السلام عليكم بناتين
اليوم بقدم لكم شي رهيب طاجن بطاطس بالسمك الهامور
المقادير بالترتيب
مقادير البطاطس :
4 بطاط كبيره الحجم
جبن كرفت 4 الى 5 ملاعق كبيره
فلفل ابيض
ملح شوي
نص كوب حليب سائل
4 ملاعق كبيره قيمر كويتي
ربع زبده لورباك
الطريقة :
قطعي البطاط وقشريه بعدين اغسليه كويس ،، حطيه في وعاء بلاستيكي مع ماء حار وغطيبه بنايلون واسلقيه بالمكرويف اسهل واسرع (مجربته )
بعدين اهرسي البطاط بالشوكه زين حطي اولشي الجبن مع القيمر واستمري بالتحريك بعدين حطي الزبده وحركي وباقي المقادير اخر شي حطي الحليب السائل وابتدي حركي وشوفي الثقل اللي تبينه لو تبين البطاط شوي لين زيدي الحليب يمكن نص كوب مايكفي فزيدي حليب شوي بس لو شفتي البطاط صار زين وثقله اوكي خلاص وقفي الحليب وخلي البطاط على جنب
مقادير السمك :
كيلو هامور فيليه بدون عظم وبلاوي متلتله مغسول ومنظف وجاهز
ربع ليمونه
شبت شوي
فلفل نص
بصله واحد مفرومه
مزيج ثوم وزنجبيل ملعقة طعام
بهارات مشكله على ذوقج اللي تحبين
انا احط فلفل اسود خشن ، ملح ، شوي كركم ، كمون وبزار شوي
الطريقة :
اكشني البصل مع الثوم بالزيت ، والبهارات ،، اكشنيهم زين ،، بعدين قطعي السمك مكعبات اوكي ؟ بعدين حطيهم فوق الكشنه وحركيهم لين تشوفين السمك شوي قريب ينضج حطي الشبت والفلفل الرومي وباقي المقادير ،، وغطيه شوي بعدين لما يجهز السمك ارفعيه وخليه على جنب
خذي الحين بايركس ادهنيه بالزيت ،، حطي نص الكميه حقت البطاط ورتبيها ،، بعدين حطي السمك بالوسط بعدين غطي السمك بكمية البطاط المتبقي ورتبيهم زين ،،
اخر شي حطي على الوجه جبن مبشور اي نوع تحبينه
وسلامتكم
حلوة مربربة @hlo_mrbrb
عضوة فعالة
يلزم عليك تسجيل الدخول أولًا لكتابة تعليق.
ام علاء
•
يعطيك الف عااااااافيه
الصفحة الأخيرة