ازيكم يا حبايبى...واحشنى أوي أوي...طبعا المفروض تكونوا حفظتوا...ويك إند هتلاقونى على قلبكم و التانية عند ست الحبايب...اللى فعلا بانسى الدنيا و انا عندها....ربنا ما يحرمنى منها و لا يحرم حد من والدته و يشفي والدة بوبا ...و يشفى رضى المسلمين جميعا...
معلش سامحونى انا كنت متعودة أسلم قبل ما أروح بس فعلا انشغلت جامد و كمان دور البرد و التهاب اللوز مكنش لسه خف فكنت فعلا دايما مدروخة ....بس الحمد لله انا أحسن كتير دلوقتى..و متخيليش يا رمال انا مبسوطة أد ايه بنشاطك يا حبيبتى....بجد محسسانى انك مش هاين عليكى ان بيتنا يتقفل و بتيجى تفتحيه كل يوم و ترشى ميه و تقعدي تستنينا...و طبعا انا مقدرش مالبيش النداء..ربنا يا قلبى يجيبلك ساعة سهلة و يحنن قلب فستوكى و يقرر يغير جو بقى و يهبط هبوطا آمنا لدنيانا اللى هتكون سعيدة عليه و على والديه بأمر الله....
نيفو..ربنا يرجعك لينا بألف سلامة يا قلبى و ميحرمنا من وجودك بينا أبدا...
أم أنس...عاجبانى الهمة ما شاء الله....أول ما تزوري الدكتورة طمنينا ...و ان شاء الله ربنا يطرح البركة فى علاج زوجك و يهبه خيرهو يكفي شره...و طمنينى كمان يا تي الجو اتحسن و لا لسه و كمان ان شاء الله ناوية تروحى العمرة امتى...
بوبا...ربنا يقويكى فى شغلك يا حبيبتى ...و من نجاح الى نجاح بأمر الله..و يا رب يكمل فرحتك يا حبيبتى ....و طمنينا بدأتى فى الحقن و لا لسه...وكمان طمنينا على صحة ماما...ربنا ما يحرمك منها أبدا أبدا...
أم مريم....فعلا يا حبيبتى انا حاسة انك فقدتى الثقة فى الأطباء عندك...و كمان انتى محتاجة تهدي أعصابك...فلو ينفع حاولى تنزلى مصر شوية...منها تغيير جو و ترفيه و كمان استشارة طبيب من ذوي الثقة...وان شاءالله ربنا يرجعك مجبورة الخاطر...
سنين الغربة....انا بصراحة معنديش معلومات عن الموضوع اللى سألتى عنه بس الحمد لله ان البنات وفوا و كفوا...ربنا يباركلهم...و حبتش أعجي من غير ما اسلم عليكى و ادعيلك ان ربنا يكرمك و يهديكى للصواب....
ديدي...أهلا بيكى معانا ...و ربنا يباركلك فى أطفالك و يجعلهم قرة عينك...و يا ريت يا حبيبتى متبخلش بقصتك كاملة لاختنا سنين غربة...يمكن ربنا يجعلها فاتحة خير عليها....
كوكر....ربنا يقويكى يا قلبى ...بس متجيش على روحك أوي يا حبيبتى..أنا عارفة ان أكلك جميل ما شاء الله ...بس برضة أكيد جوزو مش هيزعل لو ريحتى شوية و اتجهتى للاكل الخفيف لحد ما النونو يشرف بالسلامة....أهم حاجة عندنا صحتك و راحتك علشان النونو يطلع شديدو صحته حلوة يا قلبى...ربنا يكملك على خير...
طمطم....حيبتى انا عارفة ان ساعة الصفر قريت...بس امانة عليكى تدخلى تكمنينا قبل ما تسافري...و طبعا متنسيناش فى الدعاء..و ان شاء الله ربنا كريم و هيرزقك ما تتمنى..
أوشى...الحمد لل انك بخير يا عروسة...يا رب يا حبيبتى تستمتعى بأجازتك و نسمع عنك كل خير قريبا..
مشتاقة لمكة...بجد موفقة جا فى اختيار اسمك الجميل ده اللى انا باعشقة..ربنا يقدرك و تكرريها و تكون فاتحة خير عليكى يا قمر....
باقى الغايبين...بجد فينكم..تعالوا طمنونا و لو بكلمة...
ازيكم يا حبايبى...واحشنى أوي أوي...طبعا المفروض تكونوا حفظتوا...ويك إند هتلاقونى على قلبكم و...
ويخلي لنا امهاتنا ويحفظهم من كل شر
انا مابدأتش فى الحقن لانى اخر مرة الدكتور لقى عندى بالكشف ان هرمون اللبن عالى
مع ان نتيجة التحليل كويسة جدا
فقالى ربما ده يكون سبب استنى ماتبدأيش فى الحقن ولا العملية الا لما ننزل الهرمون ونشوف هيحصل بعده حمل ولا لأ
قولت استنى شهرين تلاتة واخد الدستونكس واشوف النتيجه وكله بأمر الله
بالنسبة لماما بقى فأنا محتاجة دعواتكم جدا
لانها اتحجزت فى المستشفى من امبارح وعملولها نقل دم قبلالعملية لان نسبة الهيموجلوبين قليلة قوى
وكمان ضغطها مش متظبط
واحتمال تعمل العملية بكرة او بعده وانا هنا هتجنن ومموتة نفسى من العياط عشان بعيد عنها فى الووقت ده بالذات
يارب يقومها بالسلامة ويحفظها من كل شر