( طا!!!!!!!!!!!!!!!ش ؟ )
ألا ياحامي البيتين إحمي ديرتك من طاش!!
ما دام عقولهم طاشت وصاروا من أعاديها!!
وراهم داعمن خاين يبي يبيع الوطن ببلاش!!
دعم هالشرذمة بالمال ومن يرسم خطاويها!!
ويعطيهم على حرب التدين والفضيلة كاش!!
مثل مايدعم ( المستر ) سفير الغرب باقيها!!
ويبي يقطع نخل هالأرض ويزرع نبتة الخشخاش!!
ويرعى بذرة الشيطان يسقيها ويرويها!!
على جمر الفتن ينفخ ولو شبت يبي ينحاش!!
نحش للموطن الأصلي بعد ما أفسد نواحيها!!
هم الشوكة بخصر بلادك وايدك هي المنقاش!!
ولو تترك تعفن هالبلد منها وبلاويها!!
قبل مايحاول علاجه غيور بخنجر ورشاش!!
ألا تكفى يا بو متعب وغيرك من يداويها!!
حشا ما نبييع ديرتنا لاجل حفنه من الأوباش!!
خسوا والدين سيدها حواضرها وبواديها!!
ترى منهو اعترض هالدين ونال بلادنا ماعاش!!
رياح الغرب وامواجه تحطمها رواسيها!!
متى كان الصلاح بيد زمرة ماجن وحشاش?!
جميع الناس تعرفها وتعرف وش خوافيها!!
خرابات بظلام الليل فيها البوم والخفاش!!
إذا فيها الصلاح أولى مساجدنا نخليها!!
وهم فتنة يبي يبين به الناصح من الغشاش!!
يبي يميز الله الطيب من خباث تواليها!!
ومعهم سذج تغريهم الشهرة ولمع فلاش!!
ويغريهم بريق المال ولا به من يربيها!!
يسبونا ويبونا نحبهم والعين لهم فراش!!
وقاحة مثلها ما فيه وقاحات توازيها!!
وابشر هالوطن واهله فشقهم عن هدفهم طاش!!
وحراس الفضيلة سيف أبو متعب وحاميها!!
أبوه اللي حمى الدين وحمى العفة قبل يعتاش!!
وأنشأ هيئة المعروف مثل ما الله أمر فيها!!
وابو متعب على دربه ولا قصر ولا خلاش!!
ألا تكفى يابو متعب وشعبك وأنت واليها!!
يبي منك قرارات بها تطفي لهيب الجاش!!
وتجعل هيئة المعروف وزارة وأنت راعيها!!
بها يفخر بك التاريخ وينقش سيرتك نقاش!!
ولك تشفع بيوم الجمع والله فيك مرضيها!!
( محمد الضيف التميمي )
ورده القصيم @ordh_alksym
عضوة فعالة
يلزم عليك تسجيل الدخول أولًا لكتابة تعليق.
الصالحات
•
جزاك الله خير
الصفحة الأخيرة