الله يعينك

استفدت من الاخوات

بخصوص البلاستيك
صار فيه انواع واشكال مو البلاستيك القديم الابيض
لا فيه فضي وفيه برسمات يهببببببل واستخدامات كثير حتى ملاعق الغرف وصحون الحلويات الصغار
وكاسات عصير بساق
واشكال وانواع
ومادام زوجك يبي يكسب اجر في الناس وبيدفع عالاغراض والاكل قولي اكسب فيني اجر خلني اتعبد بهالشهر وخليه يجيب من محلات البلاستيك بالكرتون

قولي علي الطبخ وباقي شغل البيت اما الصحون لا يالله تغسلين القدور واشياء القهوه والشاهي

مع اني احيانا يكون عندي عزيمة عشا وناس واجد
اجيب بلاستيك اللي فضي او برسوم او مربعات وغيييييييييره كثير تحتارين واجيب معها فناجين قهوه نفس الشكل تصير طقم




بعد جيبي السيرفيسات ( الابلام ) الالمنيوم بالجمله قدمي فيها وتحتها مفرش ورق مخرم
مثلا الفطاير وغيره

نصيحه بخصوص الاعداد الكبيره
نصيييييييييييييييييييييييييحه بلا ماتسوين فطاير صغار وغيره سوي صواني قبل بليله وحطيها بالثلاجه ويومها بس دخليها الفرن


لاتسوين معجنات صغار او سلطه فيها خطوات كثير وقلي وتقطيع

سوي هالاشياء لناس شوي او انتوا لحالكم بالبيت

شي ثاني مهم نصيحه نفعتني وااااااااااااااااااااااااااااااااااااجد
بدل لاتجلسين كل مره تكشنين
جيبي خيشة بصل قشريهاا وحطيها بالخلاط بس لاتفرمينها ناعم ويطلع عصيرها
لا اضغطي ضغطه وقفلي الخلاط وامسحي اللي عالاطراف
وارجعي اضغطي الزر
لين تشوفينه تقطع صغير
وجيبي اكبر قدر عندك حطي البصل
واغمريه بالزيت مو اكثر ولااقل
بالضبط عالقد
وكشنيه عادي زي الكشنه العاديه
اذا استوى تماما


شيلي نصه وخليه برا
وجيبي كمية طماطم كبيره واخلطيها لين تنفرم
وصبيها عالبصل الباقي في القدر وخليها تتسبك معه زيييين


ملاحظه لاتضيفين ثوم ولاملح ولاماجي ولابهارات اضيفيها بعدين وقت ماتحتاجين

الحين خليه يبرد


وعبيه في العلب البلاستيك اللي زي علب الفول الصغيره او اصغر لو تبين بس اتوقع على ضيوفك علب الفول الصغيره تكفي
وفرزنيها ووقت ماتبينها ياطلعيها عالقدر على طول او افضل خليها تذوب شوي او بالمايكروويف

ووقت ماتحتاجين بيروح نص تعب الطبخه ( تقطيع وتكشين وريحه وووووو )

انا لي سنوات معتمدتها ومرتاااااااااااااااااااااااحه
بالذات برمضان




نصيحه ثانيه وقت الايام اللي مابيجيك ضيوف وسويتي باشاميل مثلا زيدي الكميه وفرزي منها واستخدميها لاي صينيه ماتتغير

سويتي دجاج وبقا واجد بعد عزيمه
نتفيه وكشني بيوم تكوني فاضيه واستخدميه لاي صينيه حشو او فطاير

واعتمدي عالجاهز والسريع

بتاخذين اجر تفطيرهم وبتتجملين
ان حطيتي فطااااااااااااااااااااااااااااااااااااااااااااااااااير اشكال وانواع وبقلاوه ولقيمات وجبنيه ونتف نتف
او حطيتي كم صينيه حلوه ومرتبه وكم نوع حلا صواني جوزيه بسبوسه وزيها

بالحاله الاولى بتتعبين وتوقفين والكميات قليله بتحتاج شي اضافي
والحاله الثانيه تجملتي ولاتعبتي واجد


والله يكتب لنا ولك الاجر
اتمنى ان يستفيد من كلامي الجميع

الله يعينك ويكتب لك الاجر

بس دام يفطرون عندك يوميا وهالعدد الكبير ماله داعي التفنن الي يبي يتفنن يفطر عند اهله

والناس مايعطون خير

خليك بالمعقول والاكلات الي تكفي العدد الكبير هذا

يعني رز او مكرونه بالصحن ولقيمات او جبنية وسمبوسه وحلى بارد كريمه او مهلبيه وعصير نوعين

المعجنات مو لازم كل يوم

عندك المنتو الكذاب وصينية التوست هذي مناسبة للعدد الكبير

والعجاين الجاهزة سبرنج رول وبف باستري تفك ازمة وتتفرزن

منيو مقترح :

1- الحلى (اختاري واحد فقط ) : لقيمات أو جبنية أو سبرنج رول بالجبن وعليها شيره

2- اساسية يوميا : سمبوسة لحم + شوربة

3- مالح ( اختاري واحد فقط ) فطاير او كروسان بالجبن - بيتزا - منتو كذاب - سبرنج رول مالح

4- لعصير نوعين فقط : فيمتو (معشوق الرجال ) تانج او سنكويك برتقال واذا يحبون الطازج اشتري نوعين جيك فقط

5- طبق رئيسي : كبسة دجاج او لحم او مكرونة + سلطة -+ حلى بارد (كريم كراميل او كاسترد او مهلبية او أي صنف من اختيارك )

طبعا هذا مع قشطة التمر او اللبنة او الزبادي حسب المعتاد عندكم
والقهوة والشاي وبسسسسسسسسسس

نوعي من يوم ليوم مو تنويع في نفس اليوم وفيه اصناف اعتقد مو ضرورية في رمضان وخصوصا الرجال مايحبونها كثير وهي متعبه

مثل ورق العنب والملفوف والكبة اقتراحي ابعديها عن اختياراتك اعمليها لهم بعد رمضان

فرزني السمبوسه لحم. دجاج. خضار. أجبان.
سبر نق رول.
كبه.
كفته بطاطس ودجاج
والحلو اصابع الجبنه وسمبوسك جبنه صغيره وسينبون
هذي تصلح للتثليج
وخلي عندك بف باستري لوقت الزنقه حشي جبنه وحمريها ثم شيره أو نستله
ولاتكثرين أصناف والله ماينوكل حرام
كثيري كميه فقط لا تكثري اصناف
شوربه وصنفين مقالي وصنف معجنات وصنف حلويات
والعصير جاهز يجيب من محلات العصاير كل يوم بيوم
ولاتكثرين صحون خليهم 4 ابلام ستيل الطويلة كل واحد شكلي فيه من كل الأصناف
وبالوسط حافظة للشوربه
بكذا توفير صحون وترتاحي بالغسيل