ضيفة عندها ضغط و سكر شو اطبخلها؟؟؟

شوفي يا أختي قدمي المشاوي والمسلوق ولا تحطي زيت ولا حلى ولا معجنات مقليه لو تكون في الفرن احسن 

مره زارتنا عمة ابوي لمدة اسبوعين وبقولك ايش الاكلات اللي سوتها امي طول فترة
زيارتها لانها نفس حالة عمة زوجك

-اذكر ان امي مره صلحت لها سمك بس مشوي
-صدر دجاجه سوتها على الشوايه وكان معاها خضار سوتيه يعني مسلوق
-والايدامات كانت تسويها لها بزيت زيتون لانه خفيف
مثلا الكوسا او القرع كانت تسويها بزيت زيتون
-والسلطه كانت تسويها يوميا
-خذي من السوبرماركت زبادي ولبن قليل الدسم
-اهم شي الخبز يكون بر
-الشابوره اللي معها نخاله كانت تغمسها مع الحليب بوقت الفطور
الفواكه كانت امي حريصه انها تاكل كيوي واناناس وموز لأنهم انسب فاكهه
للمرضى
- العصريه كانت تسوي لها رز بحليب

اهم شي ابعدي عن الموالح والمكسرات واللحوم الحمرا
والشاي خليه بدون سكر

اذا تذكرت برجع أعلمك
بالتوفيق يا صديقتي

بسيطة حبيبتي أنا زوجي عنده الضغط وبالنسبة للأكل ياكل عادي كل شيء لكن أخفف ملح كثير ولازم البهارات تكون خفيفة، وأهم شي تبعدي عن القهوة والشيكولاته والمنبهات والغازيات ممكن تقديملها بدل القهوة أعشاب راح تكون ممتازة لها ..

بالنسبة للسكري أم زوجي عندها سكر وأشوفها دائما" تشرب الشاي من غير سكر أو فيه طبعا" سكر الدايت ودائما" تعمل كيكات ومهلبيات بالسكر الرجيم إللي ييجي بعبوات زجاج .. أتمنى أكون أفدتك ..

تسلمون ع الردود 
استفدت منها ان شاء هي جاية ع الغدا
اظني المشاوي فكرة حلوة سمك مشوي و سلطات 
و عيش ابيض و يدام خضار

” أهتفواَ بهآ لـ : ترتآحوا قليلاً . . . لآإله إلاأنتَ ، سبحآنكَ إني ڳنتُ من الظآلمينّ..