صباح الفل والورد والياسمين عليكو كلكو
انا طيرتى الساعة 5 المغرب وحبيت اسلم عليكو قبل ما اسافر هتوحشونى موووووووووووووووووووووت وطبعا مش هنساكو فى الدعاء يلة بقى
السلام عليكم ورحمة الله وبركاتة

صباح الخير يا قمرات
ايه الجمال دا كولو حاضر و موجود

عقبال من نيفة ترجع بالسلامة يا رب

اولا بطوطة تروحى و ترجعى بالسلامة يا رب و ان شاء الله تكون عمرة مقبولة
بس الدعااااااااااااااااااااااااااااااء


رمال يا حبيبتى ربنا يرزقك ساعة سهلة
عارفة انا ابتديت من دلوقتى عمالة احلم بالولادة و انى مش لاحقة اولد عشان مجبتش حاجات البيبى
و ان هدومو موجودة فى بيتى و انا قاعدة عند ماما و مش عارفة اعمل ايه
و اى كلام كدة
ربنا يهون اللى فاضل ان شاء الله

اشتقت اليك و ام انس انا بتلخبط بينكم على طووووووووووووووول
فاذا لقتونى بكتب رد بأسم واحدة فيكم و هى مكتبتش حاجة التانية على طول تعرف ان الكلام موجه ليها
انتو لخبطونى عشان انتو الاتنين ام انس :(
بس تقريبا ام ان اللى اخوها بيتجوز
و هى و اختها ربنا مأرادش بالحمل

عموما انا بس عاوزة ادعيلهم انهم يسبقو اخوهم بتواءم كمان بأذن الله


ايناس يا جميلة
اللى انا فاهماه انك عملتى قبل كدة حقن و الحمد لله ربنا كرمك بأبنك
بصى يا حبيبتى
انا عندى 33 سنة و المشكلة من عند زوجى و جربنا العلاج بس هو يومو بسنة فيه طبعا
فقررت انى انا اللى اعمل كل حاجة و اعمل الحقن
و طبعا انتى عارفة اد ايه مرهق نفسيا و جسمانيا
و هو الحق يقال مش عاوزنى اعيدو تانى عشان هو شاف انا تعبت اد ايه
بس اعتقد انى ممكن اكررو تانى لانو حلى الوحيد
و انا مش عاوزة من جوزى الا حيوانتو المنوية و خلاص
و انا حشيل الليلة كلها لوحدى
يعنى انا زيك بالظبط
و بعدين موضوع الـ 35 دا انا اعرف مشكلة للى محملش نهائى قبلها
طيب تقولى ايه عن هالة صدقى ربنا يتم حملها على خير
اكيد دى معدية الـ 45 بالمرتاح و الحمد لله ربنا كرمها و هى حامل فى تؤام كمان
انتى بس اعملى اللى عليكى و اذا ربنا مأرادش عمرك ما فى يوم حتجية تلومى نفسك و تقولى يا ريتنى

ربنا يكرمك و يهديكى للخير اللى ربنا عاوزو يا رب

سنين الغربة
مصر حتنور بوجودك فيها و يا رب ان شاء الله تحبيها لانك حتحملى فيها بأذن الله
حبيبتى ان شاء الله خير و ربنا حيكرمك هو فعلا الحقن و اطفال الانابيب مش بيحتاجو انابيب خالص يعنى مقفولة مش موجودة اصلا مش مشكلة ربنا بيتمها على خير ان شاء الله


مياس الجميلة اهلا بيكى معانا

بصى يا ست البنات
الحقن و اطفال الانابيب هم الاتنين ذى بعض بس بيفرقو فى المعمل خطوة واحدة
يعنى الاتنين فيهم تنشيط للبتويض و سحب البويضات
اطفال الانابيب بيسيبو الحيوانات المنوية "مع" البويضة هى تخترقها لوحدها و ان شاء الله يحصل انقسام و تخصيب
الحقن "بيحقنو" الحيوانات فى البويضة (يعنى مش بمزاجها حتدخل حتدخل) و ان شاء الله يحصل انقسام و تخصيب
و المهم فى العمليتين مش شطارة الدكتور لأ شطارة المعمل اللى عندو
يعنى الاجهزة تكون كويسة جديدة بيعملها صيانة عندو دكاترة كويسيين فى المعمل
بس ابو الغار برضو معملو كويس جدا
و انتى مش حتحتاجى لأى تحاليل غير تحليل زوجك بس هو دا اللى بيفتحو بيه الملف عندهم اصلا
بس هو فى مشكلة ان الحجز عندهم ممكن يكون قبلها بـ 3 شهور مثلا و حتلاقى فى اول الملف ارقام التليفون و العنوان
و اذا عاوزة العنوان بالتفصيل انا ممكن ابعتهولك على الخاص


المشتاقة لمكة سلامتك الف سلامة و ان شاء الله يكون فى ميزان حسناتك

بوبا اخبار مامتك ايه طمنينا عليكى


باقى البنات ربنا يكرمكم يا رب و يفرح قلوبنا كلنا بأذنه

السلام عليكم أخواتي الحبيبات أنتم فعلا تستحقوا تكونوا أخواتي بجد أنا كنت هعيط :icon36:لما شفت اهتمامكم بي وحسيت ان اصبح لي اخوات لم تلدهم أمي بارك الله فيكم وريح بالكم وحقق لكم كل امانيكم
يا رب اشوفكم امهات ملخومين من كتر العيال :baby2::lechz::eek::eek:ومش عارفين تحطوهم فين واحد متشعبط في النجفة :11retcher والتاني دخل الدولاب:rotaeye: وواحد تحت السرير :icon29:وواحد جوة البانيو:booo: وواحد على التسريحة :hahaha: اذا كانت لسه في تسريحة ؛؛؛؛؛؛؛؛
يا سلام هي دي الحياة الحلوة لمة ودوشة وتحسي بالعزوة
اشكر الأخت اشتقت اليك - وأم أنس ان شاء الله تحملي أنس عن قريب ومن بعده اياد وفاطمة وخديجة آآآآآآآآآآآمين وأختك كمان آميييين يا رب العالمين
اشكرك جدا جدا يا رمال أنا هابدا فعلا في تنفيذ ما قلتيه لي هافكر اولا انا عاوزه الموضوع ولا لأ هو طبعا علشان ابني والوحدة الي ممكن هيشعر بيها بعد كده يبقى لازم ولابد اني افكر اجرب الموضوع مرة اخرى وان شاء الله اصلى استخارة وابقى اقولكم على النتيجة .
ربنا يطمنا على الوالدة ووالدة بوبا الف سلامة عليهم جميعا.
اشكرك يا كوكر على اهتمامك بالرد ربنا يقومك بالسلامة ويجي مولودك ينور عليك الدنيا قولي لي انت ممكن تعملي العملية مرة اخرى اذا اردت الانجاب تاني يا ريت اعرف ردك بس دا بعد ما تولدي بالسلامة .

شفاك الله وعفاك تقومي بالسلامة

صباح الخير يا إيناس...حبيبتى ده واجبنا تجاه بعض....يعنى عيب نبقى كلنا هنا...و حد فينا يبقى مهموم و لا محتار....ربنا يهديكى للى فيه الصواب....و بجد يا حبيبتى فكري بجدية....أوعى يكون فى إيدك انك تسعى تجيبى أخ أة أخت لابنك و تتكاسلى أو تخافى....شدي حيلك و ربنا يكرمك.....

كوكر...ولا يهمك يا حبيبتى...من القلب للقلب رسول....و بعدبن حاولى بقى تكملى حاجة البيبى و متسمعيش كام اللى يقولك استنى للآخر و الكلام ده....ربنا يقومك بالسلامة