ضيقه ما قد مرت علي

ملاحظه
انا بنت خاله رايو اعطتني معرفها ما قصرت عشان اطلع اللي فيني


فضفضه 💔💔
المنفسه تطلع لان قسم بالله حالي يرثى لها و مالي خلق
ببدا علطول
ملخبطه و مو عارفه اتكلم
بس ابغى اتكلم و مو عارفه لمين
بطلع شي بصدري
كلامي ملخبط اسفه 💔
انا اهلي ناس شديدين مره
مره مره مره
ابوي ما ما عمره حبني حتى من يوم كنت صغيره ما اذكر حبني
ذكرياتي عنه كلها سوداء و تعور قلبي اذا تذكرتها
نفس الشي امي بس امي لها شوي مواقف وقفت معي فيهم
وناس كثييييييير يتكلمون عن امي انها كانت ما تبغاني لما كنت صغيره
بختصار اهلي كرهوني من صغري
ليش ما ادري
كنت ولا زلت مكروهه على الرغم اني اكثر وحده تدور رضاهم
و اخاف عليهم و احبهم على الرغم من كل شي
ويارب تنتزع محبتهم من قلبي
عمري ما عشت زي باقي البنات و السبب اهلي
لا طلعات لا وناسه
الناس ما اعرفهم ولا اعرف اتعامل معهم
صرت وحيده بسبب هالشي
ودي بالناس بس اخاف منهم ولا اعرف اتعامل معهم
بختصار صرت فاشله اجتماعيا
حتى الدراسه تجي اوقات يهددوني فيها
بالبيت عايشه برعب دائم
الامان صفر
و الانتماء للبيت صفر
ابوي يهاوش و يهدد بالضرب على الصاعده و النازله
و يضرب احيانا على اتفه سبب
ما عندي الحق اني ادافع عن نفسي لو فتحت فمي قال انتي قليله ادب
الجوال ممنوع
التواصل حتى مع صديقات بالاحلام
واذا رضت امي عني تعطيني بالصياح والمنه
هذا مختصر حالتي
المشكله 🛑🛑🛑🛑
قبل فتره كان عندي اختبار
فطبت امي تعطيني لو جوال من جولاتهم القديمه اللي ما يحتاجونها
عشان اذاكر
وافقت امي
اعطتني جوال لها قديم اذاكر فيه و ارجعهه
لما اخذت الجوال و بديت ادخل قروبات مذاكره
كانت اول مره فيها اتعامل مع بشر
انبسطت بصراحهه مع اني كنت ما اسولف الا بنطاق الدراسه
شوي شوي صاروا يدخلون علي خاص
و طبعا عيال
و لما شفت كيف معاملتهم لي انبسطت
معامله محد عاملني فيها من قبل
حسيت اني بشر
حسيت اني انثى
حسين اني مرغوبه
بالبدايه كانت سوالف بس
بعدين صرت ارسل لهم صوري
عشان اسمع المدح منهم
احب المدح
ما قد احد مدحني
ما قد حسيت اني جميله
و كنت اسمع المدح و اتغذى عليه كنت اشبع نقص بداخلي بذا المدح
استمر ت الحاله هذي شهر تقريبا
و بعدها صار الي ما كنت اتوقعه
اهلي شافوا المحادثات و كل البلاوي اللي كنت غرقانه فيها
كل شي
قروها كلمه كلمه
ابوي هاوشني
و امي بعد
قامت القيامه بالبيت حرفيا
و صكوا على من كل جهه
( اللحين اعرف اني غلطانه و كنت اعرف ان الي اسوي غلط لكن والله والله مو بيدي كنت محتاجه اعيش شوي شوي بس !!)
من بعدها البيت صار ما ينطاق و هذي حالته من البدايه اصلا !!
لكن انا
خلاص
احس انه طفح الكيل !
خلاص !
صبرت سنين بس مو قادره اصبر اكثر
احس خلاص مالي مكان بذا البيت و عمري اصلا ما حسيت انه لي مكان
ابغى اطلع
ابغى افتك
ابغى اخلص !
ما احس بلانتماء للبيت ابد
ولا احبه ولا احب اللي فيه
فكرت اتزوج
بس يا حسره كيف
قسم بالله قلبي يتقطع
خلاص وصلت لمرحله الصفر
الضغط يولد الانفجار و هاذا انا اللحين انفجر !!
ابغى اعيش حياتي !
توني صغيره ولا عشت
اتحسر على نفسي قسم بالله
ابغى اعيش باي وسيله !!
لدرجه الفتره الاخيره فكرت اسوي سحر لابوي !!!
اعوذ بالله من ابليس
بس خلاص قفلت معي و عاد فيني ذره صبر
انكتمت 😭💔💔