طاف على موعد ولادتي اسبوع وللحين ما ولدت وانا خايفه مووت

سلام عليكم خواتي الغاليات..
أنا عندي مشكله وقالقتني حييييييييل رغم انها يمكن تكون طبيعيه بس هذا اول حمل لي وخايفه على ولدي موووت رغم انه كل ما اروح المستشفى يقولون لي انه كل شي طبيعي. سمعوا مشكلتي واللي صادها موقف نفسي بليز تقول لي شنو سوا لها المستشفى وشنو كان وضعها ووضع ولدها لما ولدت بالسلامه...
مشكلتي اني خلصت الشهر التاسع، موعد ولادتي كان المفروض بتاريخ 1/7/2005 وهذا التاريخ انحسب لي لما سويت الالترساوند بس بحساب الدورة الشهريه المفروض اولد بتاريخ 5/7/2005 اليوم التاريخ 8/5 وللحين ما فيني اي اعراض ولادة. كل يوم اقول اليوم بولد ويعدي اليوم ويطلع علي صبح جديد من غير ما اشوف اي شي ويبدأ يومي بالكآبه.
المهم أمس رحت المستشفى الله يعزكم كان في اسهال وسبب لي الم فضيع في البطن فرحت المستشفى وسوا لي تخطيط للبيبي وحطوا علي جهاز الطلق عشان يشوفون فيني طلق او لا. قالوا لي فيني طلق ولما فحصوني قالوا ما قاعده اتوسع وعطوني موعد اليوم اللي عقبه واللي هو اليوم عشان اروح اسوي تخطيط مره ثانيه. بس اليوم الصبح نزل علي كميه من الدم لونها بني غامق بس بعد للحين ما شفت اي الم ولا اعراض طلق او ولادة. انا احاتي وخايفه وابغي اولد. ارجوكم اللي مرت بنفس ظروف حملي تقول لي شنو صادها وشنو سوت وشنو كان وضع البيبي لما ولدت وهل كانت ولادتها سهله او صعبه وطبيعيه او قيصيره. الف سؤال وسؤال يدور بالي الله يعطيكم العافيه جميع يارب وينول كل وحده اللي ببالها.
أدعوا لي اولد واقوم انا وولدي بالسلامه جزاكم الله الف خير