صحيح..
وبعدين هي لو تحترم احد او تستحي على الاقل ما تبدي رغباتها على رغبات اصحاب البيت(جدها وجدتها)

تخيلي فتحت هالموضوع اليوم مع امي واختي وقعدوا يشتكوا ويشتكوا...بس امي من النوع الساكت ماتسوي شي ولا تحرك ساكن..لو وحده من حريم اخواني تتلقف بالبيت امي ما تقولها شي الا احنا نرمي بعض الكلام وهم يحترمون نفسهم ..عاد ابوي العكس من امي ما يرضى بالغلط ويرمي بالكلام في وجه الانسان بس بهدوء ولطف مو بعصبيه بالاضافه الى انه هو طيب ومحترم جدا وعنده استعداد للمساعده ايش ما كانت..؟؟
تخيلوا اليوم امي قالت هالكلام كأنها تقول ما احترمت وجودي وسكتت لا كمان قعدت تربطم ..وغير ان اصلا مرت اخوي متصله ونزلت الاخت***وسحبت السماعه من امي وقعدت تكلم بالتلفون قدام امي تقول والله البيت من غيركم ماله طعم تعالوا حتى التلفزيون ما المسه...عجيب والمهاوشات اللي قامت ع التلفزيون هذي شسمها..

الحين بقولك سالفه يامريومه..
تخيلي انها طلعت من البيت من غير ما تستئذن من احد بالصدفه شافها واحد من اخواني وقام يسألها وبعد تحقيق معاها عرف هي وين رايحه ورفضت تقوله ايش سبب روحتها او الغرض..وراحت مع مرت اخوي هذا الكلام الساعه 10 والى الان من تعديل هالرد مارجعت..
في وحده صاحيه تسوي هالسالفه ...وانتي احكمي...

الله يعينك والله حاسه فيك شكلها ترفع الضغط

حاولي انك ماتحتكين فيها كثير الين ماتعدي هالسنين على خير

بالتوفيق

بصراحه الله يعينك عليها
والله هي كبيره مو صغيره عشان تتصرف بالشكل هذا
بس انتي استحملي هانت مابقي شي وانشالله يكون لكي الاجر
والله ماني عارفه ايش اقولك

طنشيها واحقريها لين تتغير من نفسها

كل حاجه تهون عندي إلا اللقافه أكررررررررره اللقافه وأكره الملاقيف
حاولي تعامليها كويس وتصبري عليها وتفهميها الصح من الخطأ وبعدين هي فتره بتجلس وبتروح وبيصير كل حاجه تتكلمي عنها ذكررررررررررررررررررريات
يعني حاولي تعامليها بالحسنى علشان لما تفتكري هذه الأشياء تكون ذكرى حلوه ويكون ضميرك مرتاح

إحنا صار لنا مثلك جو عندنا ضيوف فترة معينه بعدين راحوا
عندهم أولا د الله يهديهم ويصلحهم يحبوا التخريب لازم يحوسوا ويكركبوا البيت
هذا غير الأشياء اللي كسروها وخربوها وامهم اللي يهديها ويتجاوز عنها ساكت لهم ماتكلمهم حتى لو سووا شئ غلط والله لوكانوا في بيتهم ماسووا اللي سواه
لو أقولك بعض اللي سواه كان تحسي إن بنت أختك ماسوت ولا شيء بالنسبة لهم
بس أنا كنت اصبر اصبر اصبر واتحمل وإذا غلطوا نبهتهم بطريقه حلوه ولبقه ودحين سافروا من فترة وكل مااذكر اللي صار احسه ذكرى حلوه لأن ضميري مرتاح راحوا وهم فرحانين لأننا عاملناهم كأنهم مننا وفينا يعني كأنهم أهل البيت