ضيقة فجأة

السلام عليكم

زي ماهو واضح بالعنوان
انا اعاني من هالشي تجيني فجأة ضيقة و نفور من كل شي و تنسد نفسي من كل شي مدري وش السبب بسم الله علي

مع اني كان فيني مس و سحر و تعالجت منهم و استمعت للرقية والحمدلله ما صرت اتأثر بس هالضيقة لعوزتني تجيني فجأة مثلا كل اسبوع مرة او كل اسبوعين مرة و تتلخبط علاقاتي بالكل و يبين من وجهي تعبانه

اكون طبيعية جدا و مرتاحه نفسيا فجأة تجي و تقلب مزاجي و تخليني انفر من كل شي و ودي ابكي بلا سبب

تتوقعون من مرضي مع المس و السحر لان توي قبل اسبوعين شفيت والحمدلله

و اذكر وحدة قالتلي ان الوحدة لو كان فيها مس و خرج يبغالها فترة بالتدريج تتعود على وضعها و ترجع طبيعية بس انا رجعت طبيعية ولله الحمد بس هالحاله تجيني فجأة بس ماهي قوية الحمدلله و اقرا قران و عادي ما احس بشي بس تنسد نفسي من كل شي و مالي نفس اكلم احد او اسوي شي و عدم اهتمام و لا مبالاه

يصيرلكم هالشي نفس مايصيرلي يعني تنقلبين فجأة و بعد يومين ترجعين عادي طبيعية او تجيك مرة في الشهر

صرت موسوسة ان فيني اكتئاب و يبغالي دواء نفسي

و هل احتاج علاجات نفسية ا وجلسات عالاقل لاني احس يوم تجيني مالي نفس في شي لدرجة اني اغيب و احيانا مالي نفس اقعد مع زوجي وكذا

فساعدوني الله يفرج همومكم ويسعدكم يارب