ضيقة نفس وبكاء شديد

السلام عليكم ورحمة الله وبركاته

حبيت اطرح لكم مشكلتي ولي اسبوع اعاني منها وياليت اعرف وش الحل

من اسبوع كنت بزواج ورحت له وانا متضايقة وماكان لي خاطر فيه
وكانت القاعة على حجمها زحمة بالحيل ومليانة وكنت تقريبا متأقلمة مع الوضع لكن لما بدت الزفة وطفوا كل الأنوار
اصابتني حالة غريبة الله يكفيكم الشر :( صارت معاي كتمة شديدة بالنفس واحس اني بديت اضيع ولا قادرة اركز زين
طلعت من الصالة الداخلية وجلست في المدخل قلت يمكن اخف شوي من الازعاج والزحمة لكن مافيه فايدة اصابتني حالة بكاء شديدة وصرت اقولهم طلعوني
طلعت من القاعة على المستشفى فورا واعطوني اوكسجين وقالي بس ارتاحي مافيه شي
مر اسبوع وانا كل يوم اعاني من كتمة وضيق بالنفس مع بكاء شديد ماني عارفة ايش سببه
البارح فحصت وركبوا لي مغذي بالوريد واكسجين مرة اخرى وقالوا ان عندي نقص بالهيموجلوبين
وقالي ان نسبته 5 والدم 11
ماني عارفة هل فعلا فقر الدم والنقص يسبب كتمة شديدة بالصورة هذي ولا اللي معاي شي نفسي او عين تستدعي القراءة :(

اللي عندها علم بهالأمور او سبق وسمعت بهالحالة هذي ياليت تطمني عشان اعرف العلاج

الله لايصيبكم بمكروه
واتمنى لكم السعادة الدائمة يارب