ضيقة الصدر بتذبحني

السلام عليكم ، انا تزوجت قبل سنتين وكنت ساكنة بمدينة تبعد عن اهلنا ٢٥٠ كيلو يعني ساعتين بالسياره كنت مبسوطه ع هالمدينة كنت لا قريبه مره ولا بعيده ، عايشه حياتي ومبسوطه حملت وجبت بنتي وكنت عايشه بسعادة لحد ماجاء نقل لزوجي السنة اللي فاتت بالجنوب واضطريت اقعد ببيت اهلي لين يخلص الترم ويجي بالعطله وطبعا قعدت بدون بيت وانا احب الاستقرار .. قدم زوجي ع النقل وجاله نقل بمحافظة صغيره بالشمال تبعد عن اهلي ٥٠٠ كيلو ، محافظه مااعرف فيها احد ولا اعرف فيها شي ماكنت حابه اروح بس ضغطت ع نفسي خصوصا انه متعلق فينا مره وقلت ماادري يمكن ارتاح نفسيا هناك لكن للاسف لما رحت الوضع صار اسوء اسسوء بنتي بعد ماتعودت ع الناس والرايح والجاي ضيقت بالي بكثر بكاها بالشقة الصغيره المفروشه ومااعرف احد هناك ومافي مولات ولا ملاهي ولا اسواق .. وانا اكتم ضيقتي ومااحاول ابين لزوجي بس صدق ماعاد اقدر اتحمل لما ينام اقعد ابكي بقوه من ضيقة الصدر يوم اصحي الصبح عادي مافيني شي بس اذا جا وقت النوم اشيل هم الضيقة .. حاولت اصحى بدري وانام اول مااحط راسي بس مااقدر ماانام الا الصبح تذبحني الضيقة احس ودي اصررررخ .. استغفر الله يارب حتى بنتي تجيني افكار واقول ليتي ماجبتها والناس وش يبون بالضنا والعيال والخ ... بس ع طول اتعوذ من الشيطان واستغفر هالافكار توها صارت تجيني .. احس كانه مرض نفسي مو طبيعي لانه يجيني فجاة مو طول الوقت
معلومه انا لي شهر اكل حبوب مارفيلون معقوله مأثره ع نفسيتي لهالدرجة ؟!