26 ماهو الجهاز اللي ماتقدري تستغنين عنه المكيف لو يخرب مااقدر اسوي شي ,,,,,, مع هالحر يااربي رحمتك جهاز مولينكس لتقطيع البصل س 27 ماهو الجهاز اللي تتمنين يكون عندك؟ الفرامه الشوايه لو بيدي كل يوم اشري جهاااااز ههههه س 28عضوه تعجبك طبخاتها او طريقه تقديمها؟؟؟ ماشاء الله كل وحده احلى من الثانيه وكل وحده لها شي مميز فيها س 29 مانوع الكاميرا اللي تصورين بها طبخاتك؟؟ جوالي وشريت كامير سوني وبعدين رجعت لجوالي وبرجع لها هههههه وبالاخير اشكر الغاليه ام علاء والله يدووم عليها الصحه والعافيه اتمنى اني اكون ضيفه خفيفه عليكم واعذروني على الاجابات المستعجله عندي ظرووف واي سوال انا حاضره

س1..عرفينا عن نفسك وخاصه في الطبخ ؟ ام ميشو عندي ولد واحد لاعندي بنوته ولاشي نك بس...

حنين الفهد :

والاسئله الموجهه لضيفتنا الفاضله: س1..عرفينا عن نفسك وخاصه في الطبخ ؟ ام لثلاثه اطفال ربه منزل بيتوتيه من الدرجه الاولى احب الطبخ بس ماعندى احد يشجعنى وخاصه ان زوجى واولادى من النوع اللى اخر اهتمام هم الاكل س2..وجبتك المفضله؟ الكبه والحمص اموووووت فيهم س3..طبق تحبين تسوينه كثير؟ المقلقل باللحم واليوم هو غدانا س4..متى تعلمتي الطبخ؟ من سنه رابع ابتدائى وانا اطبخ لاهلى س5..موقف طريف صار معاك في المطبخ ؟ كثيييير عدى واغلطى جاء عند ابوى ضيوف وامى واختى ماكانو موجودين فسويت قهوه بدون هيل ماكنت اعرف للقهوه س6..يعتمد عليك في الطبخ او لا؟ الحمدلله يعتمد على وبالعزلئم بعد :cook: س7..سوي طبخه وصوريها لنا؟ من عيونى بس اشتري وصله جديد لانى مخزنه طبخات وتجارب بس لسا مع وقف التفيذ س8..نصحيه توجهينها لطباخات عالم حواء ؟ اقول جزاكم الله خير والى الامام دائماااااا وحبيت اذكر لاخواتى البساطه فى التقديم وعدم المبالغه فى الضيافه والحرص على عدم التبذير وجزاكم الله خير س 9..هل تستخدمي الميكرو يف؟ نعم فى التسخسن فقط س 10..ما هو رأي أهلك أو زوجك في طبخك ؟ الحمدلله يعجبهم طبخى كثير س 11..ماهي نوعية الاواني التي تفضلين ان تطبخي بها؟ الاستيل والتيفال س12..ماهي الأكلة التي تحبها عائلتك وأنتي لا تحبيها ؟ كنت ماحب الخضار بس زمان وانا صغيره س13.. اول طبخه طبختيها ؟؟ كبسه يم يم س14..كم مره احترقت الطبخه معاك ؟؟ كثير وخاصه الارز س15.. اول كتاب طبخ اعتمدتي عليه ؟؟ كتاب رابحه حافظ س16..مين قدوتك بالمطبخ ؟؟ امى واخواتى الله يخليهم لى ولا يحرمنى منهم س17.. تحبي احد يساعدك بالطبخه ؟؟ ايييييييه اكيد س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟ اضطر اكلها لانه حتى لو خربت مو لدرجه انى ارميها س 19.. ما رأيك بــ الفكرة لقاء وحـــوار مــع ضيفة شرف عالم حــــواء؟ صراحه هالفكره جدااا رائعه ويبى لى اقعد اقراء فى الجزء الاول لانى مانتبهت لهذا الموضوع الا من الغاليه ام رزان س20 مـــيـــن ترشحى بعدك او ممكن تختاري اللي بعدك .. اممممممممممم ارشح الاخت أحلام وردية 2008نحن بنتظارك يالغلا س 21 من اي دوله انتي ؟؟ السعوديه القصيم وساكنه فى المدينه س 22 وماهي الاطباق الشعبيه المشهوره في بلدك ؟؟؟ اممممممم كثير ماشاء الله طبعا بما انى من القصيم تشتهر فيه بالقرصان والمصايب والمرقوق والحنينى يم يم والكليجا س 23وماهو الطبق الشعبي الذي ما زلتي تطبخينه وتحبينه ؟؟؟ الحنينى اموت عليه والقشد الملكى س 24 اكتبى لنا طبق مفضل من اختيارك ... او من مواضيعك فضلا ؟ س 25 متى كان دخولك لعالم حواء وكيف تعرفتي على المنتدى ؟ من 2003 وانا زائره بس من بدايه 2005سجلت س 26 ماهو الجهاز اللي ماتقدري تستغنين عنه الخلاط الجيك هذا اهم جهاز عندى س 27 ماهو الجهاز اللي تتمنين يكون عندك؟ اتمنى اشتري غساله مواعين ههههه س 28عضوه تعجبك طبخاتها او طريقه تقديمها؟؟؟ صراحه كثيييييير بس افتقد للغاليه (ميك اب ارتست) وتعجبنى هالبنت بكل ماتحمل معانى الاعجاب والتقدير من معنى س 29 مانوع الكاميرا اللي تصورين بها طبخاتك؟؟ جوالى n70 وشكرررررا جزيلا لمشرفتنا الغاليه ام علاء البسها الله لباس الصحه والعافيه ولغاليتى ام رزان ولاخوات القارئات واتمنى انى اكون وفقت بالاجابه . .

والاسئله الموجهه لضيفتنا الفاضله: س1..عرفينا عن نفسك وخاصه في الطبخ ؟ ام لثلاثه اطفال ربه...

تشوكليت :

مرحبا ام رزان حوارك جميل اسالك ايش الذ واضبط اكله انتي مشهورة فيها وايش احلى اكلة يحبها ابو الشباب ودايم يطلبها منك وكمان ايش افضل سلطة عندك ؟

مرحبا ام رزان حوارك جميل اسالك ايش الذ واضبط اكله انتي مشهورة فيها وايش احلى اكلة يحبها ابو...