السلام عليكم ورحمة الله وبركاته
الموضوع منقول
قراتو واستفدت منو وحبيت تستفيدو
مرحبا من جديد
ها قد عدت من موعدي مع طاقات >> زمان عن اللغة الفصحى احس اني تعبت و انا اكتب هالجملة
طبعا اليوم كان موعدي مع طاقات التنمية البشرية ( نساء ) ...الساعة 9 صباحا ،، وصلت قبل الموعد بنص ساعة >> ايش هالنشاط
طبعا مدخلهم هو اكثر عيب في مكانهم لانه على كبر المركز ماشاءلله و انه في زاوية بس مدخل النساء على جنب ممر طوووويل و نطلع درج و نلاقي باب مسكر قلت ياربي هذولا وين ؟ المهم جربت و فتحت الباب طلع بابهم
كان في واحدة عند الباب قتلها عندي موعد اليوم قالت اول مرة ؟ قلت ايه ؟ قالت هويتك ..و رحت عند حقت الريسبشن و كتبت اسمي و رقم بطاقتي و خلوني اكتب في دفتر كبير ( زي حق الحضور ) اسمي ، رقم هويتي ، جنسيتي ( يعني عندي بطاقة احوال وش بكون ايطالية مثلا ) ، وقت الحضور ، و التوقيع .
وقالولي انتظري و كان فيه بنتين منتظرين ، شوية و البنات يجون و تقريبا عددنا كان 11 او 12 واحدة ..المهم بعدين دخلونا غرفة فيها شاشة بروجيكتر و طاولة مستطيلة عليها لابتوبات على كل لاب توب اسم كل متقدمة و رقم هويتها و جلسنا كل واحدة في مكانها و بدت وحدة تشرح لنا ماهي طاقات و الية عملهم ...
قالت انه طاقات طبعا مثل ما كلنا اصبحنا نعرف هي شركة تساعد الباحث عن العمل في ايجاد الوظيفة اللي تناسبه و اللي يرغب فيها و طبعا تساعده في تقديم دورات له ( مثل دورات في المقابلات الشخصية ، دورات في كتابة السيرة الذاتية و خلافه ) طبعا الدورات مجانية و على حسب كل متقدمة و احتياجها للدورات هذي ،، سألناهم ايش الفرق بين طاقات و لقاءات تصدقون طلعوا هذا شئ وهذا شئ ...طبعا الاثنين نفس الهدف و نفس المبدأ من ناحية انه الاثنين تابعين لحافز و الاثنين يساعدونك في البحث عن عمل و الاثنين مدعومين من صندوق الموارد البشرية ( هدف ) ،، بس فيه شغلة انه لقاءات هو مثل معرض مدته فقط 5 ايام راح يتم بعد شهر ( و هذا اتوقع اللي في 25 يناير ) و ينتهي اما طاقات فهو على طووول موجود ...
فيه نقطة و هذي تهم المقبولين في حافز و هو انه طبعا من حقك ترفظي اي وظيفة تعرض عليكي و في حال رفضك لا تقطع عنك الاعانة ...بس هناك فرص وظيفية محددة ( الموظفة ما تعرف بالظبط كم عدد الفرص ) بس لو استنفذت المتقدمة كل الفرص المتاحة لها تحرم من حافز ...>> بس هالنقطة اتوقع مو موجودة بس يمكن يتم استحداثها لاحقا لانه طالما قالت لسه ما تم تحديد كم عدد الفرص الوظيفية اذا لا شئ من هذا رسمي هذا تحليلي الشخصي .
اوكيه ايضا طبعا هم يتابعون معك و يشوفون هل انتي تحضري دائم مواعيدهم ،، مهتمة فعلا بالبحث عن وظيفة و كل هالتفاصيل عشان يعرفون ايضا هل انتي فعلا جادة في البحث عن عمل او لا ...طبعا مو معنى كذا انه تقبلي اي شئ يعرض عليكي او انك غير جادة ..لا طبعا و هالشئ بشرحه في النقاط القادمة >> متأثرة بالمحاضرة اليوم
طبعا البنات يسألون عن الوظائف و ايش ممكن اختار و هل لازم في نفس التخصص و كل هالامور طبعا المحاضرة قالت كل هالامور تناقشونها مع مستشارتك >> حسينا اننا شخصيات هامة و عندنا مدراء اعمال هههههههه
بعد الانتهاء من الشرح و التعريف الاولي جاء وقت اللاب توب الموجود امام كل متقدمة ،، طبعا كان هناك مثل اسئلة و خيارات نحلها مابين اسئلة في الشخصية و شوية اسئلة انجليش و شوية اسئلة حساب ...جدا سهل و حلو ،، خلصت و قالت لي خلاص انتظري برا ...
نكمل
انتظرت برا شوي و تناديني وحدة و تاخذني معها لمكتبها و تعرف بنفسها انا ــــــــ وراح اكون مستشارتك اخذت معلومات عني مثل مؤهلاتي و شهادتي و اذا عندي خبرة او لا ...و سالتني اسئلة هل عندك مشكلة في الاختلاط او لا ،، و طبعا تكتب كل ملاحظة انا اعطيها اياه ،، كمان وين ساكنة بس قتلها انا ما تفرق معي انه لازم العمل يكون جنب البيت ،، كتبت على طول الملاحظة هذي ،، ايش الوظائف اللي مهتمة اني اتوظف فيها و ايش الوظائف اللي لا ما احب ...ممممم بالنسبة للراتب قتلها انا احب اخذ على حسب مؤهلاتي و كذا قالت شوفي هو قطاع خاص و تعرفي القطاع الخاص رواتبهم مو مرتفعة كثير ...طبعا انا قتلها في حدود 6000 ...هي طبعا شافتها جدااا كثييير و قالت لا يعني لازم يكون فيه مرونة في الراتب خاصة انه ما عندك خبرة و ممكن في البداية تختاري وظيفة لسنة او سنتين و بعدين يكون عندك خبرة و يصير الراتب افضل و هكذا ...المهم ما قلتلها خلاص عادي ولا قلت لها لا انا مصرة ...يعني ما علقت ...طبعا سألتني عن مهارتي في الحاسب و اللغة و طبعا اعطيتها كل المعلومات ...قالت ايش رايك في وظائف السكرتارية مثلا و كمان تسالني لو مهتمة بالتسويق ..طبعا اي شئ اقولها مثلا لا على طول ما تلتف له و اي شئ اقولها ايه او مثلا ممكن اشوف ...تكتبه .
شافت سيرتي الذاتية جبت معي نسخة انجليش فقط ...قرأتها عدلت فيها شوية قالت ايش اللي مو مهم اكتبه و ايش اللي ممكن ايضا اضيفه و قالت الموعد الجاي جيبي معك السيرة نسختين وحدة بالعربي ووحدة بالانجليش ...طبعا مستشارتك تساعدك في السيرة الذاتية يعني انا مثلا قالت كويسة بس عدلت عليها كم شغلة و تساعد كيف تطلع سيرتك الذاتية بصورة حلوة تبرز الاشياء المميزة فيكي ...
بعدين جت توريني في الجهاز عندها بعض الوظائف المتوفرة و كانت تمر على الوظائف و تقولي لو شفتي اي وظيفة لفتت نظرك قوليلي عليها ...طبعا هي عرضت علي كم وظيفة ...مثلا عرضت علي وظيفة في السفارات زي منسقة سير ذاتية تطلب لغة انجليزية بما اني لغتي كويسة قالت لو يهمك مثلا و قالت هي راتبها في حدود 4000 ...كمان لفت نظري وظيفتين في مدارس عالمية كانت عبارة عن في مكتبة نسيت المسمى هي امينة مكتبة او منسقة مكتبة مش فاكرة بالظبط ...بس انه وحدة كان راتبها 3500 و وحدة 4000 ...طبعا هذي بشكل عام ،،
لفت نظري اثناء التصفح معاها انه مافي وظائف مستشفيات او بنوك ( واللي هما كانوا من اولوياتي ) ...قالت بالنسبة للبنوك التقديم يتم عن طريق موقعهم بالنت ، لانه البنوك تكون عندهم سير ذاتية بالميات و مو مضطرين انهم يرسلون لنا مثلا انه محتاجين او مثلا نوفر لهم موظفين ،، يعني بالنسبة للبنوك لا ..يصير عن طريق مواقعهم احنا لحد الان ما توفرت عندنا وظائف بنوك ولا وظفنا احد في بنوك ....بالنسبة للمستشفيات هم طبعا يوظفون في جميع القطاعات الخاصة حتى المستشفيات بس ما شفت شئ اليوم ...،، ايضا لفت نظري وظائف مثل مدرسات ، سكرتيرات ، مساعدة مديرة ، عاملة نظافة ، حاضنة اطفال ، و كثييييير وظائف ,,,,
باختصار اخواتي لا تخافون من انه تروحون لهم لانه ماراح يعرضوا عليكي وظيفة انتي من الاساس موضحة انه لا يمكن تقبلين فيها ...راح اجيب مثال ..انتي قلتي لهم انا شهادتي كذا و كذا و خبراتي كذا ...حابة وظيفة ما تكون فيها اختلاط ، ما تكون في شركات ، ما تكون تسويق ، فقط في مدارس او معاهد و الراتب في حدود كذا ...هم ولا ممكن يعرضوا عليكي غير اللي انتي حددتيه فقط ...بالنسبة للراتب ممكن يجادلوا معك فيه و يتوصلون لحل وسط معك ( و طبعا هذا في الاول و الاخير لصالحك ،، لانه هم شخصيا جهة مجانية لا راح تاخذ رسوم منك و لا نسبة من راتبك ولا شئ ) ،، بس ممكن يلاقون لك احسن شئ قدر المستطاع ..المهم الفكرة الاساسية مافي شئ زي عاملة نظافة او بائعة و انتي ما حددتي الشئ هذا او رافضته من الاساس ...ممكن يعرضونه على بنات اعطوهم خيارات اكثر انه عادي اي وظيفة ..اتمنى اكون وضحت النقطة هذي بشكل كويس
طبعا بعد ما خلصت معاها عطتني ورقة فيها مواقع توظيف قالت ممكن كمان تقدمي هنا و قالت على طول تابعي و حددت معي موعد ثاني بعد حوالي اسبوعين بس قالت لو لقيت شغلة مناسبة قبل الموعد ممكن اكلمك ...و اخذت رقمها و خلاص .
في الختام .. المكان كثييير حلو نسائي مستقل ،، تعامل الموظفات اكثر من رااااااااائع ماشاءلله الابتسامة ما تفارق وجهم ،،، اللي حبيته في الموضوع هو حكاية المستشارة الخاصة ،، يعني قدمنا كثييير على مراكز توظيف مثل هدف مثل ولا مرة حسينا فيه تواصل ,,,انا اذكر لما قدمت على هدف قدمت مرتين مرة على الموقع و مرة رحت شخصيا عندهم و اخذت رقم الموظفة و اتصل عليهم ولا احد يجيب ...اما هنا على الاقل سواء اللي مستفيدين من حافز او لا في ناس ممكن ترد عليكي و تساعدك من غير مقابل ...
اخر نقطة : انا فاتتني شغلة و هي تعرض عليا الوظائف خاصة في المدارس الخاصة انه ليش الرواتب اقل من 5000 ريال ؟ وين تنفيذ الامر الملكي انه راتب السعودية في المدارس الخاصة لا يقل عن 5000 ريال ...كان المفروض انبه على النقطة هذي عشان يصير البحث على الاقل في المدارس اللي نفذت الامر الملكي ،، مع انه المفروض تمارس عقوبة على كل مدرسة خاصة مازالت تستغل طاقات المعلمات و المعلمين و في الاخير رواتب ولا شئ ... ان شاءلله راح اطرح عليها الفكرة المرة الجاية ..
بس كذا انا خلصت ...و ادري تكلمت و بربرت كثييييييييير بس كان خاطري اساعد بقدر الامكان و ان شاءلله ربي يوفقنا و يعوضنا السنين اللي راحت
ان شاء الله تستفيدو وتطمنو زي
انا اتصلو عليه طاقات وسالتني اذا تبغي وظيفه قلتلها ايوا اذا مناسبه
وكانت تبغا تاخد معايه موعد دا الاسبوع بس انا مشغوله قالت حتكلمني الربوع وتديني مواعيد الاسبوع الجاي وبس
الله ييسر امرنا ورزقنا بالوظيفه المناسبه
انا متخرجه من الكليه قسم تربيه فنيه
ماقد اشتغلت قبل كده
وقدمت في جداره يارب يشملني يارب ياكريم
طيب اقولهم اني مقدمه في جداره وباستنا اذا جايه الوظيفه
ودعواتكم لاتنسونا من صالح الدعاء
t0na80 @t0na80
محررة برونزية
هذا الموضوع مغلق.
انين66
•
طيب ماجاااااااااااااااااااابوا سيرت الي فوق35وهن خريجااااااااااااااااات
عندي سؤال طاقات بس في الرياض وجده والدمام ولا حتى في المدن الصغيرة ؟؟عندي سؤال طاقات بس في الرياض وجده والدمام ولا حتى في المدن الصغيرة ؟؟
طاقات له موقع قبل فتره دخلت كان حاطين فقط بالرياض
اما الآن كل شوي يفتحون مكان جديد وزادت المناطق
اللي فقط بالرياض وجده والدمام هو اللقاءات تبع الشركات اللي تجي وتعرض وظايف اتوقع اسمه (هدف )
ادخلي موقعهم حاليا فتحوا اماكن لطاقات في الرياض وجده وحائل وتبوك وجيزان والدمام
وباقي المدن بالتدريج ^_^
اما الآن كل شوي يفتحون مكان جديد وزادت المناطق
اللي فقط بالرياض وجده والدمام هو اللقاءات تبع الشركات اللي تجي وتعرض وظايف اتوقع اسمه (هدف )
ادخلي موقعهم حاليا فتحوا اماكن لطاقات في الرياض وجده وحائل وتبوك وجيزان والدمام
وباقي المدن بالتدريج ^_^
الصفحة الأخيرة