اشتقت اليك :

تصدقوا...أنا كان عندي حق انى مقدرش أبعد عنكم....بجد وحشتونى فى اليومين دول اللى مروا كأنهم سنتين...ربنا ميحرمنيش منك يا رب.... معلش أنا زعلانة من نفسى إن الحكاية ديه نستنى أنى أرحب بعودة أختنا نيفو و أقولها ألف مليون حمد الله على السلامة و عقبال عودة طمطم..... و كمان أم التوأمان أنا آسفة إنى انشغلت عنك...معلش يا قلبى ربنا يصبرك و يعوضك خير إن شاء الله بحمل طبيعى و سليم معافى....بجد احتسبى ما مررتى به عند الله....والمرة الجاية نباركلك كلنا يا قمر... مشتاقة لمكة...معلش يا قمر ...معرفتش أسأل عليكى...طمنينى عليكى ..دلوقتى اخبارك ايه و يا تري زرتى طبيبك و لا لسه...تابعينا يا قلبى بتطوراتك و طمنينا عليكى...ربنا يزيح عنك يا حبيبتى و يفرح قلبك.....و ما شاء الله عليكى مذاكرة كويس أوي...اطمنى أنا الحمد لله حافظة الكلام ده عن ظهر قلب و ادعيلى ان شاء الله أقدر أنفذه بدقه الفترة القادمة و كمان اطمنى أكتر إن دكتور عادل هو طبيبى اللى باتابع معاه دلوقتى...و هو أقل ما يقال عنه إنه طبيب بجد متمكن من مهنته و كمان بيمارسها بمنتهى المهارة و الأمانة...ربنا يباركله و يكثر من أمثاله... رمال....ربنا ميحرمنيش منك يا قمر و لا من آرائك الجميلة اللى بتحسسنى إنك بتقري الكلام المكتوب بقلبك مش بعنيكى...و كمان ما شاء الله مش بتسيبى نقطة من غير رد و كأنك بتعيشى المشكلة مع صاحبها...ربنا يا حبيبتى يسترها معاكى دايما و يسمعنا عنك كل خير و نطمن معاكى بمجئ فستوكى للدنيا سالما بأمر الله..... كوكر....ربنا ما يحرمنى منك و يكمللك على خير يا حبيبتى...و نفرح بخبر ولادتك ان شاءالله....و الحمد لله ان التأخير بيجيب نتيجة كويسة معانا ...و هو زي إنه بيفتح عينينا على بلاوي كتير فى الدنيا ديه...فهو برده بيهذب نفسنا و يعلمنا الصبر و يعلمنا دايما إن اختيار ربنا هو الأفضل...وحقيقى يا بنات كل واحدة فينا لما تفرح بخبر حملها...هتحمد ربنا مليون مرة على فترة التأخير ديه...لانها بجد كانت و كأن الله بيصطفينا من دون عباده ليسمع دعائنا و صلاتنا في جوف الليل و فى كل وقت... أم أنس...فعلا يا يا حبيبتى كل يوم باحبك أكتر من اليوم اللى قبله....و كأنك حاسة بيه فعلا....بس للأسف ده طبعى من صغري...و كمان فعلا أنا مش بارتاح غير كده.....وجودي لوحدي فى اللحظات القاسية هو أكثر شئ بيخفف عن نفسى لحد ما أتمالك أعصابى و بعدها بافضفض مع اللى باحبهم (طبع غريب بس هنعمل ايه).... أم مريم....حبيبتى...أيوه كه طمنينا عليكى على طول...و الحمد لله إن ربنا بينلك الحقيقة...أهه على الأقل علشان نفسيتك تبقى مستريحة...بس عايزة اقولك متكسليش و استأنفى رحلة العلاج و اللى محصلش المرة اللى فاتت يحصل المرة الجاية و نفرح معاكى كلنا يا قلبى...و طالما النظام هناك مش مريح كده...يبقى يا حبيبتى ممكن فى الوقت المناسب تحاولى تيجى تعيدي العملية هنا فى أحد الأماكن الموثوق فيها.... بوبا...ألف حمد الله على سلامة ماما.. ربنا يطمنك عليها و ما يحرمك منها أبدا...و ألف ألف مبروك على العمرة...عقبال الحج يا حبيبتى و طبعا عقبال ما نباركلك على النونو كمان....طبعا دعواتك .....ومش هوصيكى ادعى بكل اللى ييجى فى بالك....ربنا يرجعك لينا بألف سلامة...

تصدقوا...أنا كان عندي حق انى مقدرش أبعد عنكم....بجد وحشتونى فى اليومين دول اللى مروا كأنهم...

المشتاقة لمكة :

رماااااااااااال انا بخير والحمد لله الكيس لم يذب بعد وانا في انتظار ذلك فستك مش عايز ينزل ولا ايه ؟؟؟؟ ام انس مفيش اعذار؟؟؟؟؟؟ اشتقت لك عوضك الله حبيبتي ورزقك الذرية الصالحة عاجلا غير اجل انه سميع الدعاء...التكيس خلل هرموني يصيب السيدات اللواتي لديهن استعداد وراثي للاصابة بمرض السكر وفقد الوزن هو افضل علاج وكلما فقدت كيلو كان احسن مع اخذ الادوية التي تنتهي بكلمة فاج بعدها اخذ المنشطات وفقد الوزن اساسي وضروري ولم يكن هناك نبض الجنين لان البويضة المخصبة ضعيفة ...وكل هذا الكلام عرفته من خلال برنامج الدكتور عادل فاروق البيجاوي... كل يوم تبشره واحدة بحملها لاتباعها لنصائحه القيمة جزاه الله خيرا... ان شاء الله تبشرينا بحملك المعافى عن قريب ولا حول ولا قوة الا بالله

رماااااااااااال انا بخير والحمد لله الكيس لم يذب بعد وانا في انتظار ذلك فستك مش عايز ينزل ولا ايه...

رمـــــال :

اشتقت اليك .. ياحبيبتى الحمدلله انك رجعتى لنا تانى منوره ومدورة ;).. قصدى وشك مدور يعنى اوعى تفهمينى غلط :glotz:.. بس المهم تغيرى لون الخط بتاعك يا قلبى بلاش اللون الرمادى ده خليها فوشيا خلينا نفرفش شويه محدش واخد منها حاجه يا شيخه يالا ورينى ضحكتك بس اوعى تكون زى ودان ام انس اللى ورتهالى من يومين وخليكى فى ال سموول .. :laugh2::laugh2::lechz: كوكــر .. حبيبتى ربنا يبارك لك فى الولد يارب ويجعله الذرية الصالحة .. وبعدين انتى ليه ناوية تولدى قيصرى ؟؟ مفيش امل فى الطبيعى ولا انتى اللى خايفه ؟؟ ربنا يقدر لك الخير أم أنس .. ازيك يا حبيبتى كيفيك يا قمر بوبا انتى فين النهاردة يا حبيبتى .. اخبارك ايه .. مش سلمتى المشاريع يوم الخميس برده ولا لسه مشغولة فيها أوشى .. اخبارك ايه ؟؟ انتى مختفيه بقالك فتره حاولى طيب تدخلى بس نطمن عليكى انك بخير نفسى اشوفك قبل ما اولد .. أم مريم .. احنا المفروض نسميكى القمر :40:.. لانك بتهلى علينا كل شهر مرة وده مش كفايه احنا نحب نشوفك على طول .. انا بخير يا ستى وفستك كمان وهو فعلا عجبته القعدة جوة وحالف ماينزل الا لما يخلص حقه بالتمام والكمال .. المهم انتى ناوية تعملى ايه دلوقتى طيب فى موضوع العلاج .. انتى ناوية تنزلى مصر ولا قررتى تقعدى عندك بعد ما عرفتى ان الدكتور كان مظلوم قولى لنا ايه خطتك يا جميل .. المشتاقة لمكة .. الحمدلله انك بخير ومش مهم ان الكيس يذوب بسرعة لكن المهم انك حاسه بإن العلاج جايب نتيجة معلش خدى وقتك لحد ما تتحسنى واهه احسن من السفر لتونس .. وماشاء الله عليكى فى كلامك عن التكيس والله وانا بقرأه كأنى بسمع دكتور عادل فى البرنامج بتاعه انتى شكلك بتتابعيه تمام وحافظة كلامة كمان عموما ياريت البنات فعلا يصدقوا ان المسأله ان شاء الله بسيطة جدا ومش محتاجه غير بس التزام منهم بالدايت والعلاج ليس الا ..و ربنا يطمننى عليكى يا قلبى بس ليا طلب عندك يا المشتاقة .. لو سمحتى ما تأخريش علينا فى مشاركاتك ياريت تبقى معانا بإستمرار انا دايما بحب اشوف اسمك منور فى الملف انا حبيتك زى باقى البنات خلاص :33:

اشتقت اليك .. ياحبيبتى الحمدلله انك رجعتى لنا تانى منوره ومدورة ;).. قصدى وشك مدور يعنى اوعى...

المشتاقة لمكة :

رمااااااااااااااااااااال والله العظيم انا بحبكم كلكم وكما نقول بالجزائرية (بزاااااااااااااااااااااااااااااااف) والله يعلم وان شاء الله هذا التجمع بيتي الثاني فلا استطيع ان اتركه ما حييت...احبكن جميعا:33::love::smheart:........................ادعولي:44:

رمااااااااااااااااااااال والله العظيم انا بحبكم كلكم وكما نقول بالجزائرية...

رمـــــال :

بوبـــا .. حبيبتى ازيك يا قلبى .. ربنا يخليكى ليا وما يحرمنيش منك ويباركلى فيكى ويارب يسمع دعاءك ده ويحققه لى يارب .. وان شاء الله لما اسمى فستك اكيد هقول لكوا على طول بس والله لسه ما فكرت فى اسماء الى الان .. المهم دلوقتى انا عايزة اطمن عليكى اخبارك ايه خلاص دلوقتى انتى فوقتى شويه من موضوع ماما اهه ناوية تعملى ايه يا حبيبتى فى العلاج .. طمنينى عليكى أم التوأمان .. قدر الله ماشاء فعل يا حبيبتى ربنا يخلف عليكى .. بصى هتلاقى فى اول صفحة فى الملف هنا كل بيانات الاطباء اللى بنعتبرهم افضل الاطباء بناء على رأى اللى تابعوا معاه هنا فى الملف .. اختارى منهم اى طبيب او طبيبه واسألينا عنه واللى بيتابع معاه يرد على كل استفساراتك بخصوص الحجز والعمليات وخلافه وكمان هتلاقى عناوين مراكز الخصوبة المعروفه بكفاءتها فى مصر .. وربنا يوفقك يا حبيبتى

بوبـــا .. حبيبتى ازيك يا قلبى .. ربنا يخليكى ليا وما يحرمنيش منك ويباركلى فيكى ويارب يسمع دعاءك...