السلام عليكم
كيفكم بنات وش أخباركم
أختكم في الله متخرجة وقاعدة في البيت معاد أشوف الناس ولا أدري وش صار بالدنيا مغير أسمع من العالم
بس ماتوقعت هالبلاوي اللي شفت اليوم صراحة مصايب وأشياء ماينسكت عليها
تمنيت الهيئة موجودة بس :(
الشكوى لله
المهم رحت اليوم المملكة أشوف وودي أشتري لي كم من لبسة
المهم وتونا داخلين السوق ويأذن العشاء فقعدنا نحتري لين يفتح
وحنا قاعدين نتفرج على عروض الأزياء من عبايات تفتن أكثر من الفساتين
والشباب وبناطيل طيحني اللي كل شوي أتصدد خوف تطيح صدق وإلا الكشش اللي تقولين شجر شيء مهوب صاحي
صدقوا يوم سموهم كدش
المهم ياطويلات العمر
وحنا قاعدين
ما درينا إلاذيك الشقراء الأجنبية >>>شكلها أمريكية مدري ليش خمنت
تمشى ببدلة رسمية كذا لاعباية ولاطرحة
أنا :o من الروعة وش ذا الجراءة
إنهبلت وصلت لهدرجة يكفي المناظر اللي تخليك تعيفين السوق بعد بدأت حركات جديدة بترمون العباية
خيرررر إن شاء الله
الظاهر إنها أول مرة تجي بس هذا مو عذر المفروض عارفة عادات البلد اللي بتجيه
قسم بالله الواحد قام يخاف لاتنخسف فينا الأرض وإلاتجينا عقوبة
اللهم لاتؤخذنا بمافعل السفهاء منا
اختي تقول والله شافت بناتكم وعباياتهم أكيد بتلبس على كيفها تحسب العبايات فساتين
هاه بنات وش رأيكم ظنكم بكره بنشوف هالبنات بدون عبايات ............... الله يستر
نسيت شيء >>>إخلصي
ياكثر هالحريم اللي صكوا 50 وال60 كاشفات وعبايات دلع ما أدري وش يبون
الله لا يبلانا يارب
حدائق فيينا @hdayk_fyyna
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
ودائما اسألي الله الثبات