طاح اللي في بطني,,,,,,,,,

بسم الله الرحمن الرحيم
السلام عليكم ورحمةالله وبركاته,,

من اول ما أشتركت في المنتدى وانا حابه اكتب قصتي لكم>>>>> حزينه شوي:(

تبتدي من اول ماعرست,,ماشاء الله علي ماصار لي شهر الا والشهر الثاني انه حامل,,:icon28:
حتى الناس كانو يباركون على العرس وانه كانت فيني النساة (الوحم),,, وبعد اسبوع نزل علي بني ورحت الدكتوره وسوتلي (الالتراساوند) وقالت لي الجنين مافي نبض يمكن انه توه صغير اويمكن ان مايكتمل لكن خلي عندج امل.
وصبرت لين صار موعدي الثاني وقالتي لي نفس الكلام بس المشكله ان المشيمه قاعده تكبر عشان جذي ماباوقف عنج المثبت>>تعالي لي بعد عشرة ايام
تميت على هالسالفه شهرين لين دشيت الثالث قالت الدكتوره وقفي المثبت اذا مانزل الحمل بنسوي تنظيف:icon33: المهم نزل علي الدم(وطاح اللي في بطني) كان الم في الظهر وايد قوي ونزيف ايخرع :06:في يوم عيد الفطر وسوولي عملية التنظيف في نفس الوقت وعيدنه في المستشفى (الحمدلله على كل شي)
وبعد ثلاث شهورمن ماسقطت ماياتني الدوره رحت حق دكتورتي الدكتوره خذت علي تحليل وطلع في التحليل ان >>>>>>>>>>>> طلعت لي غده درقيه خامله....
كان شي مو هين علي ولا على امي ولا على زوجي ,, بس طبعا امي وزوجي يبينون لي ان شي عادي بس كنت ادري انهم كانو متضايقين وخايفين علي,, المهم مشيت على العلاج اللي هو مدى الحياة.

وبعد فتره رحت حق دكتوره أمراض النساة وسألتها عن سبب تأخر حملي وقالتي لي ان الغده الدرقيه تسبب وعطتني كلوميد ومشيت على العلاج شهر وماصار حمل,وشهر ثاني وماصار حمل,,,,,,,,
كانت مشكلتي اني استمر مع الدكتوره شهرين بعدين اوقف العلاج وارجع بعد فتره,,,,,,

انزين بعد 3سنوات وانه نفس الطريقه اداوم شهرين واوقف اربعه اخذ الكلوميد بس كان بجرع اكثر من اللي كنت اخذها وجاتني نساة قويه (وحم) وحللت منزلي طلعلي نجاتيف يعني مو حامل لكن امي ماصدقت قالتلي حللي دم وقلت حق الدكتوره قالت حللي دم رقمي وحللت وطلع لي النتيجه حمل كيميائي (يعني شنو ماادري) بس اللي اعرفه انه الرقم يكون اقل من الرقم العادي وقالت لي الدكتوره صبري يمكن بدايت الحمل بعد اسبوع حللي رقمي وحللت وكانت النتيجه اقل من قبل وقالت لي اذا مانزل عليج دم تعالي بعطيج حبوب ينزل الدم بس الدم يكون مثل الدوره اذا كثير تعالي المستشفى وإذا قليل خلج في البيت (وطاح اللي في بطني).......(الحمدلله على كل شي)
واستمريت على العلاج لكن نفس قبل شهرين اواصل وشهر لا حتى قرر اعمل تلقيح وماسمحتلي الفرصه..

لكن الله كتبلي ان اسافر الاردن اعالج هناك........قبل لا اروح كان قلبي مقبوظ
رحت وكانت الدكتوره اللي رحت لها واااااايد شاطره استعملت معاي:
1- برمليوت ان عشان ينزل الدوره
2-وإبر تحت الجلد عشان اينزل هرمون LH لانه صار عندي تكيس والتكيس يرفع من هذا الهرمون كل يوم كانت تعطيني الابر آخر الايام عطتني ابرتين في اليوم
3- الجلوكوفيج
4-ابرتنشيط ايام الدوره بس كانت من النوع الغالي لان الابر ذي تكون فيها هرمونات هذي الابره كانت خليه من هرمون LH
5- ابر التفجيج
6-تحامي مثبته
وبعد كل ذي قلت للدكتوره ابي اسو تلقيح قالت لي ماتحتاجي قلت امبله ابي وسوتلي التلقيح..
وفي شي نسيت اقوله اني رحت حق وحده عجوز هناك مرختني وكانت اولمره فيها اتمرخ ماادري اذا كان اسمه تمريخ بس كان من تحت وحطت لي شي ايسمونه صره بس لما رجعت الشقه شلته كان لي رابع يوم الدوره وهي قالت لي ان الشهر الياي انتي ان شاء الله حامل وقال محد جاني جاتله الدوره الشهر الثاني كلهم احملو ووحده بعد 17 سنه ماحملت لما جاتني حلمت..(سبحان الله)
المهم ان كان يوم التلقيح هوه يوم الرجعه الى الديار ورجعنا الديار سالمين الحمدلله
بعد10ايام من الرجعه نزل علي دم اتصلت في الدكتوره وقالت لي حللي دم بس بو ارقام وحللت واتذكر ان الريال اللي في المختبر قالي الرقم وانا اعرف الارقام اذا حامل او لا بس كنت متوتره قلت له يعن شنو قالي حامل قلت له يعني شنو مرتين لين تأكدت:42: واتصل في الدكتوره وقالت من الرقم يبين ان احتمال تواأم:42: فرحت واااايد بس الدم كان مضايقي كان قليل بس ضايقني>>>>>
وبعد اسبوع زاد الدم ورحت حق دكتوره كنت اعالج عندها وقالت لي ماشاء الله تبارك الله تواأم بس لازم تترقدين وترقدت وخف الدم وبعد كم يوم رجع الدم بزياده وترقدت وقالو لي ان الثاني توقف عنده النبض عشان جذي الدم مو موقف واحتمال استمرار الاولي ضعيف لكن ماشاء الله عليه استمر على كثر الدم والقطع اللي تخرع تنزل تقريبا كل اسبوع,,, والحمد لله تعديت مرحلت الخطر صار لي الشهر الخامس,ووقفو عني المثبتات.:)
وبعد فتره اتعب نفسيتي لان عمتي توفت وعقب عشر ايام من وفاتها صار لي الم خفيف في ظهري قلت عادي صادني الل اكثر وزاد اليومين اللي عقب قلت باتحمل لكن في اخر يوم كان قوي قلت حق زوجي بكره ترخص من الشغل وتعالي ودين المستشفى قال لي اوكي ,, ماطلع من الشغل الا الساعه 11 وانه من الصبح الالم يزيد ويزيد وماكان عندي احد ياخذني المستشفى صار لي شي الله لا يراوه احد كان عذاب وماكنت ادري شنو ذي وياني زوجي وخذاني الحمد لله وانه في الطريج ماصادني الام لمادخلت المستشفى قعدت على الارض مااقدر اقوم من الالم وودونو بسرع غرف الطوارئ وكنت اصرخ ووموعارفه شنو اللي فيني ولا كنت ادري ان كنت اسقط حتى لما كانت اتيني العصره مالت الطلق كنت اطلب من الله مايتأثر الياهل عبالي الم شي فيني مو طلق>>>>>>>لين يات الدكتوره وكشفت علي وقالت مفتوحه عشره ليش ماييتي من قبل انسويلج ربط>>>>>>>وصرخت وقلت بصوت عالي(انا لله وانا اليه راجعون) المستشفى كله سمعني ,, وللحين لين اسمع سوره البقره واتيي هذي الآيه اتذكر الموقف وابكي:06::06:وبعدها دخلوني غرفه الولاده وخلوني اعصر لين يطلع الياهل وكان ولد
وقالت لي الدكتوره كان قلبه ايطق لما طلع اهوه صاحي بس انتي عنق الرحم عندج ضعيف:(
(وطــــــــــــــــــــاح اللي في بطني)

ادري اني طولت عليكم بس حبيت اطلع اللي في قلبي

وهذي الاسبوع باكمل السنه من طرحت ادعولي الله يعوضني ويرزقني بالعيال الصبيان والبنات السليمين البارين الصالحين.
ياربي لاتحرمني من نعمت العيال ياربي ارزقيني وكل اللي يتمني بالذريه
ابي اقرأ دعواتكم وكل وحده تدعيلي الله ان شاء الله بيجبر بخاطرها
وفي امان الله وحفظه