هلا وغلا بك ياديمونه نعم هذه طابعتي المجنونه

جديدة ومعقدة حبتين بلشني بها زوجي راح اشتراها بدون ماياخذني معه وأنا أحب أشوف كذا نوع وكيف تعمل وما صناعتها تناسبني أو لا ولكن تعرفين الرجال مايحبون يصطحبون الحريم معهم للأسواق طبعت بها كتب محمله لإبراهيم الفقي ورسومات كرتونية كتجربه ولونوا عيالي ولكن ماعجبتني مثل ماتفضلتي تريح وتفصل ولابها إنجليزي

وماهي ملونه أسود فقط طلبته يرجعها يبدلها رفض زوجي طيب خلهم يعلمونا طريقة شغلها راح لهم يقولون والله مانعرف لها وأغلب الطابعات مانعرف نستخدمها ماأقول غير لاحول ولاقوة إلابالله على بلشتي بها أنا كنت أبغى جهاز فاكس وطابعة ليزر كل جهاز لحاله وقاله صديقه صاحب المحل ذا خذ هذه أفضلك ومدحها من جابها ماعجبتني حتى كتالوج عربي أو إنجليزي مافيها زي ماتفضلتي ياباني وصيني واسباني ووووكل اللغات ماعدا عربي وE

وجزاك ِ الله خير ماقصرتي شفت المقطع سابقا ً ماعرفت وشو له ذي البطاقة يعني وش أستخدمها له لكن أقول يمكن مايشتغل الفاكس أو تصوير المستندات أوتستخدم إلا بذي البطاقه معقوله ؟! قلبت راسي ! أو تخزين شيء ما ؟ وفوق ذا بها فتحة USB يبغالها مهندس صح يعلمنا كيف طريقة إستخدامها

الدرج أحط به ورق حبرها موجود مازالت جديده هاالعنيده وأفصلها وأشغلها وتخزن لايمكن تطبع شي جديد إلا لما تطلع مابداخلها هاهاها ذبحتني شغلتها بعد أسبوع وبغيت أطبع مستند وتفاجئت طلعت لي أوراق الكتاب يلي طبعته رغم إكتمال طبع الكتاب بس تبي خبير يخبرني عملها المعقد والعنيد وجربنا تصوير مستندات ماتصور حاولت ولافيه فايده والله إن زوجي ماعمره جاب لي جهاز به خير ويلي أجيبه أنا باختياري أدرسه وأسأل عنه وأشوف تجارب غيري بعدين أقرر أشتريه وماقد اشتكيت من جهاز اخترته وشريته بنفسي